Read MUKANDA WANZAMBI Genese 47 Bible Online

Genese 47 - MUKANDA WANZAMBI bible

Genese 47

¹Yosefu hakuya nakumuleja Fwaro, nindi, Nitata yami niana kwami anafumi dehi kwituŋa daKenani anenzi dehi, ninyikoku yawu, nimpembi jawu, niŋombi jawu, niyuma yawu yejima; adi mwituŋa daGosheni.

²Waambwiluhu ana kwindi atanu hakuyishikŋi kudi Fwaro.

³Fwaro wayiihwili ana kwindi, nindi, Mwakalakalaŋa mudimwinyi? Wena hiyakumwila Fwaro, nawu, Etu ambuŋeyi tudi atubiŋa, ninetu niankakajetu.

⁴Hiyakumwila Fwaro, nawu, Tunenzi nakushakama mwituŋa; muloŋakwosi kwakudiishila yimuna yetwetu ambuŋeyuku; muloŋa nzala yasweja dehi mwituŋa daKenani; dichi dinu mwani, atwiteji etu ambuŋeyi tushakami mwituŋa daGosheni.

⁵Fwaro walejeli Yosefu, nindi, Tata yeyi nawana kweyi anenzi dehi kudeyi;

⁶ituŋa daEjipitu odu; katuŋishi tata yeyi nawana kweyi haswejela ituŋa kuwaha; ashakami kwawu mwituŋa daGosheni; neyi hadi amayala wunamoni kubabala, yinki wuawakulumpi wakumudimu wayimuna yami.

⁷Yosefu wamwiŋili tata yindi Yakoba, wamushili kumesu aFwaro; Yakoba hakumukiswila Fwaro nkisu.

⁸Fwaro hakumwihula Yakoba, nindi, Nyaka yeyi yiwunahandi yiŋahi?

⁹Yakoba hakumwila Fwaro, nindi, Nyaka yami yinakimbuki yinashi ki munyaka nkulakaji namakumi asatu; nyaka yinahandami yantesha hohu yatama, hiyinashiki munyakayahandili ankaka jami hakimbukila ŋawuku.

¹⁰Yakoba hakumukiswila Fwaro nkisu, hakwidika mwadiŋiyi Fwaro.

¹¹Yosefu watupishili tatayindi nawana kwindi, wayinkeli mpata yawu ayiheti yiikali yawu mwituŋa daEjipitu, hohaswejela ituŋa kuwaha, mwomwituŋa daRamesesa, mwomwahosheliyi Fwaro.

¹²Yosefu wadiishili nitata yindi, niana kwindi, niantaŋa jatata yindi ejima yakudya, mwomwahita majiku awu.

¹³Mwituŋa dejima mwadiŋi mwosi yakudyaku, muloŋa nzala yaswejelinankashi, niituŋa daEjipitu niituŋa daKenani ayekeleli nanzala.

¹⁴Yosefu wakuŋwili mali ejima niadiŋi mwituŋa daEjipitu, ni mwituŋa daKenani, natidiku yalandiluwu; Yosefu watweli mali mwitala daFwaro.

¹⁵Chamanini mali ejima mwituŋa daEjipitu ni mwituŋa daKenani, aEjipitu ejima hiyakuya kudi Yosefu, nawu, Twinki yakudya, indi tufwilituhu kumesu eyi? Mali etu anamani.

¹⁶Yosefu nindi, Letenu yimunayenu. Neyi mali anamani nukuyinka yakudya nayimuna yenu.

¹⁷Atweliyimuna yawu kudi Yosefu; Yosefu wayinkeli yakudya yakuhimpa natuwalu, nanyikoku nampembi, naŋombi, nayimbulu. Wayihandishili nayakudya yakuhimpa nayimuna yawu yejima wena mwakowu.

¹⁸Chamanini wena mwakowu, ayili cheŋi kudi yena mwaka wamuchiyedi, hiyakumwila nawu, Hitukujinda mwantaku, mali etu anamani ejimato-o, niyimuna yejima yineli dehi yambala yamwanta; niyemwenindi mwanta namoni kwosi chuma chinashaluku, kwiji yowu nyijimba yetu nampata jetu hohu.

¹⁹Tukumini dakufwa tuhu, mesu eyi atutalaŋa, ninetu nimpata jetu? Tulandi ninetu nimpata jetu nayakudya, ninetunimpata jetu twakela anduŋu jaFwaro; twinki nimbutu kulonda tuhandi, tubuli kufwa, mpata yakenda kela mahembi hohu.

²⁰Dichi Yosefu wamulandilili Fwaro ituŋa daEjipitu dejima; muloŋa aEjipitu ejima alandishili mahawu nanzala yamwenuwu yaswejeli nankashi. Ituŋa delili dambala daFwaro.

²¹Hakwila antu wayitutulwilili munyikala kufumisha kunsa yaŋinza yaEjipitu yimu ndo nikunsa yi kwawu.

²²Mpataya wayi kombeji hohu yoyabulili kulandayi; muloŋa ayikombeji ayanjapenenaŋa kudya kwawu kudi Fwaro, dichi wena adiilana chesekelu chawu chayinkelaŋayi Fwaro, dichi chabulili kulandishawu mpata jawu.

²³Yosefuwayilili antu, nindi, Lelu nayilandi dehi, ninenu muyantu aFwaro nimpatajenu jaFwaro; tambulenu mbutu jenu oju, mwakadimi.

²⁴Chimwamba kashika hamwaka wakudya mwakaambulaŋa maseka atanu; dimu daFwaro, maseka awana enwenu aweni, ekali mbutu, ŋi jakudima, ŋi jakudya, nikwenwenu, nikwawantaŋa jenu, nikudya kwawanyanenu anyanya.

²⁵Wenanawu, Wunatuhandishi; nkaka yetu atutoŋuhu mwani, tukwikala anduŋuja Fwaro.

²⁶Yosefu welili chidika chakutena ituŋa daEjipitu, nilelu ludikwoku, lwakwila nawu Fwaro wukudyaku iseka damu chitanu; yoyi mpatayawayi kombeji hohu yoyabulili kubalumuka yaFwaro.

²⁷Isarela washakamini mwituŋa daEjipitu, mwomwituŋa daGosheni, hiyakuhetelamu, hiyakusemununa, hiyakuvula nankashi.

²⁸Yakoba washakamini mwituŋa daEjipitu nyaka ikumi nayitanu nayiyedi. Dichi mafuku aYakoba, yonyaka yahandiliyi, yashi kili munyakankulakaji namakumi awana nayitanu nayiyedi.

²⁹Ifuku dakukeŋa kufwayi Isarela hidikuya nakushika, hakutambikani mwanindi Yosefu, hakumwila nindi, Neyi wunantiyili luwi, shaku mwani, chikasa cheyi mwishina dekata dami, wakaŋilaŋa chachiwahi chakubula kutwamba. Bayi wakanjiika mwani, muEjipituku.

³⁰Ilaŋa chinakakama tulu hamu nawatata jami, wakansendapa nakunfumisha mwituŋa daEjipitu, wakantwali nakunjiika kwayijiikawu wena. Yena nindi, Nakela mwomu wunahoshi.

³¹Yena nindi, Nsanyikili. Yena hakumusanyika. Isarela yonopama nikunoŋama hanyitu yakadidi.