Read MUKANDA WANZAMBI Genese 49 Bible Online

Genese 49 - MUKANDA WANZAMBI bible

Genese 49

¹Yakoba wayitambikili anyanindi, nindi, Pompenu dinu kulondaniyileji yimwamba kamona hanyaka yakukuminina.

²Nindi, Pompenu mutiyi, enu anyana kaYakoba, tiyililenu kudi tata yenu Isarela.

³Eyi Rubeni, yeyi wedi wami, yeyi wuswa wami, yeyi tachi yaŋovu jami. Yeyi kulema kwakubadika, yeyi Ŋovu yakubadika.

⁴Wafulokaŋa neyi meji, hiwakabadikaku, nachina chiwayili kukadidi katata yeyi, nakushimana; mwalala wayili kukadidi kami.

⁵ASimeyona naLevi ivumu dawu dimu; mpoku jawu jatubali hiyuma yakuzuŋa nachu madombu.

⁶Eyi muchima wami, bayi wuya kumpùŋayawuku; oku kwakupompelawu, eyi kulema kwami, bayi wudibomba nawuku. Muloŋa wena nakuzuwa kwawu ajahili muntu, nakudikaŋaa kwawu amuketwili ŋombi mujila wawimenu.

⁷Kuzuwa kwawu kushiŋewitu-u, muŋa kwaswejeli; nindombu yawu, muloŋa yadiŋi yawukatu; nakayambula muYakoba, nakayipalaŋesha muIsarela.

⁸Eyi Yuda, yeyi akahamekawu ana kweyi; chikasa cheyi chakekala hanshiŋu yawayilumbu jey i; anyana katata yeyi akakubandamina.

⁹Yuda himwana kamutupa; eyi mwanami, wunafumi hezaŋa; hakunana, hákubulamananeyi mutupa, neyi mukaji wamutupa kwaamu; wukumuvulokahinyi?

¹⁰Hela nkunyi yawanta hiyakafuma kudi Yudaku, hela mutondu wamukwa kuyula hiwakafuma mukachi kanyendu yinduku nichichakenzayi Shilo; yenowu diyi yamba kovwahilawu antu amumatuŋa.

¹¹Hakukasila; mwana kachimbulu chindi kumuvinyu, ni mwana kachimbulu chindi wamukaji kumuvinyu wasweja kuwaha; mahinindi akuvwala nayikosi muvinyu, niyikovwelu yindi nayikosi mumashi amawundu avinyu.

¹²Mesu indi akakekema navinyu, nimaji indi akatooka to-o namayeli.

¹³Zebuluni wakashakama kuchi kumu chakaluŋalwiji; wakekala chikumu chakukuŋikila maatu; ŋinza yindi yakahita kuZidoni.

¹⁴Isakari hichimbulu chakola, nabulamani hakachi kamayinda anyikoku;

¹⁵wamweni kwakunookela nindi kwakuwahi, niituŋa nindi dadiwahi; wafukamini kuchifwiji kulonda asendi yisenda, hakwikala nduŋu wakukalakeshakudi akwawu.

¹⁶Dani wakasompesha antu indi, neyi muchidi wumu wamuIsarela.

¹⁷Dani wakela kapela munjila, wakela chihidi mwakuhitila antu, nakusumatututu twakawalu, nimuntu wakandamahu wakahinukila hanyima.

¹⁸Ami natalilili wamwinu weyi, eyi Yehova.

¹⁹Gadi, chendu chawatupondu chakamulamakesha; ilaŋa yena wakalamakesha katutu kawu.

²⁰MuAsheri mwakafuma yakudya yindi yikweti manji; wakaleta tuyakudya twatuwahi twakudya anyanta.

²¹Nafwatali hinkayi yanombuwu, wahoshaŋa mazu aweni amawahi.

²²Yosefu himwana kachikabu chasonaŋa, hichikabu chekala kukaseloki, nyitayi yindi yatandaŋa nakumotoka ikoli.

²³Akwakwasola namata anyikunji namumweshi kalula, anamwasoli, anamukabishi.

²⁴Kwinza yena wuta windi saŋa wakolela, nimakasindi ayikolesheli, namakasa aMukwaŋovu waYakoba, nejina daKabiŋa, Ilola daIsarela,

²⁵naNzambi yatata yeyi, diyi wakakukwashaku, naChinaweji, diyi wakakukoolekesha, nakukooleka kwakufuma muluzwizu lwamwiwulu, nakukooleka kwakufuma mwinyiŋi mwishina, nakukooleka kwamayeli nalusemu.

²⁶Nkisu jatata yeyi jinasweji ŋovu jinabadiki jawana anvwalili, jashika nikwakuma mapidi ahayanyaka; jakekala hanamutu waYosefu, mwomumbamba namutu kachi kanonwadiŋi waambuka nawana kwindi.

²⁷Benjamini hikaŋwidi wavunyaŋa chakuvunya; hantetemena wakadyayanakwatiyi, hamelela waka anzaŋana yanapupiyi.

²⁸Yeniyi yejima diyi nyichidi yaIsarela ikumi nayiyedi; mwenimu dimumwayiteneneniyi tata yawu hakuyikiswila nkisu; wejima wawu wayikiswilili nkisu yawu, iwu nankisu yindi, iwu nankisu yindi.

²⁹Wayikanini, wayilili nindi, Ami hiyakuntwala kwaya antaŋa jami; mwakanjiiki nawatatajami mwiyeŋu dekala mwiha dakaHiti Efwenaoni,

³⁰mwomwiyeŋu dekalamwiha daMakapela, deleala kwakwihi naMamiri, mwituŋa daKenani, dalandiliyi Abarahama hamu neha dakaHiti Efwenaoni kulonda kwila nfukayetu yakuheta,

³¹diku kwajiikiluwu niAbarahama naŋodindi Sara; dikukwajiikiluwu niIsaka naŋodindi Rebeka; diku najiikili Leya.

³²Niiha niiyeŋu dekalamu wowalandiluwu nawanyana kaHeti.

³³Yakoba chakumishiliyi kukana anyanindi, wanyamwini nyendu yindi nakuyisha hakadidi, hakufwa, amutwalili kwaya antaŋa jindi.