Read MUKANDA WANZAMBI Genese 50 Bible Online

Genese 50 - MUKANDA WANZAMBI bible

Genese 50

¹Yosefu wadinatoleli hamesu atata yindi, hakudilila hadi yena, hakumupwepujola.

²Yosefu walejeli ambuŋindi aŋaŋa, nindi, Muumishenu tata yami; aŋaŋa amuumishili Isarela.

³Amuwanishilili mafuku makumi awana, muloŋa dimu yawanishilaŋawu mafuku akuumisha nachu. AEjipitu amudilili mafuku makumi atanu nayedi.

⁴Cheliluwu mafuku akudila anahiti dehi, Yosefu hakuhosha nawantaŋa jaFwaro, nindi, Neyi munantoŋuhu, hoshenu mwani naFwaro, nenu,

⁵nami, Tata yami wansanyikishili chakunsanyikisha, nindi, Yami nukufwa onu, wakanjiika mwomwŋamu dami dinadiŋundilili mwituŋa daKenani. Dichi dinu aŋiteji mwani, niyi nakajiiki tata yami, nakenza cheŋi.

⁶Fwaro nindi, Yaŋa, kajiiki tata yeyi, mwomwakusanyikishihyi.

⁷Yosefu wayili akajiiki tata yindi; ambuŋa Fwaro ejima ayili nindi, niakulumpi ahamukala windi, niakulumpi amwituŋa daEjipitu,

⁸niantaŋa jaYosefu ejima, niana kwindi, niantaŋa jatata yindi, ashiyili mwituŋa daGosheni anyanawu anyanya hohu, nimpembi jawu, ninyikoku yawu, niŋombi jawu.

⁹Ayili hamu nindi nimakálu, niakwakwendela hatuwalu, hadiŋi chendu chacheni cheneni cheŋi.

¹⁰Chashikiluwu kwakuhulilatidiku kuAtadi, kwishinadi daYodana, hiyakudililaku makumbu aweni asweja nankashi; wamudilili tata yindi mafuku atanu nayedi.

¹¹Awenawu ashakama mwituŋa, wowu aKenani, chamwenuwu chadililuwu mwakuhulilatidiku muAtadi, elili nawu, Kudila kwakudilawu aEjipitu o kukala! Dichi atumbiluku ijina, nawu KuAbeli Mizirayimi, kwishinadi daYodana.

¹²Anyanindi amwilili mwomwayilejeliyi;

¹³anyanindi amusendeli nakumutwala mwituŋa daKenani, amujiikili mwiyeŋu damwiha daMakapela, dalandiliyi Abarahama hamu neha dakaHiti Efwenaoni kulonda kwikalikunfuka yawu yakuheta kwakwihi naMamiri.

¹⁴Yosefu chajiikiliyi tata yindi wafuntili cheŋi kuEjipitu, niyena nianakwindi, niantu ejima ayiliyi nawu nakujiika tata yindi.

¹⁵Ana kwaYosefu chamwenuwu tata yawu nafwi dehi, hivakwila nawu, Kwiji Yosefu wukutuhela nakutukoŋa chatama nachina chitwamutamishili.

¹⁶Atemesheli kaŋanda kudi Yosefu, nawu, Tata yeyi hadiŋiyi wuchidimumi, watulejeli nindi,

¹⁷Mwakamwila Yosefu, nenu, Anakenaku mwani, muloŋa wawana kweyi, ninshidi yawu, muloŋa akukoŋeli chatama; ichidinu mwani, anakeni muloŋa wawambuŋa Nzambi yatata yeyi. Chahosheluwu nindi Yosefu hakudila.

¹⁸Ana kwindi ayili nakudinata hamasekikumesu indi; nawu, Etu ambuŋeyi.

¹⁹Yosefu wayilili nindi Bayi mutiyaŋa womaku, ochu ami yami Nzambi?

²⁰Ilaŋa enu mwatoŋojokeli kuŋila chatama, hakwinza Nzambi watoŋojokeli kwila chachiwahi, nindi ahandishi antu amavulu neyi chitunamoni lelu.

²¹Dichi dinu bayi mutiyaŋa womaku, nukuyidiishaŋa ninenu ni anyanenu anyanya. Wayikundejeli nakuhoshanawu chachiwahi.

²²Yosefu washakamini muEjipitu niyena niantaŋa jatata yindi; Yosefu wahandili nyaka nkulakaji nanyaka ikumi.

²³Yosefu wamweni anyana kaEfweremi, nianyana kamwizukulu windi; nianyana kaMakiri mwana kaManase niwena ayileleli kudi Yosefu hanyendu yindi.

²⁴Yosefu wayililiana kwindi, nindi, Ami hinukufwa; ilaŋa Nzambi chalala wakenza nakuyitala, wamba kayifumisha mwituŋa dinakuyitwala mwituŋa dashiikiliyi. Abarahama naIsaka naYakoba nakusanyika chakusanyika.

²⁵Yosefu Kutach wayilili anyana kaIsarela, nindi, Sanyikenu. Nindi, Nzambi chalala wakenza nakuyitala, ninenu mwakasenda mafwahami nakuyifumisha kunu.

²⁶Nochu Yosefu wafwili, washi kili munyaka nkulakaji nanyaka ikumi. Amuumishili, amushili muchimbaŋu chakujiikila mufu muEjipitu.