Read MUKANDA WANZAMBI Genese 6 Bible Online

Genese 6 - MUKANDA WANZAMBI bible

Genese 6

¹Cheliluwu antu anatachiki dehi kuvula mwahita iseki, hiyakuvwala nianyana awambanda,

²anyana kaNzambi amayala amweni anyanakawantu awambanda nawu akweti lubanji, asumbula ni aŋodi jawu, ejima akeŋeluwu.

³Yehova welili nindi, Spiritu yami hakakabakanaŋa namuntunyaka yejimaku, muloŋa niyena kwindi himuntu hohu, ilaŋa nyaka yindiyakashika munyaka nkulakaji namakumi ayedi.

⁴Hanyaka yina hamasekihadipi antu ataluka, nkumininaku anyana kaNzambi amayala cheŋi liluwumudi anyana kawantu awambanda, hiyakuyivwela anyana; wenowu antu ahashankulu adiŋi asweja, amayala atiyakana mpuhu.

⁵Yehova wamweni kutama kwawantu kunatohi hamaseki, nimwafuukwiluwu mwejima nakutopojoka munyichima yawu munatami hohu bweŋi mafuku ejima.

⁶Yehova chamufutwili kumuchima nanochu cheliliyi muntu hamaseki, chamutiyishili kumuchima bwi.

⁷Yehova welili nindi, Antu naleŋeli nukuyijilumuna mwahita iseki; niantu, nianyama, niyuma yazalalaŋa, niatujila ahaluzwizu; muŋa chinanfutuli kumuchima chinayilili.

⁸Ilaŋa Nowa amutoŋeli kudi Yehova.

⁹Tiyenu nsaŋu jaNowa. Nowa wadiŋi muntu waloŋa, muntu walalahadi akwawu antu; Nowa wendeli naNzambi.

¹⁰Nowa wavweli anyana amayala asatu, iwu Shemi, iwu Hami, iwu Yafweta.

¹¹Iseki datokeli kumesu aNzambi, iseki dawaninini kwamadombuhohu.

¹²Nzambi wamweni iseki dinatoki dehi kwadu; muloŋa antu ejima aditokesheli mwendeluwu hamaseki bu-lu-lu.

¹³Nzambi hakumwila Nowa, nindi, Namoni antu ejima kunayikumi dehi; muloŋa iseki adiwanisha dehi madombu kudi wena; dichi nakayijilu mwinakumu neseki.

¹⁴Katuŋi watu wamapalanga anyingofu, muwatu wakaketolumu tupeka, wakawujikajiki naweŋi wamupachi nimukachinihanzi.

¹⁵Tiya chiwakawu tuŋa; mukuleha kwawatu wakashika mumakulakaji asatu amunkotweli yachikasa, mukutoha kwawu makumi atanu amunkotweli, mukuleha kwawu kwiwulu makumi asatu amunkotweli.

¹⁶Watu wakawisha ipwata, dakashali kwiwulu nakweseka mwomunkotweliyimu yachikasa; chisu chawatu wakashila mumbavu yawu; wakatuŋa matala amakwawu mwishina, amakwawu hakachi, amakwawu hewulu.

¹⁷Ninami, chalala ami aweni kwaamu, hinukuleta dibaji dameji hamaseki, kulonda kujilumuna mwishina dewulu akwanyijimba ejima ahandaŋa nakwona; niyuma yejima yekala mwishina hamaseki yakafwa.

¹⁸Ilaŋa dinu munatiyaŋani naneyi nukukoleshamu; wakeŋa ila muwatu, nineyi, nianyaneyi, niŋodeyi, ni aŋodi jawanyaneyi hamu naneyi.

¹⁹Wakeŋi muwatu yuma yayumi yejima yikweti nyijimba, kulonda kuyihandisha ayedi ayedi kunyichidi yejima, hamu naneyi; akekala niweyala niwamumbanda.

²⁰Nihadi atujila hanamutundu, hanamutundu, nihadi ayimunaha namutundu, hanamutundu, nihadi yuma yazalalaŋa hamaseki hanamutundu, hanamutundu, hakanyamuka ayedi ayedi ahanyitundu yejima akenza kudeyi, kulonda kuyihandisha.

²¹Katambuli yakudya yejima yadyaŋawu, kayipompeshi, yakeli yakudya niyeyi niyawu.

²²Dichi cheliliyi Nowa; mwejima mwamulejeliyi Nzambi dimu mweliliyi.