Read MUKANDA WANZAMBI Genese 7 Bible Online

Genese 7 - MUKANDA WANZAMBI bible

Genese 7

¹Yehova wamwilili Nowa, nindi, Inzaŋa wiŋili muwatu nineyi niantu akwitala deyi ejima; muloŋa eyi yeyi namoni kuloŋa kumesu amihadi antu amakonu.

²Anyama ejima akadi kujilikawu wakatambuli awa atanu nayedi, awa atanu nayedi, amayala nawambanda; nianyama ajilikawu, ayedi, ayedi, amayala nawambanda.

³Niatujila ahaluzwizu, awa atanu nayedi, awa atanu nayedi, amayala nawambanda; kulonda kusaji ulanachu mbutu mwahita iseki dejima.

⁴Muloŋa kunashali mafuku atanu nayedi, nakanokesha nvula hamaseki mafuku makumi awana nimwa ananiwufuku; yuma yayumi yejima yineli nakayijilumuna hewulu damaseki ji-i.

⁵Nowa welili mwejima mwamulejeliyi Yehova.

⁶Nowa washi kili munyaka makulakaji atanu nadimu henjili dibaji dameji hamaseki.

⁷Nowa weŋilili muwatu, ni anyanindi, niŋodindi, niaŋodŋa wanyanindi, nansaŋu yameji adibaji.

⁸Nianyama akadi kujilikawu, nianyama ajilikawu, niatujila, niyuma yazalalaŋa hamaseki,

⁹epilili muwatu mwadiŋi Nowa, awa ayedi, awa ayedi, niweyala, niwamumbanda, mwomwa mulejelu wuNowa kudi Nzambi.

¹⁰Chimwahitili mafuku atanu nayedi meji adibaji enza nikwinza hamaseki.

¹¹Wowu mwaka washikiliyi Nowa munyaka makulakaji atanu nadimu, mukakweji kamuchiyedi, mwifuku damwikumi nakatanu nakayedi dakakweji, dodena ifuku odu tuseloki twamumanyiŋi amaneni twejima twabuzikili, nimakela amwiwulu enzulukili.

¹²Nvula yanokeli hamaseki mafuku makumi awana nimwaana niwufuku.

¹³Dena ifuku odu dodepililuwu muwatu aNowa, naShemi, naHami, naYafweta, wowu anyana kaNowa, niŋoda Nowa, ni aŋodi jawanya nindi hamu nawu;

¹⁴niwena, nianyama ejima mwahita nyitundu yawu, ni ayimuna ejima mwahita nyitundu yawu, niyuma yazalalaŋa hamaseki mwahita nyitundu yawu, niatujila ejima mwahita nyitundu yawu, tujila twejima twakunyitundu yejima.

¹⁵Epilili muwatu mwadiŋiyi Nowa, awa ayedi, awa ayedi, akwanyijimba ejima ahandaŋa nakwona.

¹⁶Awa epilili eŋilili niweyala niwa mumbanda akwanyijimba ejima, mwomwa mulejeliyi Nzambi; Yehova hakumwenzelamu.

¹⁷Dibaji dadiŋi heseki mafuku makumi awana, meji hiyakuvula, anyamuna niwatu hewulu, watu wunyamuka nikunyamuka heseki.

¹⁸Meji asweja nikusweja, hiyakuvula nankashi hamaseki; watu hiwukwendaniha meji.

¹⁹Meji asweja nikusweja chakubadika hama hamaseki; mpidi jajilehi jejima jadiŋi mwishina dewulu jijimina nikujimina hameji wi-i.

²⁰Meji hiyakuya kwiwulu kweseka munkotweli jachikasa ikumi najitanu jikwawu; nimpidi jijimina nikujimina mumeji wi-i.

²¹Akwanyijimba ejima endeli hewulu damaseki afwili, niatujila, ni ayimuna, nianyama, niayuma akuzalala azalalaŋa heseki, niantu ejima.

²²Wejima wawuakweti mumazulu awu kwona kwaspiritu wawumi, wejima wawu adiŋi hamaseki awuma, afwili.

²³Yuma yejima yikweti wumi yadiŋi hewuludeseki yajilili to-o, niantu, ni ayimuna, niyuma yazalalana, niatujila ahaluzwizu; ajilili hamaseki to-o; kwasheli kwaNowa hohu, niadiŋiyi nawumuwatu.

²⁴Meji aswejeli hamaseki mafuku nkulakaji namafuku makumi atanu.