Read MUKANDA WANZAMBI Genese 8 Bible Online

Genese 8 - MUKANDA WANZAMBI bible

Genese 8

¹Nzambi wa anukili Nowa, niyuma yayumi yejima, niyimuna yejima yadiŋiyi nayu muwatu. Nzambi wakunkishili mpepela hamaseki, nimeji hiyakunyekumuka.

²Nituseloki twamu kaluŋalwiji, nimakela amwiwulu ajika nikujika, ninvula ayiketwishili mwiwulu.

³Meji hiyakunye kumukanakuuma hamaseki, awa akuya awa, awa akuuma awa; chimwahitili mafuku nkulakaji namafuku makumi atanu meji anyekumuka nikunyekumuka.

⁴Hakakweji kamuchitanu nachiyedi, ifuku dekumina muchitanu nachiyedi dakakweji, watu wakuŋameni hampidi jaArarati.

⁵Meji awa akuya awa, awa akunyekumuka awa, nicha alukiliyi kakweji kamwikumi; hakakweji kamwikumi, hefuku dakusambila dakakweji, nyitu yampidi yamwekeni.

⁶Chimwahitili mafuku makumi awana Nowa wenzulwili kwipwatadawatu watuŋiliyi;

⁷hakutu ukisha ikololu, wedi kili hakuya nakukimbuka, niniku niniku, nichominuwu meji hamaseki.

⁸Watuukishili nawa nikatela, atali neyi meji ananyekumuki dehi hamaseki.

⁹Hakwinza katelahi kamweni hakudatila mwendu wakuku, hikakufunta kudi yena muwatu, muloŋa meji achidiŋi mwejima mwahita iseki; wedishili chikasa chindi, wamukwatili, wamwijijili cheŋi muwatu mwadiŋiyi Nowa.

¹⁰Wajiŋili mafuku amakwawu atanu nayedi, wamwidishili cheŋi katela muwatu,

¹¹hamelela katela kafuntili cheŋi mwadiŋiyi yena; kutala kumuvumbu waku kudiifu dakuhobola kumuolive. Nowa welukiii nindi meji ananyekumuki dehi hamaseki.

¹²Wajiŋili cheŋi mafuku amakwawu atanu nayedi, hakutu ukisha cheŋi nikatela; hikafuntili cheŋi kudi Nowaku.

¹³Hamwaka wamakulakaji atanu nadimu namwaka wumu, hakakweji kakusambila, hefuku dakusambila dakakweji, meji omini hamaseki; Nowa wajikwili chiku chawatu, hakutala komana hamaseki hanomi dehi.

¹⁴Hakakweji kamuchiyedi, hefuku damakumi ayedi namu chitanu nachiyedi, iseki domini.

¹⁵Nzambi wamwilili Nowa,

¹⁶nindi, Idikaku muwatu, nineyi, niŋodeyi, nianyaneyi, ni aŋodi jawanyaneyi hamu.

¹⁷Idishilaku hamu neyiyuma yayumi yejima yiwudi nayu yikweti nyijimba yejima, niatujila, ni ayimuna, niyuma yazalalaŋa hamaseki; kulonda akasemununi nankashiha maseki, akasemununi, akavuli hamaseki.

¹⁸Nowa wedikilumu, ni anyanindi, niŋodindi, ni aŋodi jawanyanindi hamu.

¹⁹Anyama ejima, niyuma yazalalaŋa hamaseki yejima, niatujila ejima, yoyuma yejima yendaŋa hamaseki, hanyitundu yawu, hanyitundu yawu, yedikili muwatu.

²⁰Nowa wanamutuŋilili Yehova kameŋa; hadi anyama ejima akadi kujilikawu, nihadi atujila ejima akadi kujilikawu, wakwatiluhu amakwawu, wayilambwiliha kameŋa, hinyilambu yakushita.

²¹Yehova watiyili ivumbo dudadiwahi; Yehova wahosheli mumuchima windi, nindi, Hinakashiŋa cheŋi maseki hansaŋu yamuntuku, muloŋa kufuukula kwamu muchima wamuntu kwatama hohu kufumisha kuwansi windi; hinaketa nawa cheŋi yuma yayumi yejima neyi ichi chineluku.

²²Saŋa adiyi iseki, nimwakawa kutumba, nimwaka wakwaŋula nimashika ninkanza, nimwaka wanvulani mwaka wanoŋa, nimwaana niwufuku, hikwamba kaketukaku.