Read MUKANDA WANZAMBI Genese 9 Bible Online

Genese 9 - MUKANDA WANZAMBI bible

Genese 9

¹Nzambi wakiswilili niNowa ni anyanindi nkisu, hakuyila nindi, Semununenu, mwakavuli, mwakawanishi hamaseki.

²Akaya kamana kuyitiya woma kudi anyama ejima ahamaseki, nikudi atujila ejima ahaluzwizu; niyuma yejima yazalalaŋa hamaseki, nianshi ejima amukaluŋalwiji, anahani kudenu.

³Yuma yejima yendaŋa yikweti wumi yakela yakudya yenu; neyi chinayinkeli yisakola yituuta, nayinki yejima.

⁴Ilaŋa mbijinawumi wayu, wowu mashi ayu, bayi muyidyaku.

⁵Chalala, mashi enu, wowawumi wenu, wowu nakayihulawu; nakehulawu kudi anyama ejima, nikudi muntu, mwalala kudi antu ejima nakehulaku wumi wawana kwawu.

⁶Yowu wukumwaŋa mashi amuntu, niyena akamumwaŋa mashi indi kudi muntu; muloŋa Nzambi wamwilili muntu ekali chochekalayi yena.

⁷Ninenu semununenu, mwakavuli; vwalenu nankashi hamaseki, mwakavuliluhu.

⁸Nzambi walejeli Nowa nanyanindi hamu,

⁹nindi, Ami aweni, chalala amichi, hinukukolesha munatiyaŋana nanenu, nawanyanenu akulonde lamu;

¹⁰nayuma yayumi yejima yidi kudenu, hela atujila, hela ayimuna, hela anyama ejima ahamaseki hamu nenu; ejima akwidika muwatu, chalala anyama ejima ahamaseki.

¹¹Nukukolesha munatiyaŋani nanenu, niakwanyi jimba ejima hiyamba kayijilumuna cheŋi nameji adibajuku; hikwambakenza nawa cheŋi dibaji dakujilumuna isekuku.

¹²Nzambi nindi, Chinjikijilu cha kutiyaŋana kunukutiyaŋana nanenu, nayuma yayumi yejima mudinayu enu, chakutiyaŋana nayisaka yejima yahaya nyaka, dichenichi,

¹³nashika suluŋunda kamihevu, kakela chinjikijilu chakutiyaŋana ami neseki.

¹⁴Chikwila chinukuleta ivu hewulu damaseki, kasuluŋunda kakumwe kanahevu,

¹⁵hinukwanuka nichitiyaŋenu chami chinatiyaŋani nanenu, nayumayayumi yejima yikweti nyijimba, nimeji hiyakela cheŋi dibaji dakujilumuna akwanyijimba ejimaku.

¹⁶Kasuluŋunda kakwikala hevu, nukukatala, kulonda nanukiluhu kutiyaŋana kwahaya nyaka kwatiyaŋeni Nzambi nayuma yayumi yejima yikweti nyijimba yekala hamaseki.

¹⁷Nzambi wamwilili Nowa, nindi, Chenichi dichi chinjikijilu chakutiyaŋana kunakole shina wantu ejima ekala hamaseki.

¹⁸Anyana kaNowa edi kili muwatu adiŋi iwu Shemi, iwu Hami, iwu Yafweta; Hami diyi tata yaKenani.

¹⁹Wenawa asatu diwu anyana kaNowa; wowenawa diwu awanishili hamaseki hejima.

²⁰Nowa hakutachika kudima, hakudima itempa danyivinyu.

²¹Wanwinivinyu, hakusheta; mwitenti mwadiŋiyi mahinindi hiyakubeluka.

²²Hami, tata yaKenani, wamweni tata yindi wudi nzekesi, hakuleja ana kwindi muyayedi wawu hanzi.

²³AShemi naYafweta anoneni ihina dakuvwala, adishili hamafwiji awu muyayedi wawu, ayili mafuntanyima, amubutilitata yawu wadiŋi nzekesi; mesu awu atalili kukwinzawu, hiyamweni tatayawu chadiŋiyi nzekesuku.

²⁴Nowa walaŋu mukili namutulu twakamini yina vinyu yindi, welukili mwana mukoŋiyi kabinda kindi.

²⁵Hakwila nindi, Kenani ashiŋewi, kudi ana kwindi ekali kwindi nduŋu yawanduŋu.

²⁶Nindi, Kisu kisu Yehova, Nzambi yaShemi; Kenani ekali kwindi nduŋuyindi.

²⁷Nzambi amutoheshi Yafweta, ashakami kwindi mumatenti aShemi; Kenani ekali kwindi nduŋu yindi.

²⁸Chimwahitili dibaji, Nowa washakamini nyaka makulakaji asatunanyaka makumi atanu.

²⁹Nyaka yaNowa yejima kuyibomba yashi kili munyaka makulakaji atanu namakulakaji awana nanyaka makumi atanu; yofwa ni kufwa.