Read MUKANDA WANZAMBI 2 Samuele 1 Bible Online

2 Samuele 1 - MUKANDA WANZAMBI bible

2 Samuele 1

¹Chelili Sawulu nafwi dehi, niDavidi nafunti dehi kwayiliyi nakutapa aAmaleki, Davidi hakushakama mafuku ayedi kuZikilaŋi.

²Ifukuda muchisatu nindi atali muntu iwu wukwinziwu, wudi nakufuma kuchilombu chaSawulu, mahinindi akutabola dehi, kunamutu windi kudi maseki. Chanashikiyi kudi Davidi hakudinata hamaseki, hakudifukula.

³Davidi hakumwihula nindi, Wuna fumi kudihi? Yena hakumwila nindi, Napulu kikuchilombu chawaIsarela.

⁴Davidi hakumwihula nindi, Kunasoŋidi? Anleji mwani. Yena nindi, ntu anatemoki kunjita, antu amavulu adimboka dehi, afwa dehi. ASawulu namwanindi Jonatani afwa dehi nawa.

⁵Davidi hakumwihula mukwenzi wamulejeli, nindi, Wuneluki ŋahi neyi Sawuluna mwanindi Jonatani afwa dehi?

⁶O wu mukwenzi wamulejeli hakwila nindi, Nadiŋi nakuhita kumpidi yaGilibowa, nami nitali, Sawulu ona nakundameni kwiyopa; nimatemba niakwatuwalu anasweji dehi nakumulondashana.

⁷Chataliliyi hanyima hakuni monami, hakuntambika. Nami, Yamonu.

⁸Hakuŋihula nindi, Yeyinyi? Hinu kumwila nami, Nika Amaleki.

⁹Hakuŋila nindi, Twaya mwani wuni nuŋununi, muloŋa namoni ihuŋu nankashi, niwumi wami saŋa wudi.

¹⁰Hinu kuya kudi yena hinukumunuŋununa, muloŋa ne lukili nami yena wadimbuka dehi, hakatweshanawa kuhandaku; ninona nichiba aba chadiŋi kunamutu windi, nilukanulwadiŋi kuchikasa chindi, na yileti kudeyi mwanta wami.

¹¹Davidi hakukwata mahinindi, hakuyitabola; antu ejima adiŋiyi nawuhiyakwila mwomumu.

¹²Hiyakudila nakutumpa nakujipa nanzala kushikani kumelela, hiyakumudila Sawulu nimwanindi Jonatani, niantu aYehova, nimutaŋa waIsarela; nanochu ch adimboke luwu nampoku yakabali.

¹³Davidi hakumwila owu mukwenzi wamulejeli, nindi, Wafuma kudihi? Nindi, Nimwana kamwenyi, nikaAmaleki.

¹⁴Davidi hakumwila nindi, Wabu lilidi kutiya woma wakwolola chikasa cheyi mwaka wujahi wawayishewa waYehova?

¹⁵Davidi hakutambika mukwenziwumu, nindi, Yakukwakwihi, wumudimbu kili. Hakumutaŋa, hakufwa.

¹⁶Davidi hakumwila nindi, Mashieyi akukumini eyiaweni; muloŋa wunadishi muninakanwa keyeyi aweni, neyi, Ami namujahi wawayishewa waYehova.

¹⁷Tiyenu mukeŋa wadililiyi nachu Davidi aSawulu namwanindi Jonatani,

¹⁸wowu mukeŋa wawuta wamukunji wayililiyi nindi, Wulejenu anyana kaYuda; awusoneka dehi kumukanda waYashari;

¹⁹Nawu, Eyi Isarela, lubanji lweyi analutapi hayinaŋanaŋa yeyi. O ayilobu chanadimbo kuwu!

²⁰Bayi muchishimuna muGatuku, bayi muchitiyakesha munyikwakwaya muAnseke lonuku; anyana kawaFwilistinu awambanda akenza kazaŋalala, anyana kawayidima awambanda akenza kabula nyiŋula.

²¹Enu mapidi aGilibowa, hadenu bayi hakekala cheŋi hela wuumihela nvulaku, hela maha anyilambu! Muloŋa kunasawukili nkebuya chilo bu, nkebu yaSawulu, yinasawuki neyi hiyamuwa yishilimanjuku.

²²Kumashi awatapewa, kumanji awayilobu, wutawajona tani wamukunjihi wafu ntili mwoku, mpoku yaSawulu yakabali hiya funtilumu makasakasaku.

²³ASawu luŋa jona tani! Hadiŋuwu amomi adiŋi akeŋewa amawahi, nihakufwa kwawu kwambuka nehi; lufuchi lwawu lwabadikililwa wambuulu, Ŋovu jawu jabadikili jawanyituŋa.

²⁴Enu anyana kaIsarela awambanda! Mudilenu Sawulu, wayivwikilimahina achinana amawahi, wayishilili yuma yawuru yayiwahi kumahinenu.

²⁵Oa yilobu chanadimbokuwu kunjita! Eyi Jonatani! Aku tapila dehi hayinaŋanaŋa yeyi!

²⁶Eyi mana kwami Jonatani! Chinankalili, nakumweni kuwaha nankashi; nahayamini kukeŋa kweyi, kwabadikili kukeŋa kwawambanda!

²⁷O ayilobu chanadimbokuwu! O yitwa yanjita chiyinanopi!