Read MUKANDA WANZAMBI 2 Samuele 15 Bible Online

2 Samuele 15 - MUKANDA WANZAMBI bible

2 Samuele 15

¹Kulondela henaha Abisalomi hakudiloŋeshela itemba, nituwalu, niamayala makumi atanu akuyaŋahu dehi kumbidi yindi lufuchi.

²Abisalomi wahindukilaŋa budidi, hakwimanaŋa kwakwihi nachisu cha mpwembu. Chakumonayi muntu wudi namuloŋa wudi nakuya kudi mwanta akawuhoshi, Abisalomi hakumutambika, hakumwila nindi, Kumu kala weyi kudihi? Yena nindi, Kambuŋeyi nafumi kumuchidi wawaIsarela wumu.

³Abisalomi hakumwila nindi, Tiya dinu, nsaŋu jeyi jajiwahi ialumbuluka; ilaŋa dinu kudi mwanta hikudi muntu wakukutiyililaku.

⁴Abisalomi hakwila nindi, Neyi yami nadiŋi nsompeshi munu mwituŋa mutenowu antu ejima akweti nyiloŋa hela nsaŋu adi kwinzaŋa kudami, nadi kuyiyiŋishaŋa!

⁵Chakumonayi muntu wudi nakwinza nakudifukula, yena hakwolola chikasa chindi, hakumukwata, hakumupwepula.

⁶Dimu mwelilaŋayi Abisalomi aIsarela ejima enjilaŋa kudi mwanta nakusompa nyiloŋa yawu. Dichi Abisalomi hakwiya nyichima yawaIsarela amayala.

⁷Chimwahitili nyaka yiwana, Abisalomi hakumwila mwanta nindi, Aŋitiji mwani niyi kuHeberoni nakafuti chuma chinadishiililumu kudi Yehova.

⁸Muloŋa ami kambuŋeyi nadishiililumu hinashakamini ku Geshuri kuSiriya, nami, Neyi chalala Yehova wamba kanfuntisha cheŋi kuYerusalema, nakamukalake laYehova.

⁹Mwanta hakumwila nindi, Yaŋa kweyi chachiwahi. Hakunyamuka, hakuya kuHeberoni.

¹⁰Abisalomi hakutemesha temesha akwakwendesha mwahita nyichidi yawaIsarela yejima, nindi, Chimwakatiya mpùŋa hiyikuvuma, mwakahosha nenu, Abisalomi wadya dehi wanta walukanu muHeberoni.

¹¹Amayala makulakaji ayedi afumini muYerusalema, ayili naAbisalomi, akutambika chakutambika. Ayili kwawu chakuyamba, hiyelukili chumaku.

¹²Abisalomi watemesheli mazu akutambika mukwaGilo Ahitofweli, mukwakuleja Davidi maana, afumi kumukala wawu kuGilo, hadiŋiyi nakuketula yimuna. Chikuchi chakwatiluwu chaswejeli Ŋovu. Antu hiyakuhwila kudi Abisalomi.

¹³Kudi Davidi kwenjili muntu, wamulejeli nsaŋu, nindi, Nyichima yawaIsarela amayala yinayi dehi kudi Abisalomi.

¹⁴Davidi hakuyila ambu ŋindi ejima adiŋiyi nawu kuYerusalema, nindi, Nyamokenu, tutemukenu. Neyi nehi, hosi wakapuluka kudi Abisalomuku. Nyakalenu, yenu, wakenza katukasumwisha, wakenza katumwesha yatama, hakatapa mukala nawu mwemu wampoku yakabali.

¹⁵Ambuŋamwanta hiyakumwila mwanta, nawu, Mwonsu mwanakeg iyi nkaka yetu mwanta, tukwila hohu.

¹⁶Mwanta hakwidika, niakwetala dindi ejima hiyakumulondela munyima. Mwanta hakushiya ambanda ikumi, adiŋi antombu, nindi ahembaŋa itala.

¹⁷Mwanta hakwidika, niantu ejima hiyakumulondela munyima. Emeni ku Betimerihaki.

¹⁸Ambuŋindi ejima hiyakuhita mumbavu nambavu; niaKereti ejima, niaApeleti ejima, niakwaGati ejima, wowu amayala makulakaji atanu nadimu afuminiyi nawu kuGati, hiyakuhita hiyakuyaŋahu dehi kumbidi kukuya mwanta.

¹⁹Mwanta hakumwila Itayi mukwaGati, nindi, Tukuyiladi neyi? Ftmtaku wakashakami namwanta. Muloŋa eyi kweyi wumwenyi, wunafumi kwacheŋi; chachiwahi kuya kweyi kuwekala.

²⁰Eyi kweyi mwomukwinza haloshi, lelu nikukimbishi tuhu mwonsu munukuya? Yami nukuya kunamoni kwoku. Funtaku, wusendi niana kweyi, wuyi naluwi nansaŋu yalala.

²¹Itayi hakumwakula mwanta nindi, Chahandayi Yehova kwaamu, nichahandayi nkaka yami mwanta kwaamu, chalala kwonsu kukwikala nkaka yami mwanta, hela chakufwa hela chakuhanda, ninami kambuŋeyi kwoku nukwikala.

²²Davidi hakumwila Itayi, nindi, Yaku, zambukaku. Itayi mukwaGati hakuzambuka, niantu indi ejima, nianyana anyanya adiŋiyi nawu.

²³Ituŋa dejima hiyakudila makumbu aweni, niantu ejima hiyakuzambuka. Mwanta niyena nawa hakuzambuka kakaloŋa Kidironi, niantu ejima hiya kuzambuka, hiyakutalisha njila yaya mwisaŋa.

²⁴Kukasumuka Zadoki hakwinza hamu nawaLevi ejima, anatembeki chimbaŋu chachitiyaŋenu chaNzambi. Hiyakutenteka chimbaŋu chaNza mbi hamaseki. Abiyatari niyena hakukanduka, nichakumishiluwu antu ejima kufuma hamukala.

²⁵Mwanta hakumwila Zadoki, nindi, Funtishenu chimbaŋu chaNzambi kumukala. Neyi Yehova wakantoŋahu, wakanfu ntisha cheŋi, wakachinleja, wakanleja nimwashakamavi.

²⁶Neyi waka hosha nindi, Ami hinakutiyi kuwahaku; yamonu kwami, ankoŋi kwindi mwonsu mwanamoniyi kuwaha.

²⁷Mwanta hakumwila kapristu Zadoki, nindi, Eyi wumukwakumona, netu? Funtaku chachiwahi kumukala hamu nawanyanenu ayedi, mwaneyi Ahimayazi, nimwana kaAbiyatari Jonatani.

²⁸Tiyenu, ami nakashakama kunyaba yamwisaŋa nichikwakenza izu dakudenu dakunleja maana.

²⁹AZadoki naAbiyatari hiyakufuntisha chimbaŋu chaNzambi kuYerusalema, hiyakushakama kwenoku.

³⁰Davidi hakukandukila yamukandu wampidi yaOliveta, iku wudi nakuya, iku wudi nakudila ikumbu, kunamutu windi kwakubuta, kunyendu kwakadi nkwabilu. Niantu ejima adiŋiyi nawu abutilinyitu yawu wejima wawu, akandukili, iku adi nakuya, iku adina kudila.

³¹Muntu wumu hakumuleja Davidi, nindi, Ahitofweli wudi hamu nanawa anakwati chikuchi naAbisalomi. Davidi hakwila nindi, Eyi Yehova, balumunaku mwani maana alejaŋayi aAhitofweli ekali wusupi.

³²Cheliliyi Davidi nindi ashiki hewulu damukandu hamulemeshelaŋawu Nzambi, kukasumuka Hushayi wakuAraki hakwinza nakumukinkilila, chikovwelu chindi chakutabula, kunamutu windi kudi maseki.

³³Davidi hakumwila nindi, Neyi tukuya chimu neyi wakankalisha;

³⁴ilaŋa neyi wukufunta kumukala, hiwukumwila Abisalomi, neyi, Ami nukwikala kambuŋeyi, eyi mwanta. Chinadiŋi kambuŋatata yeyi hamwaka, nukwikala kambuŋeyi nawa; wakanfwomweni maana aAhitofweli.

³⁵Netu, kwenoku hiwudi nawatupristu aZadoki naAbiyataruku? Chonsu chiwakatiya mwi tala damwanta wakalejamu atupristu aZadoki naAbiyatari.

³⁶Wena adi nawanyanawu ayedi kwenoku, mwana kaZadoki Ahimayazi, nimwana kaAbivatari Jonatani. Wenawa diwu mwakatemeshaŋa nakunshimwina yuma yimwakatiyaŋa yejima.

³⁷Ibwambu daDavidi Hushayi hakuya mumukala. Abisalomi niyena hakwijila muYerusalema.