Read MUKANDA WANZAMBI 2 Samuele 19 Bible Online

2 Samuele 19 - MUKANDA WANZAMBI bible

2 Samuele 19

¹Hiyakululeja Yowabi, nawu, Mwanta hakudi yaAbisalomi.

²Kupuluka kwapulukiluwu denodu ifuku kwayi balu mukilili antu ejima kuneŋa. Muloŋa denodu ifuku Mwanta natiyi eŋikela nansanu yamwanindi.

³Denodu ifuku antu eŋilili mumukala chakuwomboloka, neyi chelaŋawu antu anatiyi nsonyi akuwomboloka ehatemukaŋawu kunjita.

⁴Mwanta hakubuta kunesu indi. Mwanta haki nindi, Eyi mwanami Abisalomi Eyi Abisalomi.

⁵Yowabi hakwitiila mwitala mwadiŋiyi mwanta, nindi anaamwini wumi weyi lelu, anaamwini niwumi wawanyaneyi ni amayala nianibanda, niwumi wawatindi leyi, niwumi wawantor tiyishi nsonyi;

⁶eyi wukeŋi akuhela, wuheli akukeŋa shumuni dehi lelu neyi atulamba nawambuŋeyi amukunkulwayi. Muloŋa ami lelu neluki nami, neyi Abisalomi wahanda, etu twafa wejima wetu, mutenowu wunatiyi kuwaha nankashi.

⁷Dichi dinu nyamukaku widiki hanzi, wuyikundeli ambuŋeyi. Ami nasanyiki ijina daYehova, nami, Neyeyi kwidika hanzi nehi, wufuku walelu hikwakasha Chakakutamina chakubadika yatama yejima yiwambi kuwansi weyi kushika nikulelu.

⁸Mwanta hakunyamuka, hakushakama muchisu champwembu. Hiyakuleja antu ejima nawu, Talenu mwanta nashakami dehi muchisu champwembu. Antu ejima hiyakwinza kumesu amwanta. Henohu aIsarela ejima atemokela dehi kumatenti awu.

⁹Niantu ejima adiŋi nakufwilaŋena mwahita nyichidi yawaIsarela yejima, nawu, Mwanta watupulwishili kudi ayilumbu jetu, watuhandishili kudi aFwilistinu; ichi dinu wamutemuka dehi Abisalomi mwituŋa.

¹⁰Abisalomi twawayishili manji netu ekali mwanta wetu niyena wafwa dehi kunjita. Indi dinu munalekelidi kuhosha jakumufuntisha cheŋi mwanta?

¹¹Mwanta Davidi watemesheli mazu akulela atupristu aZadoki naAbiya tari, nindi, Hoshenu nawawakulumpi akuYuda, nenu, Munashimpokelidi kumufuntisha mwanta kwitala dindi? Mazu awaIsarela ntisha kwitala dindi ashika dehi kudi mwanta.

¹²Yenu anakwami, wejima wetu mwivumu detu. Indi enu munashimpokelidi kumfuntisha mwanta.

¹³Kamwilenu Amasa, nenu, Wejima wetu mwivumu dutuku? Neyi wukubula kwikala mukulumpi wanjita kumesu ami hefuku mudi Yowabi, Nzambi ankoŋi mwomumu nichakubadikamu kwaamu.

¹⁴Yofomba ninyichima yamayala akuYuda ejima neyi wunu; atemesha nimazu akumwila mwanta, nawu, Tuŋeyi ejima.

¹⁵Mwanta afunta nikufunta, hakwinza hiyakwinza kuGiligali, kulonda ayi nakumukinkilila mwanta Yodana.

¹⁶Shimeyi mwana kaGera, mukwaBenyamini waku muka swayi, amukinkilili mwanta Davidi hamu namayala akuYuda.

¹⁷Wadini namayala akuBenyamini ikombakaji, niZiba ŋamba wakumutaŋa waSawulu, nianyanindi amayala ikumi natanu, niaŋamba jindi makumi ayedi hamu. Hiyakuzambuka Yodana, mwanta ayitaŋa.

¹⁸Kwayili Watu wakwawukila, kulonda kwawisha akwetala damwanta, kulonda kwila mwonsu mwanamoniyi kuwaha. Shimeyi mwana kaGera hakudinata kumesu amwanta hamaseki heliliyi naawuki dehi Yodana.

¹⁹Hakumwila mwanta nindi, Nkaka yami bayi anyinka muloŋaku, bayi anuka munata mishili ami kambuŋeyi, ifuku dafuminiyi nkaka yami mwanta muYerusalemaku, mwanta bayi achisha kumuchima winduku.

²⁰Muloŋa ami kambuŋeyi neluki nami navulumuni. Dichi chinenjili lelu nakukunkumuka nakwnukinkila nkaka yami mwanta, yami watachi wakumutaŋa waYosefu wejima.

²¹Abishayi mwana kaZeruwiya hakwakula nindi, Shimeyi washiŋiliwawayishewa waYehova kumujaha nehi, tahindi?

²²Kuchinka Davidi nindi, Enu anyana kaZeruwiya ami nidi nenu nansanu mwaka mwili ayilumbu jami lelu? Lelu hiifuku dakujaha muntu muIsarela komana? Lelu hineluki nami nimwanta waIsarelaku, tahindi?

²³Mwanta hakumwita Shimeyi, nindi, Hiwukufwa kweyuku, Mwanta hakumusanyikila nikumusanyikila.

²⁴Mwana kaSawulu Mefwibosheti hakukunkumuka nakumukinkilila mwama, Kufumisha kwifuku dayiliyi mwanra kushika nikwifuku dafuntiliyi chamwena, hateteli mazala indi kunyendu yinduku, hateteli wevu winduku, hela kukosa yuma yindi yakuvwala nehi.

²⁵Chashikiliyi kuYerusalema, nakudimona namwanta, mwanta hakumwila nindi, Eyi Mefwiboseti, walekelelelidi kuya narúuni?

²⁶Yena hakwakula nindi, Nkaka yami, eyi mwanta, ŋamba yami wandimbili; mulona ami kambuneyi nelili nami, Tali nilemi sadi hachimbulu, kulonda nendeluhu niyi namwanta, nanichi chinela ami kambuneyi nichifwayi.

²⁷Yena nantwambili ami kambiŋeyi kudi nkaka yami mwanta. Nkaka yami mwanta wudi neyi kaŋelu kaNzambi. Ilaku tuhu kweyi mwonsu wunamoni kuwaha.

²⁸Muloŋa mutaŋa watata yami wejima twadiŋi neyi afu hohu kumesu ankaka Yami mwanta. Hela chochu, wanshili ami kambuŋeyi hamu nanawa adiila laŋa kumesa yeyeyi aweni. Hinikweti Ŋovu yakumudilila cheŋi mwantaku,

²⁹Mwanta hakumwila nindi, Wukuhosheladi cheŋi nsaŋu jeyi? Nahoshi dehi kwami, nami, Balulenu mpata, nineyi niZiba.

³⁰Mefwibosheti bakumwila mwanta, nindi, Atambuli tuhu kwindi yejima, nanichi chaneliyi nkaka yami mwanta nenzi dehi kwitala dindi yomweni chamwena.

³¹Bazilayi mukwaGileyadi hakufuma kuRoŋelimi, hakukunkumuka, hakwawuka Yodana hamu namwanta, hakwawisha mwanta Yodana.

³²Henohu Bazilayi wakula, dehi nankashi, wela dehi wanyaka makumi atanu nasatu. Yowu wadiishili mwanta hashakaminiyi kuMahanayimi, muloŋa wadiŋi muntu walema nankashi.

³³Mwanta hakumwila Bazilayi, nindi, Tuyaŋa neyi ku Yerusalema, twakadyaŋa neyi.

³⁴Bazilayi hakumwila mwanta, nindi, Nyaka yami yinukuhanda yinashali yinahi mwaka niyi namwanta, kuYerusalema?

³⁵Lelu nashiki munyaka makumi atanu nasatu, nitweshi kwiluka niyayiwahi niyatama? Ami kambuŋeyi nukutwesha kwiluka ivumba dayuma yinukudya nakunwa? Nukutwesha kutiya cheŋi tumina liwembaŋawu amayala nawambanda? Indi ami kambiŋeyi nukumukalishiladi nkaka yami mwanta?

³⁶Ami kambuneyi nukukumina dakwawuka Yodana hamu namwanta, indi mwanta akabi nakunhilwishila mwejimomu?

³⁷Aŋitiji mwani ami kambuneyi nifunti nakafwili kumukala wetu, akaniliki mwŋamu datata namama. Kambuneyi Chimihami iwu. Ayi nankaka yami mwanta, wakamwili mwejima muwakamona kuwaha.

³⁸Mwanta hakumwakula nindi, Chimihami nukuya nindi, nakamwili mwonsu munakamona kuwaha, Nakakwilila mwonsu muwakakeŋala.

³⁹Antu ejima aawuka niYodana, nimwanta waawukili, Mwanta wamupwepujoleli, Bazilayi hakumukiswila ninkisu. Hakufunta kwawu.

⁴⁰Mwanta chaawukiliyi wayili kuGiligali, Chimihami hakuya nindi.

⁴¹Kutala amayala awaIsarela ejima hiyakwinza kudi mwanta, hiyakumwilanawu, Ana kwetu amayala akuYuda anakwi yilidi? Anamwawishilidi mwanta Yodana niakwetala dindi ni amayala aDavidi ejima hamu nindi?

⁴²Amayala akuYuda ejima hiyakwakula amayala aku Isarela nawu, Muloŋa twasemuka namwanta. Ochu enu muku zuwiladi nansaŋuiyi? Tunadyiyuma yamwanta, tahindi? Natwinkuhu chuma, tahindi?

⁴³Amayala aku Isarela hiyakwakula amayala akuYuda, nawu, Etu kudi mwanta tukwetiyibalu ikumi, Davidi wetu chakubadikenu. Indi enumwa tudiwiladikubula kusambila kutwihulamu etu yakufuntisha cheŋi mwanta wetu? Mazu awamayala akuYuda hiyakubadika mazu awamayala akuIsarela Ŋovu.