Read MUKANDA WANZAMBI 2 Samuele 20 Bible Online

2 Samuele 20 - MUKANDA WANZAMBI bible

2 Samuele 20

¹Akasumukili muntu wamukunkulwayi, ijina dindi Sheba, mwana kaBikiri, mukwaBenjamini, hakwimba mpùŋa hakwila nindi, Etu hitwadyaŋa naDaviduku, hitukweti wuswana wakubomba namwana kaJesuku. Enu aIsarela ejima mwaŋelenu kumatenti enu.

²Dichi amayala akuIsarela ejima afumini kwayiluwu nakulonda Davidi, hiyakulonda mwana kaBikiri Sheba. Kwinza amayala akuYuda saŋa amulamatilawu mwanta wawu, kufumisha kuYodana ndo nikuYerusalema.

³Davidi yoshika nikwitala dindi kuYerusalema. Mwanta hakunona owu ambanda ikumi adiŋi antombu jindi ashiyililiyi kuhemba itala, hakuyisha mwitala dakuyihemba, hakuyinka kwakudya kwawu hohu, kwijila mudiwena nehi. Ashakamini kwawutuluwa hohu, saŋa ayenzelelawu nikwitagwa dawu dakufwa.

⁴Mwanta hakumwila Amasa, nindi, Ntambikili amayala akuYuda apompi mumafuku asatu, nineyi nawa chiŋa wakekala kunu.

⁵Amasa hakuya nakupompesha akwaYuda. Hakulaba, hakumotwesha mwamukaninuwu.

⁶Davidi hakumwila Abishayi, nindi, Mwana kaBikiri Sheba keŋa atuta mishi chakubadika chatutamishiliyi Abisalomi. Twalaku ambuŋankaka yeyi, wakamuhaŋi, kuchina kwijila munyikala yampwembu, hakatupuluka.

⁷Antu aYowabi hiyakuya nindi, niaKereti, niaPeleti, niayilobu ejima. Hiyakufuma muYerusalema, hiyakuya nakuhaŋa mwana kaBikiri Sheba.

⁸Chashikiluwu kwilola deneni dekala muGibeyoni, Amasa hakwinza nakuyibulakana. Yowabi wadiŋi wamanyeka dehi yuma yindi yanjita yavwelelaŋayi, mumbunda yindi wavwala muya wukweti mpoku yakabali muchindalu chayu. Chendeliyi hiyikuholoka.

⁹Yowabi hakumwila Amasa, nindi, Eyi mana kwami, wakola? Yowabi hakumukwatila Amasa kuwevu nachikasa chindi chachidiilu, nindi amupwepuli.

¹⁰Amasa kubabela mpoku yakabali yadiŋi muchikasa chaYowabi nehi, hakumutaŋayu mwivumu, ninyijigwa yindi mwa-mwa hamaseki, hamutapili cheŋuku. Afwa nikufwa. AYowabi namana kwindi Abishayi hiyakuhaŋa Sheba mwana kaBikiri.

¹¹Mukwenzi waYowabi wumu hakwimanahu, hakwila nindi, Yowu nakeŋi Yowabi, yowu waDavidi, amulondi Yowabi.

¹²Amasa nakami nakusanya mumashi indi mukachi kamukwakwa. Owu iyala chamweniyi antu ejima hiyakwimana, hakumufumisha Amasa mumukwakwa, hakumusha hampata, hakunatilahu ihina, namoni dehi antu ejima chakushikawu hadi yena hiyakwimana.

¹³Chamufumishiliyi mumukwakwa, antu ejima hiyaku londela Yowabi, hiyakuhaŋa mwana kaBikiri Sheba.

¹⁴Hakuhita munyichidi yawaIsarela yejima, hakuya nikuAbeli, niku Betimayaka, nikudi akwaBeri ejima. Apompeli, hiyakuya nindi.

¹⁵Hiyakwinza nakumukuchika muAbeli wakuBetimayaka. Mukala hiyakuwudi mina mpwembu yatalaŋana nampwembu yamukala. Antu adiŋi naYowabi ejima hiyakupundapunda mpwembu yamukala nawu ayihumuni.

¹⁶Mumukala mwadiŋi mumbanda mukwamaana, hakubilela nindi, Tiyenu, tiyenu. Mwilenu mwani Yowabi, nenu, Twaya kunu kwakwihi, nihoshi neyi.

¹⁷Hakwinza kwakwihi namumbanda, mumbanda hakumwi hula nindi, Yeyi Yowabi? Yena nindi, Yami. Mumbanda hakumwila nindi, Tiya mazu akambuŋeyi. Yena nindi, Nidi nakutiya.

¹⁸Mumbanda hakuhosha nindi, Hamwaka ahoshelaŋa nawu, Chiŋa kwihula maana ku Abeli, nsaŋu hiyikukuma.

¹⁹Yami wawakwenu awunda ashinshika mu Isarela. Eyi wukukeŋa kujilumuna mukala nimama muIsarela. Wuku minyinadi wuswana waYehova?

²⁰Yowabi hakwakula nindi, Kwakulehi, kwakulehi tuhu ntahi! Ami nakaminyi hela kujilumuna?

²¹Hidimu mwaya nsaŋuku. Iyala wakwituŋa daEfweremi damapidi, ijina dindi Sheba mwana kaBikiri, namutombokeli mwanta, yowu Davidi. Muhani yoyena hohu, nifumi kumukala. Mumbanda hakumwila Yowabi, nindi, Mutu windi akukunatila hampwembu.

²²Mumbanda hakuya kudi antu ejima namaana indi. Aketula ninamutu wamwana kaBikiri Sheba, amunati lawu niYowabi. Yena hakwimba mpùŋa, amwaŋala nikumukala, hiyakuya wejima wawu kumatenti awu. Yowabi hakufunta kuYerusalema kudi mwanta.

²³Yowabi diyi wadiŋi mukulumpi wanjita yawaIsarela yejima. Mwana kaYehoyada Benaya diyi wadiŋi mukulumpi wawaKcreti nawa Peleti.

²⁴Adorami diyi wadiŋi mukulumpi wansaŋu janyilambu. Mwana kaAhiludi Yehoshafwati diyi wadiŋi mukwakusoneka nsaŋu.

²⁵Sheva diyi wadiŋi mukwakusoneka nyikanda. AZadoki naAbiyatari diwu adiŋi atupristu.

²⁶Ira wakuYayiri niyena diyi wadiŋi ŋambela yaDavidi.