Read MUKANDA WANZAMBI 2 Samuele 21 Bible Online

2 Samuele 21 - MUKANDA WANZAMBI bible

2 Samuele 21

¹Mafuku adiŋiyi Davidi kwenjili nzala yanyaka yisatu, nyaka yakulondaŋana. Davidi hakwihula kudi Yehova. Yehova nindi, Chinafumi hansaŋu yaSawulu, namutaŋa windi wawubanji, nanochu chaja hiliyi aGibeyoni.

²Mwanta hakutambika aGibeyoni, hakuyila nindi— wena aGibeyoni hiyadiŋi anyana kaIsarelaku, wowu aAmori asheluku, asanyikililuwu kudi anyana kaIsarela; Sawulu wakeŋa eli kuyijaha neyena datiyililaŋayi anyana kawaIsarela nawaYuda.

³Davidi hakuyila aGibeyoni, nindi, Nukuyililadi? Muloŋa nukuwubuta nadi, kulonda mwakakiswili wuswana waYehova nkisu?

⁴AGibeyoni hiyakumwila nawu, Etu na Sawulu namutaŋa windi hitudi nansaŋu yakutufuta hela siliva hela wuruku; hichatela etu kujaha muntu muIsarelaku. Hakuyila nindi, Nukuyilila mwejima mumukuhosha.

⁵Hiyakumwila mwanta, nawu, Atwinki amayala atanu nayedi, anyana keyala watunoŋesheli, watukwatilili maana atama, nindi tujilumuki tubuli kushala mwituŋa daIsarela,

⁶tuyikudiki kumesu aYehova muGibeya waSawulu wadiŋi watondewa waYehova. Mwanta nindi, Nukuyinkawu.

⁷Mwanta hakwanakena Mefwibosheti, mwana kaJonatani, Jonatani mwana kaSawulu, nakusanyika kwaYehova kwadisanyikililuwu, kwoku kwadisanyikiiiluwu aDavidi namwana kaSawulu Jonatani.

⁸Mwanta hakukwata anyana kaRizipa mwana kaAya, amayala ayedi avweleleliyi Sawulu, iwu Arimoni, iwu Mefwibosheti; nianyana kaMikali mwana kaSawulu, amayala atanu avweleleliyi Adiriyeli mwana kaBazilayi waku Meholati;

⁹hakuyihana kudi aGibeyoni, hiyakuyikudika hampidi kumesu aYehova, afwilili hamu wejima wawu atanu nayedi. Ayijahili hamafuku akudya mbutu, hamafuku akusambila, hatachikiluwu kudya mbutu yabali.

¹⁰Mwana kaAya Rizipa hakunona chikeleyi, hakudalila helola, kufumisha hatachikiluwu kwaŋula mbutu kushika nihayinokeleli nvula mwiwulu. Hetŋili tujila twahaiuzwizu kuwilahu namwaana, hela tunyama twamumpata kwinzaku nawufukuku.

¹¹Hiyakumuleja Davidi mweliliyi mwana kaAya Rizipa, wadiŋi ntombu yaSawulu.

¹²Davidi hakuya nakutambula mafwaha aSawulu nimafwaha amwanindi Jonatani kudi amayala akuYabeshi Gileyadi, wowu ayiyili kumukwakwa wakuBetishani kwayikudikiluwu kudi aFwili stinu, ifuku dajahiluwu Sawulu kudi aFwilistinu kuGilibowa.

¹³Hakufu misha kwenoku mafwaha aSawulu nimafwaha amwanindi Jonatani, hiyakupompesha nimafwaha anowu akudikiluwu.

¹⁴Hiyakujiika mafwaha aSawulu namwanindi Jonatani mwituŋa daBenjamini kuZera, mwŋamu datata yindi Kishi. Akoŋeli mwayilejeluwu kudi mwanta mwejima. Kulondela henaha Nzambi wetiyili mwamulembeleleluwu nansaŋu yetuŋa.

¹⁵AFwilistinu adasili cheŋi njita nawaIsarela. Davidi hakuyaku nawa mbuŋindi ejima, hakulwa nawaFwilistinu; Davidi hakuzeya.

¹⁶Ishi benobi mwana kaluntu lwasweja kutaluka, wadiŋi neyoŋa dapezu yajishekeli jawuneŋu makulakaji asatu, namanyeki dehi mpoku yayiha, hakutoŋojoka kujaha Davidi.

¹⁷Itaŋa mwana kaZeruwiya Abishayi wamukwashiluku, hakumutaŋa kaFwilistinu, hakumujaha. Antu aDavidi hiyakuhosha nindi chakusanyika, nawu, Eyi kuya cheŋi nanetu kunjita nehi, wakenza kajima inoŋu daIsarela.

¹⁸Kulondela henaha kwelili cheŋi njita nawaFwilistinu kuGobi. Henohu Sibekayi mukwaHushati hakujaha Safwi, mwana kanolu luntu lwasweja kutaluka.

¹⁹Kwelili nawa cheŋi njita nawaFwilistinu kuGobi. Elihanani mwana kaYayari Oreŋimi wakuBetelemi hakujaha Goliyati wakuGati wadiŋi neyoŋa dikweti mulunda wudi neyi chipamba chamu kwakutuŋa mahina.

²⁰Kwelili cheŋi njita kuGati, kwadiŋi iyala wasweja kutaluka, kumakasindi ejima kwadiŋi nyinu yitanu nawumu yitanu nawumu, nikunyendu yindi yejima kwadiŋi nyinu yitanu nawumu yitanu nawumu, kuyibomba makumi ayedi nayiwana, niyena nawa wadiŋi mwana kalwenolu luntu lwasweja kutaluka.

²¹Chahosheliyi mazu akudiwula aIsarela, Jonatani mwana kaShimeya mana kwaDavidi hakumujaha.

²²Wenawa awana adiŋi anyana kalwenolu luntu lwasweja kutaluka, avwalikilili kuGati, afwilili kuchikasa chaDavidi, nikumakasa awambuŋindi.