Read MUKANDA WANZAMBI 2 Samuele 22 Bible Online

2 Samuele 22 - MUKANDA WANZAMBI bible

2 Samuele 22

¹Davidi hakuhosha naYehova mazu akamina kanu ifuku deliliyi Yehova namupulwishi dehi kudi ayilumbu jindi ejima, nikudi Sawulu.

²Hakuhosha nindi, Yehova diyi ilola dami, diyi mpwembu yami, diyiwampulwishaŋa, wamami hohu.

³Nzambi welola dami, nukubatama mudi yena. Nkebu yami, luseŋu lwawamwinu wami, kaposhi kami kakale hikakutemukila, chiswamu chami. Chamwinu chami waŋamwinaŋa kundombu jawantu.

⁴Nukumutambika Yehova watela kumuhameka, hiyakaŋamwina kudi ayilumbu jami.

⁵Muloŋa mankanda akufwa ankumaŋeneni niniku niniku, dibaji deneni dayuma yamukunkulwayi dantiyishili woma.

⁶Nyonji yakaluŋa yanjiŋili kwi-ndo. Yidiya yakufwa yankulukilili.

⁷Chinamweni kukala namutambikili Yehova, mwalala hinukumubile laNzambi yami. Watiyili izu dami mutembeli yindi, niikumbu dami dashikili kumatu indi.

⁸Iseki hidikukanka, hidikuzaala. Hashimatila iwulu hihakwenda, nihakmiyika, nanochu chazuwiliyi.

⁹Mmnazulu indi himukukakumuka wishi, mukanwa kindi himukwidikakesi, hikakuya nakunoŋesha hohu, hikakukwatisha nimakala.

¹⁰Wazembeli mawulu, hakukunkumuka. Kwishina danyendu yindikwadiŋi mwidima wakushishita.

¹¹Wendelelihakerubi, hakutu ukani kutúuka. Mwalalaamumwenihampuula jampepela.

¹²Mwidima hakuwubalumuna yisolu yakumujika kwi-ndo, kwapompekameji, himavu akushishita mwiwulu.

¹³Kutamuka kwatamukaŋa kwakuyayi kwakwatishili makala akesi.

¹⁴Yehova adidima nimwiwulu, Mukwakubadika Kwiwulu ahosha nikuhosha.

¹⁵Hakwasa nyivu, hakuyimwaŋa mwa-mwa, hakukenashana, hakuyi bazu mwisha.

¹⁶Chazuwiliyi Yehova, chonashaniniyi nakuhila, nyihoŋi yahitaŋaa meji akaluŋalwiji hiyikumwekana, nihashimatila mpata hihakwidika hatooka.

¹⁷Yena wolweli chikasa chindi mwiwulu mwadiŋiyi, hakunkwata, hakunzambula mumeji akunama.

¹⁸Hakumpulwisha kudi chilumbu chami wadiŋi naŋovu, nikudi anheleli, ambadikili Ŋovu nankashi.

¹⁹Ifuku dinamweni ihuŋu ankumaŋeneni, Yehova diyi wadiŋi nkwashiyami.

²⁰Hakunhanwisha mwavumba, hakuŋusha mweneni mutooka too. Hakumpulwisha nanochu chantiyiliyi kuwaha.

²¹Yehova wanfweteleli kuloŋa kwami, wanyinkeli wuloku nakutooka kunatookeli kumakasami.

²²Muloŋa ami nalamati munjila jaYehova, hinamushiyi Nzambi yami nakwila chatamaku.

²³Nashi muchima wami mwasompaŋayi mwejima; yidika yindi amikufumamu nehi.

²⁴Nadiŋi walala kumesu indi, nadihembeli kukuluwa kwami.

²⁵Dichi Yehova nanfweti mwashikila kuloŋa kwami, mwashikila kutooka kunatooka kumesu indi.

²⁶Kudi mukwaluwi eyi wukudimwekesha wumukwaluwi; kudi muntuwalala eyi wukudimwekesha wuwalala;

²⁷Kudi wutooka mumuchima eyi wukudimwekesha wutooka mumuchima; kudi waluwalala eyi wukudimwekesha wumukwakulwisha.

²⁸Antu amweshawu ihuŋu wukuyamwina, hakwila adinka wanta mesu eyiadi hadi wena kulonda wuyikeheshi.

²⁹Muloŋa eyi Yehova winoŋu dami; Yehova wukunimunyi kilamumwidi mamunidi.

³⁰Muloŋa naneyi nukulotokela mukanka; naNzambi yami nukumotokaikoli.

³¹Hakwila Nzambi, mwelaŋayi mwalala; izu daYehova dakweseka dehi; yena hinkebu yawantu ejima akubatama mudi yena.

³²Ochu kudi Nzambi wacheŋi? Hidiyi Yehovaku? Ochu kudi ilola dacheŋi? Hidiyi Nzambi yetuku?

³³Nzambi diyi mpwembu yami yakola; yena diyi walombolaŋa muntuwalala munjila yindi.

³⁴Wambalumwinaŋa nyendu yami hiyikwikala neyi yankayi; waŋi mikaŋa ngúu hinemanaŋa hahalehi, ninaha ninaha.

³⁵Wafundishaŋa makasami kwasa njita, mwaka makasami atweshi kwevulawuta wamukunji wawuneŋu.

³⁶Wunanyinki nkebu yawamwinu wami; kuwunda kweyi kunanyinkikulema.

³⁷Wunantohesheli muwendelu, nyendu yami hiyinaselumukuku.

³⁸Nahaŋi ayilumbu jami, nayijilumuni too; hinafuntili mwoku ninichi chinayinoŋesheli too.

³⁹Nayinoŋeshi, nayihanwishi mpoku zwa-a, kutwesha kuhinduka cheŋi nehi; mwalala nukuyidata nanyendu yami.

⁴⁰Muloŋa wunanvwiki dehi Ŋovu yakuya nachu kunjita; wunanfwomwenidehi annyamukilili.

⁴¹Wunantemwini ayilumbu jami, hiyakuntalisha chanyima, kulonda niyijilumuni anhela.

⁴²Atalili, hiyamweni wakuyamwinaku; atahli kudi Yehova, yena kwindikuyakula nehi.

⁴³Hinukuyichika kwami puchipuchi neyi lunkuŋu lwahamaseki; hinukuyidatola kwami neyi maseki akuchaaka adi munyikwakwa hinukuyi mwaŋa mwa-mwa.

⁴⁴Wunampulwishi hakufwilaŋenawu antu ami; wunanhembi kulonda niikali mwanta wanyuza, akankalakela kudi antu nabula kwiluka.

⁴⁵Antu amwacheŋi akanfwomokela; akaŋovwahila hohakantiyawu.

⁴⁶Antu amwacheŋi akazeya, akedika mwadikaŋililuwu nakuzaala.

⁴⁷Yehova wamumi; ilola dami adikiswilinkisu; Nzambi yelola dawamwinu wami atúumbakani.

⁴⁸Diyi Nzambi wantendaŋa, diyi waŋovwahishilaŋa nyuza yawantu.

⁴⁹Diyi wampulwishaŋa kudi ayilumbu jami. Mwalala yeyi wannyamunaŋa kwiwulu hiwukunmotwesha hadi annyamukilaŋa. Yeyi wampulwishaŋa kudi mukwandombu.

⁵⁰Eyi Yehova dichi chinukukusakilila mukachi kanyuza. Nukwimbatumina twakuhameka ijina deyi.

⁵¹Wamwinu wanaamwiniyi mwanta windi walukanu weneni; windiawayishayi manji wamwilaŋa mwaluwi, yowu Davidi nawanyanindi, chahaya nyaka.