Read MUKANDA WANZAMBI 2 Samuele 5 Bible Online

2 Samuele 5 - MUKANDA WANZAMBI bible

2 Samuele 5

¹Henohu nyuza yawaIsarela yejima hiyakwinza kudi Davidi kudi Heberoni, hiyakuhosha nawu, Tala, wejima wetu mwivumu detu.

²Hamwaka hadirpyi Sawulu wuchidi mwanta wetu, yeyi welilaŋa wutwala aIsarela wuyileta cheŋi; Yehova wakwilili nindi, Yeyi wakadiishaŋa ntu ami aIsarela, yeyi wakekala nlomboli yawaIsarela.

³Akulumpi ejima awaIsarela hiyakwinza kudi mwanta kuHeberoni; mwanta Davidi wakwatili nawu chitiyaŋenu kumesu aYehova kuHeberoni; amuwayishili Davidi ekali mwanta waIsarela.

⁴Hatachikiliyi Davidi kuyula wadiŋi washika dehi munyaka makumi asatu, wayulili nyaka makumi awana.

⁵KuHeberoni wayulili aYuda nyaka yitanu nayiyedi natukweji tutanu nakamu; kuYerusalema wayulili aIsarela ejima naYuda nyaka makumi asatu nanyaka yisatu.

⁶Davidi nawantu nindi ayili kuYerusalema akalwi nawaYebusi eniituŋa dawu, wowu amwilili Davidi, nawu, Eyi kwinza munu nehi, kwinza munu chiŋa wunafumishi niamputamesu niayifwayi; muloŋa atoŋojokeli nawu, Davidi hakutwesha kwijila munuku.

⁷Hela chochu Davidi watambwili chikooku chaZiyona; diwu mukala waDavidi.

⁸Denodu ifuku Davidi welili nindi, Muntu wukutapa aYebusi akakandami, akashiki kuwuhitilu wameji, akatapi ayifwayi nawamputamesu anabuli kukeŋayi Davidi mumuchima windi. Dichi chahoshelaŋawu nawu, Kudi amputamesu nawayifwayi; hakutwesha kwijila mwitalaku.

⁹Davidi washakamini muchikooku, wachitumbili ijina nindi, Mukala waDavidi. Davidi watuŋililuku kwi-ndo, kufumisha kuMilo nakutwala mukachi.

¹⁰Kutoha kwaDavidi hikukuya nakusweja; muloŋa Yehova Nzambi wamazaza wadiŋi nayena.

¹¹Mwanta wakuTira Hirami wamutemesheleli Davidi atupanda, ninyisida, niakwakusoŋa nyitondu, niakwakutmja matala amalola; anamutuŋilili Davidi itala.

¹²Davidi welukili nindi, Yehova nankoleshi dehi muwanta wakuyula aIsarela, nantohesheli dehi wanta wami hanyijimba yawantu indi aIsarela.

¹³Heliliyi nafumi dehi kuHeberoni Davidi walunjikiluku ambanda amakwawu muYerusalema, niantombu niakusumbula; kwavwalikili anyana kaDavidi amakwawu amayala nawambanda.

¹⁴Tiyenu majina awanyanindi avwalikili muYerusalema; Shamuwa, niShobabi, niNatani, niSolomoni,

¹⁵niIbihari, niElishuwa; niNefweŋi, niYafwiya;

¹⁶niElishama, niEliyada, niElifweleti.

¹⁷AFwilistinu chatiyiluwu nawu Davidi anamuwayishi dehi wanta wawaIsarela, aFwilistinu ejima hiyakuya nakumukeŋa Davidi; Davidi hakuchi tiya hakukunkumuka kuchikooku.

¹⁸Henohu aFwilistinu enza dehi, atandama dehi muchinekineki chawaRefwa.

¹⁹Davidi hakwihula kudi Yehova, nindi, Niyi nakalwi nawaFwilistinu, tahindi? Wukuyihana kudami, tahindi? Yehova hakumwila Davidi nindi, Yaku, nukuhana aFwilistinu kudeyi chalala hohu.

²⁰Davidi hakushika kuBayali Perazimi, Davidi hakuyitapa kwenoku. Hakwila nindi, Yehova nankotweli ayilumbu jami kumesu ami, neyi chakumpulapa meji waadilu. Hakutumbaku ijina nindi, kuBayali Perazimi.

²¹Hiyakushiya akishi awu akutuŋa kwenoku, Davidi nawantu indi hiya kuyi fumishaku.

²²AFwilistinu enjili cheŋi nawa, atandamini cheŋi muchinekineki chawaRefwa.

²³Davidi chehwiliyi Yehova, Yehova hakwila nindi, Bayi wuya kwoku; nyeŋumukilaku kunyima yawu, wakayishintakeshi kunyitondu yamaliberi.

²⁴Chiwakela hiwukutiya kwiwulu danyitondu yamaliberi kuvuma kwakwenda, hiwakalundumuka; mulopa henohu Yehova natwa minuku dehi kuwukuyeyi, akatapi njita yawaFwilistinu.

²⁵Davidi hakwila mwenomu mwamulejeliyi Yehova; hakuyitapa aFwilistinu kufumisha kuGeba kushikŋa kwakwila neyi hiwukuya nakushika kuGezeri.