Read MUKANDA WANZAMBI 2 Samuele 6 Bible Online

2 Samuele 6 - MUKANDA WANZAMBI bible

2 Samuele 6

¹Davidi watambikili aIsarela atondelewi ejima, makombakaji makumi asatu.

²Davidi hakunyamuka, hakuya nawantu ejima adiŋiyi nawu, hiyakufuma kuBayali wakuYuda, akafumishuku chimbapu chaNzambi chakutenena Ijaŋa, dodijina daYehova wamazaza washakama mukachi kawakerubi.

³Hiyakusendela chimbaŋu chaNzambi hetemba dadiha, hiyakuchifumisha mwitala daAbinadabi dadiŋi hampidi; anyana kaAbinadabi, aUza naAhiyo, hiyakwendesha itemba dadiha.

⁴Hiyakudifumisha mwitala daAbinadabi dadiŋi hampidi hamu nachimbaŋu chaNzambi; Ahiyo hakutwamina kumbidi yachimbaŋu.

⁵Davidi namutaŋa wawaIsarela wejima hiyakusambilila kumesu aYehova hiyakwimba yuma yacheni nayacheŋi, yikwawu yanyinjunŋa yakusoŋa, nitudada, niyisanji, nindimba, nimpùŋa, nimachakayi.

⁶Chashikiluwu kuwuhulilu waNakoni, Uza hakwolwela chikasa chindi hachimbaŋu chaNzambi, hakuchikwata, muloŋa aŋombi adiŋi nakuchi chankaŋesha.

⁷Yehova hakumuzuwila Uza; Nzambi hakumwetela kwenoku nachibenu chindi, hakufwila kwenoku kuchimbaŋu chaNzambi.

⁸Davidi hakutiya kutama nanochu chamubabesheluwu Uza kudi Yehova; hakutumbaku ijina nindi kuPerezuza nikulelu.

⁹Denodu ifuku Davidi wamutiyili Yehova woma. Welili nindi, Chimbaŋu chaYehova chikwinza kudami ŋahi?

¹⁰Davidi walekeli kufumisha chimbapu chaYehova chinzi kudi yena, Davidi hakuchiteŋulwila mwitala daObedi Edomi wakuGati.

¹¹Chimbanu chaYehova chashakamini mwitala daObedi Edomi wakuGati tukweji tusatu. Yehova wamukoolekesheli Obedi Edomi niakwetala dindi ejima.

¹²Amulejeli mwanta Davidi, nawu, Yehova nakoolekeshi itala daObedi hi. Edomi, niyuma yekala yinayu yejima, nachimbaŋu chaNzambi. Davidi wayili, wafumishili chimbaŋu chaNzambi kwitala daObedi Edomi, wachileteli kumukala waDavidi namuzapalu.

¹³Elili chakwendawu akwakusenda chimbaŋu chaYehova nyendu yitanu nawumu hakuketula niŋombi nichi muna wamanji.

¹⁴Davidi hakuhaŋana kumesu aYehova naŋovu jindi jejima; Davidi wavweli mumbunda ifwodi yehina dadiwahi;

¹⁵Davidi namutaŋa wawaIsarela wejima aleteli chimbaŋu chaYehova nakusambilila nakwimba mpupa.

¹⁶Chelili chimbaŋu chaYehova hichikushika mumukala waDavidi, mwana kaSawulu Mikali hakutalila munjanina, hakumona mwanta Davidi, wudi nakutomboka nakuhaŋana kumesu aYehova; wamudiwili mumuchima windi.

¹⁷Eŋŋili chimbaŋu chaYehova, achishili mwachu mukachi ketenti dachilemeneni Davidi; Davidi hakulambula ninyilambu yakushita ninyi lambu yakuwunda kumesu aYehova.

¹⁸Chamanishiliyi Davidi kulambula ninyilambu yakushita ninyilambu yakuwunda, hakuyikiswila antu nkisu mwijina daYehova wamazaza.

¹⁹Hakuparpla antu ejima, lwoluntu lwaIsarela lwejima, niamayala niambanda, hamuntu hamuntu, nidinkendi, nimusunyi wambiji, nimukanji wanyikabu yavinyu yakwanyika. Antu ejima hiyakufunta kumatalawu.

²⁰Davidi hakufunta nindi akakiswili akwetala dindi nkisu; mwana kaSawulu Mikali hakwinza nakumukinkilila Davidi, hakwila nindi, Aha! Mwanta wawaIsarela o chanalemiyi lelu, nadivúulavúuli kumesu awambuŋindi awambanda neyi chadivúulaŋa kantu kamukunkulwayi kakadi ninsonyi.

²¹Davidi hakumwila Mikali nindi, Chakumesu aYehova, wantondeli kubadika tata yeyi, kubadika mutaŋa windi wejima, wankunjikili kwikala kalamba kawantu ambala aYehova wowu aIsarela; dichi chinukuhemena kumesu aYehova.

²²Nukusawuka tuhu kwami chakubadika mwenimu, nibuli kudi mona kulema ami aweni; kwinza awambuŋa wambanda wunateni akanlemesha kwawu.

²³Mwana kaSawulu Mikali havweli mwanaku nikwifuku dafwiliyi.