Read MUKANDA WANZAMBI 1 Malena 12 Bible Online

1 Malena 12 - MUKANDA WANZAMBI bible

1 Malena 12

¹Rehobowami hakuya kuShekemi, muloŋa aIsarela ejima enjili kuShekemi nakumudiisha wanta.

²Yerobowami wadiŋi nakushakama muEjipitu, muloŋa henohu wachidiŋi muEjipitu mwatemukililiyi mwanta Solomoni; mwana kaNebati Yerobowami hakuchitiya, hiyakunamutumesha;

³Yerobowami nachipompelucha waIsarela chejima hiyakwinza nakuhosha naRehobowami,

⁴nawu, Tata yeyi watukalishilili mpanda yetu. Ichi dinu tupepesheli nyidimuyatata yeyi yakala, nimpanda yindi yalema yatutwikiliyi, ninetu twakakukalakelaŋa.

⁵Hakuyila nindi, Yenu mwakajiŋi kasatu, mwakafunti cheŋi kudami. Antu hiyakuya.

⁶Mwanta Rehobowami hakukwata mpùŋa nawawakulumpi, emenaŋa kumesu atata yindi Solomoni hadiŋiyi wuchidi mumi, nindi, Nlejenu chachiwahi munukuyakwila antu awa, nukuyila namidi?

⁷Hiyakumwilanawu, Neyi wukwi kala jimba yawantu awa lelu, wuyikalakelaŋa, wuyakulaŋa wuhoshapa nawu mazu amawahi, akekala ambuŋeyi haya nyaka.

⁸Ilaŋa yena walekeli maana amulejeluwu awakulumpi, hakukwata mpupana wanyikwenzi akulililiyi nawu hamu, emenaŋi kumesu indi.

⁹Hakuyilanindi, Nlejenu chachiwahi namutukuyakwila antu awa anaŋili nawu, Pepeshakumpanda yatutwikili tata yeyi. Tukuyila netwidi?

¹⁰Anyikwenzikuliliyi nawu hamu hiyakumwila nawu, Tiya chiwakayila antu awa anakwilinawu, Tata yeyi watulemesheleli mpanda yetu, eyi tupepesheliyi. Kayilineyi, Munu wami wakanyansa wunabadiki nkuma yatata kutoha.

¹¹Tatayami wayitwikili mpanda yalema, kumpanda yenu ami nakalunjikaku. Tata yami wayetelapa yikotu, ami nakayeta tunjimbu.

¹²Yerobowami nawantu ejima hiyakwinza kudi Rehobowami ifukuda muchisatu mwomwayilejeliyi mwanta, nindi, Mwakenzi cheŋi kudami ifuku damu chisatu.

¹³Mwanta hakutalumokela antu, walekeli maana amulejeluwu awakulumpi,

¹⁴hakuyila mwamulejeluwu anyikwenzi, nindi, Tatayami wayilemesheleli mpanda yenu, kumpanda yenu ami nakalunjikaku. Tata yami wayetelapa yikotu, ami nakayeta tunjimbu.

¹⁵Mwanta hayitiyilili antuku, muloŋa chumochu chafumini kudi Yehova, kulonda kukoleshaizu dahosheliyi Yehova kukanwa kaAhiya wakuShilo kudi mwana kaNebati Yerobowami.

¹⁶AIsarela ejima chamwenuwu mwanta kuyitiyilila nehi, antu hiyakumwakula mwanta nawu, Etu twadyaŋi naDavidi? Hitwabomba wuswanana mwana kajesuku. Enu aIsarela mwaŋelenu kunyikala yenu, eyi Davidi kaditalili itala deyeyi aweni. AIsarela amwaŋela nikunyikala yawu.

¹⁷Kwinza anyana kaIsarela ashakamini munyikala yamuYuda Rehobowami hakwikala mwanta wawu.

¹⁸Mwanta Rehobowami watemesheluku Adorami, wadiŋi mukulumpi wanyilambu. AIsarela ejima hiyakumwasa malola, afwa nikufwa. Mwanta Rehobowami hakunyakala kukandama mwikalu dindi, hakutemukila kuYerusalema.

¹⁹AIsarela adikaŋa namutaŋa waDavidi nilelu.

²⁰AIsarela ejima chatiyiluwu nawu Yerobowami nafunti dehi, hiyakutemesha antunakumutambika enzi kuchipompelu, hiyakumudiisha wanta wawaIsarela ejima. Kwosi wakumini kumutaŋa waDaviduku chiŋa wowu muchidi waYuda hohu.

²¹Rehobowami chashikiliyi kuYerusalema, hakupompesha mutaŋa waYuda wejima, nimuchidi waBenjamini, amayala akutonda chakutonda makombakaji nkulakaji namakombakaji makumi atanu nasatu, adiŋi akwakulwa, kulonda akalwi namutaŋa waIsarela, akafuntishi cheŋi wanta kudi mwana kaSolomoni Rehobowami.

²²Ilaŋa izu daNzambi hidikwinza kudi Shemaya muntu waNzambi,

²³nindi, Hoshaku naRehobowami, mwana kaSolomoni, mwanta wawa-Yuda, namutaŋa waYuda naBenjamini wejima, niantu anashaluku,

²⁴neyi, Yehova nahoshi, nindi, Bayi mwakaya kwoku, bayi mwakalwa nawanakwenu anyana kaIsarelaku. Funtenu kumatalenu wejima wenu. Muloŋa chumichi chinafumi kudami. Hiyakutiyilila mwizu daYehova, hiyakufuntamu, hiyakudiyila kwawu, mwomwizu daYehova.

²⁵Yerobowami watuŋili Shekemi mwituŋa daEfweremi damapidi, hakushakamamu. Hakufuma kwenoku hakutuŋa Penuweli.

²⁶Yerobowami hakuhosha mumuchima windi, nindi, Komana wanta hiwukufunta cheŋi kumutaŋa waDavidi.

²⁷Awa antu neyi akuyaŋa nakulambula nyilambu mwitala daYehova kuYerusalema, nyichima yawantu awa yakenza kabalumukila cheŋi kudi nkaka yawu Rehobowami mwantawa waYuda; akanjahami, hiyakafunta cheŋi kudi Rehobowami mwantawa waYuda.

²⁸Mwanta hakukwata mpùŋa, hakwila anyana kaŋombi awuru ayedi, hakuleja antu nindi, Enu aIsarela, kuya kuYerusalema chinayikalili dehi, talenu akishi enu ayifumishili mwituŋa daEjipitu.

²⁹Wumuwamushili muBeteli, mukwawu wamushili muDani.

³⁰Chumichi chabalumukili hinshidi, muloŋa antu ayilaŋa nakufukaminahela iwu, hela wakuDani.

³¹Hakutuŋa nawa matala ahayinaŋanaŋa, hakukwata atupristu akufuma mukachi kawantu ejima ákubula kwikalaanyana kaLevi.

³²Yerobowami hakushamu chawija chamukakweji kamuchitanu nachisatu, chefuku dekumi nakatanu dakakweji, chidi neyi chawija chamuYuda, hakukandama nikukamepa. Dimu mweliliyi muBeteli, owuanyana kaŋombi eliliyi hakuyiketwila yimuna. MuBeteli hakushamu atupristu akuyinaŋanaŋa yeliliyi.

³³Hefuku dekumi nakatanu mukakwejika muchitanu nachisatu, kokakweji kakudifuukwila mumuchimawindi yomwenindi, hakukandama kukameŋa keliliyi muBeteli. Hakushamu chawija chawanvana kaIsarela, hakukandama nikukameŋa nakwocha insensi.