Read MUKANDA WANZAMBI 1 Malena 14 Bible Online

1 Malena 14 - MUKANDA WANZAMBI bible

1 Malena 14

¹Hamafuku owu mwana kaYerobowami Abiya wakatili.

²Yerobowami hakumwila Iŋodindi, nindi, Nyamukaku mwani, wuvwali yakudibalumuna nachu, abuli kukwiluka nawu iŋoda Yerobowami. Wuyi kuShilo; kwenoku kwokudi kaprofwetu Ahiya wahosheli jakwikala ami mwanta wawantu awa.

³Sendaku mankendi ikumi, nitumankendi, nichitayichawuchi, wuyi kudi yena. Wakakuleja mwakamonayi mwana.

⁴IŋodaYerobowami ela nimwenomu, hakunyamuka, hakuya kuShilo, hakushika kwitala daAhiya. Henohu Ahiya kutwesha kumona nehi, muloŋa mesu indi ela dehi lwidi nawushinakaji.

⁵Yehova hakumwila Ahiya, nindi, Tala, iŋoda Yerobowami hakwinza nakwihula jamwanindi, muloŋayena wakata. Muleji munŋanji mukanaŋa, muloŋa hakwijila yi wukudifwikija neyi himumbanda wacheŋi.

⁶Ahiya chatiyiliyi nshindu janyenduyindi hepililaŋayi kuchisu, hakwila nindi, Eyi iŋoda Yerobowami, iŋilaku. Wukudifwikijiladi neyi muntu wacheŋi? Ami anantumi kudeyi nansaŋuyaka.

⁷Yaku wakamuleji Yerobowami, neyi, Yehova Nzambi yaIsarela nahoshi nindi, China chinakutohesheli mukachi kawantu, hinukuwinka wulomboli wawantu ami aIsarela,

⁸hinukutabula wanta kumutaŋa waDavidi bwe-chi, hinukukwinkawu eyi; eyi wunaleki kwila mweliliyi kambuŋa miDavidi, wahembelaŋa kuleja kwami, wanlondelaŋa namuchima windi wejima, nakwila yaloŋa hohu kumesu ami;

⁹eyi kweyi wuneli chatama chakubadika antu ejima ásambilili, wunayi nakwila akishi, niakishi akusuŋununa, wunvuloki kulonda nizuwi, hiwukunnatila nikunyima yeyi.

¹⁰Dichidinu tiya. Ami nakaleta yatama hamutaŋa waYerobowami; kudi Yerobowa minaka mufumisha anyana amayala ejima, niwenzelewa niwudi hatooka muIsarela; mutaŋa waYerobowami nukuwukomba neyi chakomba ŋayi muntu tuji, ninichi chiwakamana to chikupu.

¹¹WaYerobowami wakafwilamumukala akamudya kudi atuwa; wakafwila mumpata akamudya kudi atujila amuluzwizu; muŋa Yehova nachihoshi dehi.

¹²Nyamukakuwuyi kwitala deyi. Chiwakadata mwendu hamukala, dihu hakafwa mwana.

¹³AIsarela ejima akamudila, akamujiika. Diyi waYerobowami wakashika kwijamu hohu kanka windi; muloŋa kumutaŋa waYerobowami mudi yena hohu dimu munamwekani chuma chachiwahi kumesu aYehova, Nzambi yaIsarela.

¹⁴Muloŋa Yehova wakamwekesha mwanta wawaIsarela, wakafumishamutaŋa waYerobowami ifuku odu. Indi ika? Mwalala katataka.

¹⁵Yehova wakababesha aIsarela neyi iteti dikunyinkesha mumeji; wakabwita aIsarela mwituŋa idi dadiwahi denkeliyi ankakulula jawu, wakayipalaŋe shela kwishinadi daKaloŋa, muloŋa anashimiki nyiyombu yawu nakuvuloka Yehova azuwi.

¹⁶Wakaleka aIsarela nanshidi janavulumuniyi Yerobowami janavulumwishiyi nachu aIsarela.

¹⁷IŋodaYerobowami hakunyamuka, hakuya, hakwinza kuTiriza. Cheliliyi nindi ashiki kuchisu chetala, mwana afwa nikufwa.

¹⁸Amujiikili kudi aIsarela ejima, amudilili, mwomwizu daYehova dahosheliyi kukanwakakambu ŋindi kaprofwetu Ahiya.

¹⁹Nsaŋu jaYerobowami jinashaluku, nimwalwilaŋayi, nimwayulila ŋayi, anasoneki mumukanda wawanyanta awaIsarela wakushindulula.

²⁰Mafuku ayuliliyi Yerobowami ashikili munyaka makumi ayedi nanyaka yiyedi; wakamini hamu nawankakulula jindi, mwanindi Nadabi hakumuswana.

²¹Mwana kaSolomoni Rehobowami wayulili muYuda. Hatachikiliyi kuyula Rehobowami wadiŋi wanyaka makumi awana namwaka wumu. Wayulili nyaka ikumi nayitanu nayiyedi muYerusalema, mukala watondeliyi Yehova munyichidi yawaIsarela yejima kulonda kushaku ijina dindi. Mama yindi ijina dindi diyi Nayama kaAmoni.

²²AYuda elili chatama kumesu aYehova, hiyakumutiyisha mukawunanshidi jawu javulumwinuwu chakubadika mwejima mweliluwu ankakululajawu.

²³Muloŋa niwena nawa elili yinaŋanaŋa, nituposhi twakupeshela, nakushimika nyiyombu hamawulu atupidi twatulehi twejima, nimumashina anyitondu yituuta yejima.

²⁴Mwituŋa mwadiŋi niwusodoma nawa. Elili mwaya yishimashima yejima yanyuza yatemwiniyi Yehova kumesu awanyana kaIsarela.

²⁵Mumwaka wamwanta Rehobowami wamu chitanu, mwanta wakuEjipitu Shishaki wenjili nakudasa njita naYerusalema.

²⁶Hakutwala yumayalema yamwitala daYehova, niyuma yalema yamwitala damwanta; watweliyejima. Watweli ninkebu jawuru jeliliyi Solomoni jejima.

²⁷Rehobowami hakwila nkebu jawuneŋu, hakujihiŋi shamu, hakujinka awakulumpi awatulama ahembelaŋa kuchisu chetala damwanta.

²⁸Hiyakwilaŋa neyi mwanta hakuya mwitala daYehova, atulama hiyakujisenda, hiyakujifuntisha cheŋi mwitala daawatulama, chochu ho-o.

²⁹Nsariu jaRehobowami jinashaluku, nimweliliyi mwejima, hiyanajisoneki mumukanda wawanyanta awaYuda wakushindululaku?

³⁰ARehobowami naYerobowami adasilaŋa njita mafuku ejima.

³¹Rehobowami wakaminihamu nawankakulula jindi, amujiikili hamu nawankakulula jindi mumukala waDavidi. Mama yindi ijina dindi diyi Nayama kaAmoni. Mwanindi Abiya hakumuswana.