Read MUKANDA WANZAMBI 1 Malena 15 Bible Online

1 Malena 15 - MUKANDA WANZAMBI bible

1 Malena 15

¹Mumwaka wamwana kaNebati mwanta Yerobowami wekuminakatanu nakasatu, Abiya watachikili kuyula aYuda.

²Wayulili muYerusalema nyaka yisatu. Mama yindi ijina dindi diyi Mayaka, mwana kaAbishalomi.

³Wendeli mwaya nshidi jatata yindi javulu mwiniyiha chidi yena kanda; muchima windi kuya chikupu kudi Yehova Nzambi yindi neyi chiwayili muchima watata yindi Davidi nehi.

⁴Hela chochu, hamujimba watata yindi Davidi Yehova Nzambi yindi wamushilili inonu muYerusalema, hakumuswanishila mwanindi, hakukolesha Yerusalema;

⁵nanochu cheliliyi Davidi chachiwahi kumesu aYehova, chabuliliyi kwambuka mwejima mwamulejeluwu mafuku achidi ŋiyi wamumi ejima, chiŋa hohansaŋu yakaHiti Uriya hohu.

⁶ARehobowami naYerobowami adasilaŋa njita mafuku achidi ŋiyi wamumi ejima.

⁷Nsaŋu jaAbiya jinashaluku niyuma yeliliyi yejima, hiyanajisoneki mumukanda wawanyanta awaYuda wakushindululaku? AAbiya naYerobowami adasilaŋa njita.

⁸Abiya wakamini hamuna wankakulula jindi; amujiikili mumukala waDavidi; mwanindi Asa hakumuswana.

⁹Hamwaka wamwanta wawaIsarela Yerobowami wamakumi ayedi, Asa hakutachika kuyula aYuda.

¹⁰Wayulili muYerusalema nyaka makumi awana namwaka wumu. Nkaka yindi wamumbanda ijina dindi Maya kamwana kaAbishalomi.

¹¹Asa welili chachiwahi kumesu aYehova neyi cheliliyi tata yindi Davidi.

¹²Wafumishili akwawusodoma mwituŋa, wafumishilumu niakishi ejima eliluwu ankakulula jindi.

¹³Ninkaka yindi Mayaka wamufumishili muwanta, nanochu cheliliyi mukishi wachishimashima wakushila kumuyombu; Asa hakumuketula, hakumwochela kukakaloŋa Kidironi.

¹⁴Ilaŋa yinaŋanaŋi hayifumishiluku; hela chochu, muchima waAsa wayili chikupukudi Yehova mafuku indi ejima.

¹⁵Weŋŋili mwitala daYehova yumayakunjikiliyi tata yindi, niyuma yakunjikiliyi yomwenindi, siliva, niwuru, niyuma.

¹⁶Asa namwanta wawaIsarela Bayasha adasi Jaŋi njita mafuku awuejima.

¹⁷Mwanta wawaIsarela Bayasha wayili nakulwa nawaYuda, hakutuŋa Rama, kulonda akapeshi antu hela kufuma hela kuya kudi mwantawa waYuda Asa.

¹⁸Asa hakunona siliva yejima niwuru wejima washelikuyuma yalema yamwitala daYehova, niyuma yalema yamwitala damwanta, hakuyinka ambuŋindi, mwanta Asa hakuyitemesha kudi Benihadadi, mwana kaTabirimoni, Tabirimoni mwana kaHeziyoni, mwanta wakuSiriya washakamini kuDamakasa,

¹⁹nindi, Tunakwati dehi wubwambu naneyi, neyi wowu wadiŋi watata yami natata yeyi. Tala, nakutemesheli dehi chamukunkulu cheyi chasiliva nawuru. Yaku wakajahi wubwambu weyi namwanta wa waIsarela Bayasha, kulonda akafumi kudami.

²⁰Benihadadi wamwitijili mwanta Asa, hakutemesha awakulumpi anjita jindi akalwi nanyi kala yawaIsarela, hakulukuka Iyoni naDani naAbeli Betimayaka, niKineroti wejima, hamu netuŋa daNafwatali dejima.

²¹Bayasha chachitiyiliyi, hakuleka kutuŋa Rama, hakushakama kuTiriza.

²²Mwanta Asa hakutambika aYuda ejima, niniwu wakushalahu hosi, hakunona malola akuRama, ninyitonduya diŋuku, vadiŋi nakutupayi nachu Bayasha; mwanta Asa hakutuŋa nachu Geba wamuBenjamini, niMizipa.

²³Nsaŋu jaAsa jejima jinashaluku, niŋovu yindi yejima, niyuma yeliliyi yejima, ninyikala yatupiliyi, hiyanajisoneki mumukanda wawanyanta awaYuda wakushindululaku? Hela chochu, hawushinakaji windi wadi ijina musopu kunyendu.

²⁴Asa wakamini hamu nawankakulula jindi, amuji ikili hamu nawankakulula jindi mumukala wankakulula yindi Davidi. Mwanindi Yehoshafwati hakumuswana.

²⁵Mwana kaYerobowami Nadabi watachikili kuyula aIsarela mumwakawa muchiyedi wamwanta wawaYuda Asa, wayulili aIsarela nyaka yiyedi.

²⁶Welili chatama kumesu aYehova, wendeli mwendelaŋayi tata yindi, nimunshidi yindi yavulumwishiliyi nachu aIsarela.

²⁷Bayasha mwana kaAhiya, wakumutaŋi waIsakari, wamukwatilili chikuchi; Bayasha hakumutapila kuGibetoni, wawaFwilistinu; muloŋa aNadabi nawaIsarela ejima adiŋi nakukuchika Gibetoni.

²⁸Hoha mwakawa muchisatu waAsa mwanta wawaYuda dihu hamutapililiyi Bayasha, hakumuswana.

²⁹Cheliliyi naswani dehi wanta, hakutapa mutaŋa waYerobowa miwejima, hahandishili hoku muntu waYerobowami wadiŋi nakwonaku, wayijilumwini to-o; mwomwizu daYehova dahosheliyi kukanwa kakambu ŋindi Ahiya wakuShilo;

³⁰nanshidi javulu mwiniyi Yerobowami, javulu mwishiliyi nachu aIsarela, hakuvuloka Yehova Nzambi yaIsarela, azuwi.

³¹Nsaŋu jaNadabi jinashaluku, niyuma yejima yeliliyi, hiyanajisoneki mumukanda wawanyanta awaIsarela wakushindululaku?

³²AAsa namwanta wa waIsarela Bayasha adasilaŋa njita mafuku awu ejima.

³³Mumwaka wamuchisatu waAsa mwanta wawaYuda, mwana kaAhiya Bayasha watachikili kuyula aIsarela ejima kuTiriza, wayulili nyaka makumi ayedi nanyaka yiwana.

³⁴Welili chatama kumesu aYehova, wendeli mwendela ŋayi Yerobowami, nimunshidi yindi yavulumwishiliyi nachu aIsarela.