Read MUKANDA WANZAMBI 1 Malena 16 Bible Online

1 Malena 16 - MUKANDA WANZAMBI bible

1 Malena 16

¹Izu daYehova dakumutena Bayasha denjili kudi Yehu mwana kaHanani,

²nindi, Ami nakufumishili mulunkuŋu, hinukukulemesha nami wikali nlomboli yawantu ami aIsarela; eyi kweyi wunendi dehi mwendelaŋayi Yerobowami, wunavulumwishi dehi antu ami aIsarela, anvuloki nizuwi nanshidi jawu;

³komana nukumukomba tuhu Bayashana mutaŋa windi; mutaŋa weyi nukuwukoŋa wakekali neyi mutaŋa waYerobowami mwana kaNebati.

⁴WaBayasha wakafwila hamukala akamudya kudi atuwa; windi wakafwila mumpata akamudya kudi atujila amuluzwizu.

⁵Nsaŋu jaBayasha jinashaluku, nimweliliyi, niŋovu yindi, hiyanajisoneki mumukanda wawanyanta awaIsarela wakushindululaku?

⁶Bayasha wakaminihamu nawankakulula jindi, amujiikili muTiriza; mwanindi Elahaku muswana.

⁷Kukanwa kakaprofwetu Yehu mwana kaHanani, kwenjili izu dakumutena Bayasha nimutaŋa windi, muŋa wakutama kwejima kweliliyi kumesu aYehova, mwaka enzi amuvuloki azuwi nanyidimu yakumakasindi, nachina chadiŋiyi neyi mutaŋa waYerobowami; nanochu chamujahiliyi nawa.

⁸Hamwaka wamakumi ayedi nakatanu nakamu wamwanta wawaYuda Asa, mwana kaBayasha Ela watachikili kuyula aIsarela muTiriza, wayulilinyaka yiyedi.

⁹Kambuŋindi Zimiri, mukulumpi wachibalu chamakálu indi, wamukwatilili chikuchi, heliliyi wudi muTiriza nakunwa walwanakusheta mwitala daAraza wadiŋi mukulumpi wawakwakuhemba itala muTiriza.

¹⁰Zimiri hakwijila nakumutaŋa, hakumujaha, hamwakawa makumi ayedi nakatanu nakayedi waAsa mwanta wawaYuda, hakumuswana.

¹¹Chatachikiliyi kuyula, hohakushatama hetanda dindi dawanta, hakutapamutaŋa waBayasha wejima. Hamushiyilili hoku mwana weyalaniwumuku, hela tuhu awusoku windi, hela amabwambu jindi.

¹²Zimiri wajilu mwini mutaŋa waBayasha wejima, mwomwaya izu daYehova damuteneneniyi Bayasha kukanwa kakaprofwetu Yehu,

¹³nanshidi jaBayasha ejima, nanshidi jamwanindi Ela, javulumwinuwu, javulumwishiluwu nachu aIsarela, avuloki Yehova Nzambi yaIsarela azuwi nayuma yawu yakuhemesha.

¹⁴Nsaŋu jaEla jinashaluku, niyuma yejima yeliliyi, hiyanajisoneki mumukanda wawanyanta awaIsarela wakushindululaku?

¹⁵Hamwaka wamakumi ayedi nakatanu nakayedi wamwanta wawaYuda Asa, Zimiri hakuyula mafuku atanu nayedi muTiriza. Henohu antu adiŋi atuŋa chilombu kulonda alwi naGibetoni wawaFwilistinu.

¹⁶Antu adiŋi muchilombu chawu achitiyili nawu, Zimiri nakwati dehi chikuchi, namutapi dehi mwanta nawa. Dichi aIsarela ejima hiyakumudiisha Omiri mukulumpi wanjita wanta wawaIsarela denodu ifuku muchilombu.

¹⁷Omirihakufuma kuGibetoni niaIsarela ejima hamu, hiyakuya nakukuchika Tiriza.

¹⁸Zimiri chamweniyi mukala anawulukuki dehi, hakukandama hazandamina itala damwanta, hakudochela mwitala damwanta nakesi, hakufwa,

¹⁹nanshidijindi javulumwiniyi heliliyi chatama kumesu aYehova, chendeliyi mwendelaŋayi Yerobowami, nimunshidi yindi yavulumwishiliyi nachu aIsarela.

²⁰Nsapu jaZimiri jinashaluku, nichakwatiliyi makasu, hiyanaji sonekimu mukanda wawanyanta awaIsarela wakushindululaku?

²¹Henohu aIsarela aambukili yendu yiyedi; chendu chawantu chimuhiya kulondela mwana kaGinati Tibini, nawu amudiishi wanta, chikwawu hichikulondela Omiri.

²²Antu alondeli Omiri ayibadikili antu alondeli mwana kaGinati Tibini Ŋovu. Dichi Tibini wafwili, Omiri hakuyula.

²³Hamwaka wamakumi asatu nakamu wamwanta wawaYuda Asa, Omiriwatachikili kuyula aIsarela; wayulili nyaka ikumi nayiyedi, nyaka yitanunawumu yoyayuliliyi muTiriza.

²⁴Walandili kudi Shemeri mpidi yaSamariya nantalenta jasiliva jiyedi; hakutuŋila hampidi; mukala watuŋiliyiwa wutumbili ijina daSamariya, watambwilili kwijina daShemeri mwinimpidi.

²⁵Omiri welili chatama kumesu aYehova, welili chatama chakubadika asa mbilili ejima.

²⁶Wendeli mwejima mwendelapayi Yerobowami mwana kaNebati, nimunshidi jindi javulumwishiliyi nachu aIsarela, avuloki Yehova Nzambi yaIsarela azuwi nayuma yawu yakuhemesha.

²⁷Nsaŋu jaOmiri jinashaluku niyuma yeliliyi niŋovu yindi yamwekesheliyi, hiyanajisoneki mumukanda wawanyanta awaIsarela wakushindululaku?

²⁸Omiri wakaminihamu nawankakulula jindi, amujiikili muSamariya; mwanindi Ahabi hakumuswana.

²⁹Hamwaka wamakumi asatu nakatanu nakasatu wamwanta wawaYuda Asa, mwana kaOmiri Ahabi watachikili kuyula aIsarela. Mwana kaOmiri Ahabi wayulili muSamariya nyaka makumi ayedi nanyaka yiyedi.

³⁰Mwana kaOmiri Ahabi welili chatama kumesu aYehova chakubadika ásambilili ejima.

³¹Kwenda nakwila nshidi jamwana kaNebati Yerobowami wachimweni tuhu kwindi nindi chaswayi, hakusumbula kwindini Yezebeli mwana kaEtibayali mwanta wawaZidoni, hakuya nakupesha Bayali, hakudifukula kudi yena.

³²Hakutuŋila Bayali kameŋa mwitala daBayali datupiliyi muSamariya.

³³Ahabi hakushimika ninyiyombu. Ahabi welili yuma yakuvuloka Yehova azuwi, chakubadika anyanta awaIsarela ásambilili ejima.

³⁴Hamafuku indi Hiyeli wakuBeteli watuŋili Yeriku. Hatuŋiliyi chikuku chakutuŋila mpwembu wafwishili mwanindi wawedi Abirami, hapatiliyi yenzelu yakumpwembu wafwishili mwanindi wakabinda Serubi; mwomwizu daYehova dahosheliyi kukanwa kamwana kaNuni Yoshuwa.