Read MUKANDA WANZAMBI 1 Malena 17 Bible Online

1 Malena 17 - MUKANDA WANZAMBI bible

1 Malena 17

¹Elija wakuTishebi, mukwakushakama muGileyadi, wamwilili Ahabi, nindi, Chahandayi Yehova Nzambi yaIsarela inemanaŋa kumesu indi kwaamu, nyaka iyi hikwakekala hela wuumi hela nvulaku, chipa nihoshamu.

²Izu daYehova hidikwinza kudi yena,

³nindi, Fumaku kunu, wubalumule iwuyi kumusela, wakabatami kukakaŋa Keriti, katalaŋana naYodana.

⁴Wakanwaŋa mukakaŋa oku; naleja dehi makololu nami akakudiishaŋa kwenoku.

⁵Hakuya, hakwila mwomwizu daYehova. Mwalala hakuyanakushakama kukakaloŋa Keriti katalaŋana naYodana.

⁶Makololu hiya kumu letelapani mankendi nimbiji habudidi, nimankendi nimbiji hamelela; hakunwaŋa mukakaloŋa.

⁷Chimunahiti mafuku kakaloŋa koma nichau, nanochu chimwabulili nvula mwituŋa.

⁸Izu daYehova hidikwinza kudi yena,

⁹nindi, Nyamukaku, wuyi kuZarefwati wakuZidoni, wakashakamuku. Naleji dehi mumbanda wantuluwawa kwenoku nami akakudiishaŋa.

¹⁰Hakunyamuka, hakuya kuZarefwati. Cheliliyi hakushika kuchisu champwembu yamukala, nindi atali, mumbanda wantuluwa wudi nakukupojola nsonsu. Hakumubidika nindi, Anleteluhu mwani tumeji munsaba, ninwi.

¹¹Chakwilayi nindi ayinakuleta, hakumubidika nindi, Wakansendelapahu nawa mwani kachi baluka dinkendi muchikasa cheyi.

¹²Mumbanda nindi, Chahandayi Yehova Nzambi yeyi kwaamu, hinikweti dinkenduku, kwiji twotu tuwupa twakukwata muchikasa tudi muchitayi, nitumanji twanti tudi muchipunda. Tala, tusonsu tuyedi tunidi nakukupula itu, niyi nakochi yami namwanami, twakadyi, twakadifwili kwetu.

¹³Elija hakumwila nindi, Bayi wutiyawomaku, yaku wakeli muwunahoshi. Sambilaku ntahi kuntuŋila kadinkendikami, wunleteli kunu, nkumininaku hiwakatuŋa keyi namwaneyi.

¹⁴Muloŋa Yehova, Nzambi yaIsarela, nahoshi dehi nindi, Muchitayi chawuŋa himwakamanaku, nimuchipunda chamanji himwakano ŋaku, ndonikwifuku damba kanokeshayi Yehova nvula hamaseki.

¹⁵Mumbanda hakuya, hakwila mwomwa mulejeliyi Elija. Niyena mumbanda, niElija, niakwetala dindi, adiili mafuku amavulu.

¹⁶Chitayi chawuŋi kumana nehi, chipunda chamanji kunoŋi nehi, mwomwizu daYehova dahosheliyi kukanwa kaElija.

¹⁷Hakulondela hayumiyi mwana kayenowu mumbanda mwini italahakukata, yikatu yindi yaswejeli nankashi, ngkwona nehi.

¹⁸Mumbandaha kumwila Elija, nindi, Eyi muntu waNzambi, ami ni kweti nsaŋwinyina neyi? Komana wunenzi kunu kudami kulonda wanukishi kuluwa kwami, wujahi nimwanami, tahindi?

¹⁹Hakumwila nindi, Nyinki mwaneyi. Hakumufumisha muntulu yamumbanda, hakumutwala mwitala dahewuludasha kaminiyi, hakumukamika hakadidi kindi yomweni.

²⁰Hakubilelakudi Yehova, nindi, Eyi Yehova Nzambi yami, komana iwu mumbanda wantuluwa inashakama nindi wunamuleteli yatama yakujaha mwanindi?

²¹Hakudala hadi mwana su-u, mapampa kasatu, hakubilela kudi Yehova, nindi, Eyi Yehova Nzambi yami, amufuntishili cheŋi mwani iwu mwanawumi windi muntulu yindi.

²²Yehova hakutiyilila mwizu daElija. Wumi wamwana hiwukufunta cheŋi mudi yena, hakuhanda.

²³Elija hakunona mwana, hakumusulwisha mwitala mwadiŋiyi, hakumutwala mwitala di kwawu, hakumuhana kudi mama yindi. Elija nindi, Tala, mwaneyi iwunahandi dehi.

²⁴Mumbanda hakumwila Elija, nindi, Ichi dinu neluki dehi komana eyi wumuntu waNzambi, niizu daYehova didi mukanwa keyidalala.