Read MUKANDA WANZAMBI 1 Malena 18 Bible Online

1 Malena 18 - MUKANDA WANZAMBI bible

1 Malena 18

¹Chimwahitili mafuku amavulu, hamwaka wamuchisatu izu daYehova hidikwinza kudi Elija, nindi, Yaku wakadimwekeshikudi Ahabi; ami nakanokesha nvula heseki.

²Elija hakuya nakudimwekesha kudi Ahabi. MuSamariya mwadiŋi nzala yasweja.

³Ahabi hakutambika Obadiya wadiŋi mukulumpi wawakwetala. Obadiya wadiŋi wamutiya Yehova woma nankashi;

⁴muloŋaheliliyi Yezebeli hakujilumuna atuprofwetu aYehova, yena Obadiya watweli atuprofwetu nkulakaji, wayiswekeli, makumi atanu mwiyeŋu, makumi atanu nawa mwiyeŋu, wayidiishili yakudya nameji.

⁵Ahabi hakumwila Obadiya, nindi, Hitaku mwaya ituŋa, wuyi kutuseloki twameji twejima, nikutwanatwatuloŋi twejima; wamba kela twakawana matahu, twakahandishi tuwalu nayi ngonŋavalu, kuchina kujiyisha anyama ejima.

⁶Hiyakudambwila nimpata jiyakahitawu. Ahabi hakuya njila yimukanka windi, Obadiya niyena nawa hakuya njila yi kwawu kanka windi.

⁷Cheliliyi Obadiya wudi nakuya munjila, nindi atali, Elija iwu wukwinzanakumubulakana iwu. Wamwilukili, hakudinata chamesu heseki, hakwila nindi, Yeyi nkaka yami Elija, tahindi?

⁸Mukwawu hakumwakula nindi, Yami. Yaku wakaleji nkaka yeyi neyi, Elija iwu.

⁹Hakwila nindi, Indiami navulumunidi mwaka wuhanami kambuŋeyi kudi Ahabi akanjahi tuhu?

¹⁰Chahandayi Yehova Nzambi yeyi kwaamu, hikunashali hoku hela muzahela wanta kunabulewi kutumayi nkaka yami muntu wakukukeŋakeŋaku; cheliluwu nawu, Kunu kwosi, wasanyikishili wantowu hela muzowu, nawu, Hitunamumonuku.

¹¹Ichi eyi hiwukwila neyi, Yaku wakaleji nkaka yeyi neyi, Elija iwu.

¹²Hamwaha chinukwila ami nafumi dehi kudeyi, Spiritu yaYehova hakakutwala kwakadi kwilukami. Chinakaya nakumuleja Ahabi, niyena chakabula kukumonayi, hakanjaha tuhu. Hakwila ami kambuŋeyi namutiyaŋi Yehova woma kufumisha kuwansi wami.

¹³Chajahiliyi Yezebeli atuprofwetu twaYehova, chinaswekeli atuprofwetu twaYehova nkulakaji, mwiyeŋu dimu niswekamu makumi atanu, mwiyeŋu di kwawu niswekamu makumi atanu, hinukuyidiisha yakudya nameji, ochu hiyakulejeli mwokuku?

¹⁴Ichi eyi hiwukwila neyi, Yaku wakaleji nkaka yeyi neyi, Elija iwu. Wakanjaha tuhu!

¹⁵Elija nindi, Chahandayi Yehova wamazazainemanaŋa kumesu indi kwaamu, chalala kwaamu lelu nukudimwekesha kumesu indi.

¹⁶Dichi Obadiya hakuya nákubulakana naAhabi, hakumuleja. Ahabini yena hakuya nákubulakana naElija.

¹⁷Ahabi chamumweniyi Elija, hakumwila nindi, Komana yeyi, yeyi wudi nakukabisha aIsarela, tahindi?

¹⁸Yena hakwakula nindi, Hiyami nakabishaŋi aIsarelaku. Yeyi, nimutaŋa watata yeyi, nanochu chimunaleki mwayilejeliyi Yehova, hiwukulondela kweyi aBayali.

¹⁹Dichi temeshaku dinu antu akampompesheli aIsarela ejima kumpidi yaKarameli, niatuprofwetu twaBayali makulakaji awananamakumi atanu, niatuprofwetu twakunyiyombu makulakaji awana nawa, wowu adyaŋa kumesa yaYezebeli.

²⁰Ahabi hakutemesha antu kudi anyana kaIsarela ejima, hakupompeshani atuprofwetu kumpidi yaKarameli.

²¹Elija hakwinza kudi antu ejima, hakwila nindi, Chimululuta, niniku kumukukundama nehi? Neyi Yehova diyi Nzambi, londenu yena; neyi diyi Bayali, komana londenu yena. Antuni izu dakumwakula nehi.

²²Elija hakuyila antu, nindi, Ami yami kaprofwetu kaYehova nashaluhu kanka wami; atuprofwetu twaBayali adi amayala makulakaji awana namakumi atanu.

²³Atwinki dinu aŋombi amayala ayedi. Wena atondi ŋombi yawu wumu, amuhaboli, amwali hanchawa, kushahu kesi nehi. Ami nawa nukuloŋesha ŋombi mukwawu, nukushahanchawa, kushahu kesi nehi.

²⁴Enu mutambiki ijina damukishi wenu, ami nitambiki ijina daYehova; yowu wukwakula nakesi diyi Nzambi. Antu ejima hiyakumwakula nawu, Muwunahoshi mwamuwahi.

²⁵Elija hakuyila atuprofwetu twaBayali nindi, Tondenu ŋombi yenu wumu, musambilaŋahu dehi kumuloŋesha, muloŋa enu yenu amavulu. Mutambiki niijina damukishi wenu, kushahu kesi nehi.

²⁶Hiyakutambula ŋombi yayinkeluwu, hiyakumuloŋesha, hiyakutambeka ijina daBayali, kufumisha kubudidi, tambeke-e, niitaŋwa mwiwulu, nawu, Eyi Bayali, tutiyi. Niizu nehi, niwakuyakula nehi. Hiyakumotojoka nihakameŋakatuŋiluwu.

²⁷Chidashikili itarova mwiwulu Elija hakuyiseha, nindi, Bide kenu chakola; muŋa nenu hiNzambi; kwiji hadi yadi nakutopojokayi, indi kwiji hadi kwanayiyi, indi kwiji wudi munjila, wamba kela wudi namutulu, chipa kumuhindwisha.

²⁸Hiyakubidika chakola, hiyakuditapola nampokunamayembi, mwomwelilaŋawu, ninyijimba yawu kwamashi nŋe.

²⁹Chelili itaŋwa dinaŋandakani dehi mukachi kewulu chaprofwetawu hohu, kushika nihalambwilaŋawu himulambu wahamelela; hikwadiŋi hela izu hela wakwakula, hela wakutala kwokuku.

³⁰Elija hakuyila antu ejima nindi, Twayenu kunu kwakwihi nanami. Antu ejima hiyakwinza kwakwihi nayena. Hakuloŋesha cheŋi kameŋa kaYehova kahumukili.

³¹Elija hakunona malola ikumi nayedi mwomwashikila nyichidi yawanyana kaYakoba, eliluwu kudi wena diku kwenjili izu daYehova, dakwila nindi, ijina deyi dakekala yeyi Isarela.

³²Owu malolahakutupa nachu kameŋa mwijina daYehova. Kukameŋi hakupundakukapila kwi-ndo, kapila kakutwesha kuya yesekelu yambutu yiyedi.

³³Hakufwikanchawa chachiwahi, hakuhabola ŋombi, hakumwala hanchawa. Nindi, Inzeshenu nswaha jiwana nameji, mumwaŋili hahimulambu wakushita, nihanchawa.

³⁴Nindi, Ilenu kamuchiyedi; hiyakwila kamuchiyedi. Nindi, Ilenu kamuchisatu; hiyakwila kamuchisatu.

³⁵Meji hiyakuhita kukameŋa kwi-ndo. Nikapila nawa wakenzesheli nameji.

³⁶Chihashikili hakulambwiia himulambu wahamelela, kaprofwetu Elijahakwinza kwakwihi. Hakwila nindi, Eyi Yehova Nzambi yaAbarahama, niyaIsaka, niyaYakoba, lelu eluki nawu yeyi Nzambi muIsarela, nawu ami nikambuŋeyi, niyumiyi yejima yineli eluki nawu nayili yakunleja kudeyi.

³⁷Ntiyi eyi Yehova, ntiyi, kulonda antu awa eluki nawu eyi Yehova yeyi Nzambi, yeyi wunafuntishi cheŋi nyichima yawu.

³⁸Hohenohu kesi kaYehova hikakuholoka, hikakunoŋesha himulambu wakushita, ninchawa, nimalola, nimaseki, hikakulasha nimeji adiŋi mukapila, chau.

³⁹Antuejima chanachimonuwu hiyakudimboka chamesu awu hamaseki. Hiyakwilanawu, Yehova diyi Nzambi, Yehova diyi Nzambi.

⁴⁰Elija hakuyila nindi, Kwatenu atuprofwetu twaBayali; bayi hapuluka hela wumuku. Ayi kwatani kuyi kwata. Elija hakuyikunkumwisha kukakaloŋa Kishoni, hakuyijihila kwenoku.

⁴¹Elija hakumwila Ahabi, nindi, Yaŋa kweyi wakadyi, wakanwi, muŋa kudi lushindu lwanvula yeneni.

⁴²Ahabi hakuya kwindi kulonda akadyi, akanwi. Elija hakukandama hewulu daKarameli. Hakudumba hamaseki, hakusha mesu mumanuŋu.

⁴³Hakumwila pamba yindi nindi, Kanda makuwutali kukaluŋalwiji. Hakukandama, hakutala, nindi, Kwosi chumaku. Nindi, Funtaku cheŋi; mapampa katanu nakayedi.

⁴⁴Hakapampa kamu chitanuna chiyedi hakwila nindi, Namoni mukaluŋalwiji mudi nakunya mukakadivu kanvanya kadi neyi chikasa chamuntu. Nindi, Yaku wakamwili Ahabi, neyi, Lopeshaku ikalu deyi, wukunkumuki kuchina nvula kukukaŋesha.

⁴⁵Chihanalehi chanti iwulu diiyila nibwi namavu nimpepela, hikukunoka ninvula yeneni. Ahabi hakwenda mwikalu, hakuya kuYezereyeli.

⁴⁶Chikasa chaYehova hichikwikala hadi Elija, hakupimpila mahinindi, hakuya lufuchi, hakumupandakana Ahabi, hakushikaŋahu dehi kuwiŋililuwa kuYezereyeli.