Read MUKANDA WANZAMBI 1 Malena 19 Bible Online

1 Malena 19 - MUKANDA WANZAMBI bible

1 Malena 19

¹Ahabi wamulejeli Yezebeli mweliliyi Elija mwejima, nichajahiliyi atuprofwetu ejima nampoku yakabali.

²Yezebeli hakutemeshaka ŋinda kudi Elija, nindi, Neyi wumi weyi nukubula kuwila neyi wumiwawenawa kumadiki, aha hanashiki itaŋwa aha, akishi akaŋili mwomumuni chakubadikamu.

³Chanamoniyi chenochu hakunyamuka, hakuyaapulwishi wumi windi, hakwinza kuBerisheba wakuYuda, hakushiya pambayindi kwenoku.

⁴Yemweni hakuya mwisaŋa kwenda kwakwcnda ifuku dimu, hakuyanakushakama mwishina dachiputa; hakudilombela jakwila nindi afwi, nindi, Jinahu! Ichi dinu eyi Yehova fumishaku wumi wami, muloŋa amihinabadika ankakulula jamuku.

⁵Akambama nimwishina dachiputa, aya ninamutulu. Hikukwinza kaŋelunakumukunka, hakumwila nindi, Hindukaku, wudyai.

⁶Nindi atali, komana kunamutu windi kudi dinkendi dakwocha hamalola akesi, kudi ninsaba yameji. Hakudya, hakunwa, hakukambama cheŋi.

⁷Kapelu kaYehova hakwinza kudi yena kamuchiyedi, hakumukunka, nindi, Hindukakuwudyai, muloŋa njila yeyi yasweja kuleha.

⁸Hakuhinduka, hakudya nakunwa, hakwenda naŋovu yakudya oku mafuku makumi awana nimwa ana shiwufuku, hakuya kumpidi yaNzambi kuHorebi.

⁹Hakwijila mwiyepu kwenoku, hakushakama nikwenoku. Izu daYehova hidikwinza kudi yena, hakumwila nindi, Eyi Elija, wudi nakwiladi kunu?

¹⁰Yena nindi, Ami namutiyili Yehova Nzambi wamazaza mukawu nankashi; muloŋa anyana kaIsarela analeki chitiyaŋenu cheyi, anasandi tumeŋa letweyi, anajahi tuprofwetu tweyi nampoku yakabali. Yami inashaluhukanka wami hohu, hiyakukeja nikufumisha wumi wami, awufumishinawa.

¹¹Nindi, Idikaku, wimani kumesu aYehova hampidi. Yehova hakuhitakwenoku, mpepela yeneni yaŋovu hiyikubalula mapidi, hiyikuhumona malola kumesu aYehova. Ilaŋa Yehova hadiŋi mumpepelaku. Hampepelahiha kulondela mutentanshi. Ilaŋa Yehova hadiŋi mumutentanshuku.

¹²Hamutentanshi hihakulondela kesi. Ilaŋa Yehova hadiŋi mukesuku. Hakesi hihakulondeia kadizu kanyanya kawunda.

¹³Elija chaditiyiliyi hakudibuta ihina dindi kumesu, hakwidika, hakwimana kuwipililu wakwiyeŋu. Hakutiya izu hidikwinza kudi yena, nindi, Eyi Elija wudi nakwiladikunu?

¹⁴Nindi, Ami namutiyili Yehova Nzambi wamazaza mukawunankashi; muŋa anyana kaIsarela analeki chitiyaŋenu cheyi, anasandi tumeŋai tweyi, anajahi tuprofwetu tweyi nampoku yakabali. Yami inashaluhukanka wami hohu, hiyakukeŋa nikufumisha wumi wami awufumishinawa.

¹⁵Yehova hakumwila nindi, Yaku wufunti munjila yeyi, wuyi kwisaŋada kuDamakasa. Chiwakashika wakawayishi Hazayeli akekali mwantawa kuSiriya.

¹⁶Ni mwana kaNimishi Yehu wakamuwayishi akekali mwantawa waIsarela; niElisha mwana kaShafwati wakuAbeli Mehola wakamuwayishi akekali kaprofwetu wakuhipa mudeyi.

¹⁷Kulonda yowu wakapulukakumpoku yakabali yaHazayeli akamujahi kudi Yehu. Yowu wakapulukakumpoku yakabali yaYehu akamujahi kudi Elisha.

¹⁸Hela chochu, muIsarela nakashiyamu makombakaji awantu atanu nayedi, wowu manuŋu ejima anabuli kufukamina Bayali, twotunwa twejima tunabuli kumupwepula.

¹⁹Hakufuma kwenoku hakuwana mwana kaShafwati Elisha, wudinakudima nampanda jaŋombi ikumi najiyedi adi nakuya kumbidi, yena nakumi kumpanda yekumi nakayedi. Elija hakuhita kwadiŋiyi, hakumunatilaihina dindi hamujimba windi.

²⁰Hakushiya aŋombi, hakumulonde laElija lufuchi, nindi, Aŋitiji mwani niyi nakapwepuli mama natata, hinakakulonda. Hakumwila nindi, Funtapa kweyi. Ochu nakwili pahi?

²¹Hakufunta kwayiliyi nakumulondela, hakukwata aŋombi ayedi, hakuyiha, hakuteleka mbiji yawu nayuma yakalakeshelaŋayi nachu aŋombi, hakuyinka antu, hiyakudya. Hakunyamuka, hakumulondela Elija, hakumukalakelapa.