Read MUKANDA WANZAMBI 1 Malena 21 Bible Online

1 Malena 21 - MUKANDA WANZAMBI bible

1 Malena 21

¹Chimwahitili yumiyi, Naboti wakuYezereyeli wadiŋi netempadindi danyivinyu, dadiŋi muYezereyeli dadihata netala dawantada mwanta waSamariya Ahabi.

²Ahabi hakumwila Naboti, nindi, Nyinkiitempa deyi danyivinyu, kulonda diikali itempa dami danyiseki, muŋa didikwakwihi netala dami. Nukukwinka itempa dacheŋi dabadika kuwaha. Hela neyi wunakepi nukukwinka mali ashikila mundandu yadu.

³Nabotihakumwila Ahabi, nindi, Chinjila kumesu aYehova ami kukwinka wuswanawawankakulula jami.

⁴Ahabi hakwinza kwitala dindi namuchima walema, natiyi dehi kutamananowu mazu anamwiliyi Naboti wakuYezereyeli; muloŋa namwili dehi nindi, Kwonti kwami kukwinka wuswana wawankakulula jami. Hakukama hakadidi kindi, hakufutalelaku, nikudya yakudya kwonti kwindi.

⁵Iŋodindi Yezebeli hakwinza kudi yena, hakumwila nindi, Wunaneŋelidi mumuchimaweyi wubuli kudya yakudya?

⁶Hakumwila nindi, Muloŋa nahoshi naNaboti wakuYezereyeli, namwili nami, Nyinki itempa deyi danyivinyu nikwinki mali; hela neyi wunakepi nukukwinka itempa dacheŋi. Yena naŋakuli nindi, Kwonti kwami kukwinka itempa dami.

⁷Iŋodindi Yezebeli hakumwila nindi, Hiyeyi wudi nakuyula aIsarela ku, tahindi? Hindukaku, wudyai yakudya, wutiyi kuwaha mumuchima weyi. Ami nukukwinka itempa danyivinyu daNaboti wakuYezereyeli.

⁸Hakusoneka nyikanda mwijina daAhabi, hakuyilamika nachilamiki chindi, oyu nyikanda hakuyitemesha kudi awakulumpi nawayilolu adiŋi mumukala wawu, adiŋi ashakama naNaboti.

⁹Munyikandoyu wasonekelumu nindi, Bidikenu nenu, Kudi chawija; mwakamusha kamishi Naboti hakachi kawantu halema;

¹⁰kumesu indi mwakashaka mishuku antu amukunkulwayi ayedi, akamushimuni wunsahu, nawu, Wunatuki Nzambi ni mwanta. Mwaka mutwali mumpata, mwakamwasi malola, akafwi.

¹¹Antu amumukala wawu, wowu awakulumpi nawayilolu ashakamini mumukalawawu, elili mwayilejeliyi Yezebeli, mwomwasonekeluwu munyikandayayitemesheleliyi.

¹²Abidikili nawu, Kudi chawija amushili Nabotihakachi kawantu halema.

¹³Antu amukunkulwayi ayedi hiyakwinza nakushakama kumesu indi. Wenowu antu amukunkulwayi hiyaku mushi muna yena Naboti wunsahu kumesu awantu nawu, Naboti natuki Nzambi nimwanta. Hiyakumufumisha kumukala, hiyakumwasa malola, hakufwa.

¹⁴Hiyakutemesha mazu kudi Yezebeli, nawu, Naboti anamwasi dehi malola, nafwi dehi.

¹⁵Yezebeli chanatiyiyi nawu, Naboti anamwasi dehi malola, nafwi dehi, Yezebeli hakumwila Ahabi, nindi, Nyamukaku, wutambuli itempa daNaboti wakuYezereyeli dalekeliyi kukwinka nandandu yamali, muloŋa Naboti himumi nawaku, wafwa dehi kwindi.

¹⁶Ahabi chanatiyiyi nawuNaboti nafwi dehi, Ahabi hakunyamuka nindi akunkumuki kwitempa daNaboti wakuYezereyeli, aditambuli.

¹⁷Izu daYehova hidikwinza kudi Elija wakuTishebi,

¹⁸nindi, Nyamukakuwuyi nakumubulakana mwanta wa waIsarela Ahabi washakama muSamariya; owu wudi mwitempa daNaboti owu, nayi dehi nakuditambula.

¹⁹Wakahoshi nindi, neyi, Yehova nahoshi nindi, Wunajahani dehi, hiwukutambulanawa? Wakahoshi nindi, neyi, Yehova nahoshi nindi, Mwalashililuwu atuwa mashi aNaboti, dimu mwakalashilawu nimashi eyeyi nawa.

²⁰Ahabi hakumwila Elija nindi, Eyi chilumbu chami, wunanwani dehi, tahindi? Hakwakula nindi, Eŋa, nakuwani, muloŋa wunadilandi dehi mukwila chatama kumesu aYehova.

²¹Tiya, nukukuletela yatama, nukukukombamu chikupu, Ahabi nukumufumisha anyana amayala ejima, niwenzelewa niwudi hatooka muIsarela.

²²Mutaŋa weyi nukuwila neyichikwamutaŋa wamwana kaNebati Yerobowami, namutaŋa wamwana kaAhiya Bayasha, nanochu chiwunanvuloki nizuwi, nichiwuna vulu mwishi aIsarela.

²³Yehova wamuteneni Yezebeli nawa, nindi, Atuwa akamudya Yezebeli kumpwembu yaYezereyeli.

²⁴WaAhabi wakafwila mumukala akamudya kudi atuwa, windi wakafwila mumpata akamudya kudi atujila amuluzwizu.

²⁵Mwalala hikwadiŋi wakweseka naAhabuku, wadilandili mukwila chatama kumesu aYehova, asaŋu mwishiluwu kudi iŋodindi Yezebeli.

²⁶Washimeni nankashi nakulondela akishi akutuŋa, neyi mwejima mwelilila ŋawu aAmori atemwiniyi Yehova kumesu awanyana kaIsarela.

²⁷Ahabi chatiyiliyi mazu owu hakutabola mahinindi, hakuvwala chikeleyiha mujimba windi, hakushakama nanzala, hakukama hachikeleyi, hakwenda nakudiwopa.

²⁸Izu daYehova hidikwinza kudi Elija waku-Tishebi,

²⁹nindi, Wunamoni chanadizoziyi Ahabi kumesu ami, tahindi? Ichi chanadizoziyi dehi kumesu ami, hinukumuletela yatama hamafuku induku; ilaŋa hamafuku amwanindi dihu hinakaletela mutaŋa windiyatama.