Read MUKANDA WANZAMBI 1 Malena 22 Bible Online

1 Malena 22 - MUKANDA WANZAMBI bible

1 Malena 22

¹ASiriya nawaIsarela ashakamini nyaka yisatu chakubula kudasanjita.

²Mumwaka wamuchisatu mwanta wawaYuda Yehoshafwati wayili kudi mwanta wawaIsarela.

³Mwanta wawaIsarela wayilili ambuŋindi, nindi, Enu mweluka dehi Ramoti Gileyadi wetu, etu tushakami tuhu kuwutambulakudi mwanta wakuSiriya nehi?

⁴Hakumwila Yehoshafwati nindi, Tukuya neyi kunjita kuRamoti Gileyadi, tahindi? Yehoshafwati hakumwila mwanta wawaIsarela, nindi, Ami niweyi, antu ami hiyantu eyi, tuwalu twamihituwalu tweyi.

⁵Yehoshafwati hakumwila mwanta wawaIsarela, nindi, Ehuli mwani, izu daYehova lelu.

⁶Mwanta wawaIsarela hakupompesha atuprofwetu, amayala makulakaji awana, hakuyiihula nindi, Niyi nakudasa njita naRamoti Gileyadi, tahindi nileki? Nawu, Yaku; Yehova wakawuhana kudi mwanta.

⁷Yehoshafwati nindi, Kunu hikudi nikaprofwetu kaYehovaku, kulondatu mwihuli tahindi?

⁸Mwanta wawaIsarela hakumwila Yehoshafwati nindi, Kwashala muntu wumu kutukumwihwila Yehova, mwana kami laMikaya. Hinamukeŋa kwamuku; muloŋa hamprofwete lapa yayiwahuku, chiŋa yatama hohu. Yehoshafwati nindi, Mwanta bayi ahosha ochuku.

⁹Mwanta wawaIsarela hakutambika kalala, nindi, Yaku swayi wakaletimwana kaImila Mikaya.

¹⁰Mwanta wawaIsarela nimwanta wawaYuda Yehoshafwati adiŋi ashakama iwu hetanda dindi dawanta, iwu hetanda dindi dawanta, anavwali mahinawu, kulubanza lwakuwiŋililu wakuchisu champwembu yaSamariya; atuprofwetu ejima adiŋi nakuprofweta kumesu awu.

¹¹Mwana kaKenaya naZedekiya welili nsepu jindi jachikuŋu, nindi, Yehova nahoshi nindi, Jenŋi diji wakashinjika nachu aSiriya, nichakano ŋawu.

¹²Atuprofwetu ejima hiyakuprofweta mwomumu, nawu, Yaku kuRamoti Gileyadi, wakamonakuwaha; Yehova wakawuhana kudi mwanta.

¹³Ntemesha wayili nakutambika Mikaya hakumwila nindi, Tiya mwani, atuprofwetu adi nakumushimwina mwanta yayiwahi, izu dawu dodimuhohu. Niizu deyi mwani diikali neyi dawu, wuhoshaŋa yayiwahi.

¹⁴Mikayanindi, Chahandayi Yehova kwaamu, mwakuŋilayi Yehova dimu munukuhosha.

¹⁵Chenjiliyi kudi mwanta, mwanta hakumwila nindi, Eyi Mikaya, tuyinakudasa njita kuRamoti Gileyadi, tahindi tuleki? Nindi, Yaku, wakamonakuwaha; Yehova wakuwuhana kudi mwanta.

¹⁶Mwanta hakumwila nindi, Kaŋahi kinukukukumika nami chiŋa wuhoshaŋa kudami yalala hohumwijina daYehova?

¹⁷Nindi, Namona aIsarela ejima anaŋalaŋani hamapidineyi nyikoku yinabuli kabiŋa. Yehova hakwila nindi, Awa hiyakwetinkaka yawuku; afunti kwawu kumatalawu wejima wawu chamwena.

¹⁸Mwanta wawaIsarela hakumwila Yehoshafwati, nindi, Hidimu nakulejanami hakamprofwetela yayiwahuku chipa yoyatama hohuku?

¹⁹Mikaya nindi, Dichi dinu tiya izu daYehova. Namumona Yehova nashakami hetanda dindi dawanta, izaza dejima damwiwulu dincmani kudiyena, nikuchikasa chindi chachidiilu, nikuchikasa chindi chachimunswa.

²⁰Yehova hakwila nindi, Hinyi wukumudimba Ahabi kulonda akayi nakudimbukila kuRamoti Gileyadi? Iwu hakuhoshimu, iwu hakuhoshimu.

²¹Hikukwinza kaspiritu, hakwimana kumesu aYehova, nindi, Yami nukumudimba.

²²Yehova hakumwila nindi, Nanka? Yena nindi, Nukufumakunu, nukuya nakwikala spiritu wakutwamba namutunwa twawatuprofwetu twindi ejima. Nindi, Wakamudimba, wakemika mushindu nawa. Yaŋa kweyi wakeli mwenomu.

²³Ichi dinu tiya, Yehova nashi dehi spiritu wakutwamba namutunwa twanawa atuprofwetu tweyi ejima. Yehova nakuteneni dehi yatama.

²⁴Mwana kaKenayana Zedekiya hakwinza kwakwihi, hakumweta Mikayahekidi, nindi, Spiritu yaYehova waya njila yidihi hafumayi kudami enzinakuhosha naneyi?

²⁵Mikaya nindi, Tiya, wakachimona ifuku diwakepila nakubatama mukapeka kamukachi ketala.

²⁶Mwanta wawaIsarela nindi, Mutwali Mikaya, wakamufuntishi kudi mukulumpi wamukala Amoni, namwana kamwanta Yowasha;

²⁷wakeli neyi, Mwanta nahoshi nindi, Yeniwu mushenu mukaleya, mwakamudiishi yakudya yekabisha, nimeji ekabisha nichinakenza cheŋi chamwena.

²⁸Mikaya nindi, Neyi wakamonajakufunta chamwena, komana Yehova hanahosheli kukanwa kamuku. Nindi, Enu antu wejima wenu tiyenu.

²⁹Woho, mwanta wawaIsarela, nimwanta wawaYuda Yehoshafwati, hiyakuya kuRamoti Gileyadi.

³⁰Mwanta wawaIsarela hakumwila Yehoshafwati, nindi, Nukudifwikŋa neyi nimuntu wacheŋi, niiŋili kunjita, ilaŋa eyiwuvwali mahineyi. Mwanta wawaIsarela hakudifwikŋa neyi muntuwacheŋi, hakwijila nikunjita.

³¹Henohu mwanta wakuSiriya waleja dehi awakulumpi amakálu indimakumi asatu nawawakulumpi ayedi, nindi, Eayi mulwa namunyanya helanamunenuku, chiŋa namwanta wawaIsarela hohu.

³²Akulumpi amakálu chamwenuwu Yehoshafwati, hiyakwila nawu, Chalala yeniwu diyi mwanta wawaIsarela; hiyakufunta kwayilaŋawu, hiyakuya nakulwa nindi, Yehoshafwati hakubidika.

³³Akulumpi amakálu chanamonuwu komana hidiyimwanta wawaIsarelaku, hiyakufunta mwayilaŋawu nakumuhapa.

³⁴Muntuwumu hakwevula wuta windi chakadi kwiluka, hakumusowa mwanta wawaIsarela hahumaŋena wuvwalu wayikuŋu. Yena hakumwila mukwakwendeshaikalu dindi, nindi, Teŋululaku, wunfumishi munjita, chinankatinankashi.

³⁵Denodu ifuku njita yaswejeli nankashi. Hiyakumwimika mwantamwikalu dindi adasi nawaSiriya, chikuneli melela hakufwa. Mashi afumini muchitu hiyakupwekela mukachi ketemba.

³⁶Chelili itaŋwa hidikuyanakuholoka, hiyakutiya izu mwahita njita yejima, dakwila nawu, Antu ejimaayi kunyikala yawu, antu ejima ayi kwafumafumawu.

³⁷Mwanta wafwili, amutweli kuSamariya, mwanta amujiikili muSamariya.

³⁸Ikalu hiyakudikosela kwijiya dakuSamariya; atuwa hiyakulashamashi indi; kwenoku diku kwawelelapawu ambanda atubola; mwomwizu daYehova dahosheliyi.

³⁹Nsaŋu jaAhabi jinashaluku, niyuma yejima yeliliyi, niitala datuŋiliyi nambiŋa yanjamba, ninyikala yejima yatuŋiliyi, hiyanajisoneki mumukanda wawanyanta awaIsarela wakushindululaku?

⁴⁰Dichi Ahabi wakamininawankakulula jindi; mwanindi Ahaziya hakumuswana.

⁴¹Mwana kaAsa Yehoshafwati watachikili kuyula aYuda mumwaka wamuchiwana wamwanta wawaIsarela Ahabi.

⁴²Hatachikili kuyulayi Yehoshafwati wadiŋi wanyaka makumi asatu nayitanu; wayulili muYerusalema nyaka makumi ayedi nayitanu. Mama yindi ijina dindi Azuba mwana kaShilihi.

⁴³Wendeli mwendelelaŋa tata yindi Asa mwejima; habaalukili mwokuku, welili yaloŋa kumesu aYehova. Hela chochu, yinaŋanaŋa hiyayifumishiluku; antu sapa aketwilawu yimuna hohu, saŋa ochelawu insensi hayinaŋgaŋa hohu.

⁴⁴Yehoshafwati wamwenesheli njita namwantawa waIsarela.

⁴⁵Nsaŋu jaYehoshafwati jinashaluku, niŋovu jindi jamwekesheliyi, nichalwilaŋayi, hiyanajisoneki mumukanda wawanyanta awaYuda wakushindululaku?

⁴⁶Akwawusodoma asheluku, asheli hamafuku atata yindi Asa, wayifumishili mwituŋa.

⁴⁷MuEdomi himwadiŋi mwantaku, mwanta yowu nchakala.

⁴⁸Yehoshafwati watuŋili maatu amaneni kuTarashishi kulonda kuya kuOfwiri nakukeŋa wuru. Hiyayili kwawuku, muloŋa owu maatu abalukilili kuEziyoni Geberi.

⁴⁹Henohu mwana kaAhabi Ahaziya wamwila dehi Yehoshafwati, nindi, Yitŋi ambuŋami ayi nawambuŋeyi mumaatu. Ilaŋa Yehoshafwati kwonti kwindi.

⁵⁰Yehoshafwati wakamini nawankakulula jindi, amujiikili hamu nawankakulula jindi mumukala wankakulula yindi Davidi; mwanindi Yehorami hakumuswana.

⁵¹Mwana kaAhabi Ahaziya watachikili kuyula aIsarela muSamariya mumwaka wamwanta wawaYuda Yehoshafwati wekumi nakatanu nakayedi, wayulili aIsarela nyaka yiyedi.

⁵²Welili chatama kumesu aYehova, wendeli mwendelelaŋayi tata yindi, nimwendelelaŋayi mama yindi, nimwendelelaŋa yimwana kaNebati Yerobowami, mwavulumwishiliyi aIsarela.

⁵³Wapesheli Bayali, hakumufukaminaŋa, hakuvuloka Yehova Nzambiya waIsarela azuwi, mwomwelilaŋayi tata yindi mwejima.