Read MUKANDA WANZAMBI 1 Malena 3 Bible Online

1 Malena 3 - MUKANDA WANZAMBI bible

1 Malena 3

¹Solomoni wakundaŋeni namwanta wakuEjipitu Fwaro, wasumbwilimwana kaFwaro, wamuleteli mumukala waDavidi, achiŋijilili chaka manishayi kutuŋa itala dindi, niitala daYehova, nimpwembu yaYerusalema yanyeŋu mukaku.

²Henohu antu achidi kuketwila yimuna yawu hayinajinaŋi, muloŋa henohu abulili kutuŋila ijina daYehova itala, kudituŋa chiŋa hamafuku owu.

³Solomoni wamukeŋeli Yehova, wendelapa mwomuyidika yatata yindi Davidi; hela chochu waketwilaŋa yimuna nakwocha insensi hayinajinaŋi.

⁴Mwanta wayili kuGibeyoni nakuketwilaku yimuna; muloŋa kwenokudiku kwadiŋi kuchinaŋanaŋi cheneni. Solomoni hakushitila hakameŋa kakwenoku nyilambu yakushita ikombakaji.

⁵Yehova wamumwekeneni Solomoni kuGibeyoni mukulota nawufuku. Nzambi hakumwila nindi, Lombaku chinukukwinka.

⁶Solomoni nindi, Wunamwili tata kambuŋeyi Davidi luwi lwasweja, mwonsu mwanendeliyi kumesu eyi munsaŋu yalala, nimukuloŋa, nimukwoloka muchima naneyi hohu; wunamuhembeli luwiilu lwasweja, hiwukumwinka ni mwana wakushakama hetanda dindi dawanta, neyi ichi chitunamoni lelu.

⁷Ichi dinu eyi Yehova Nzambi yami, wunanswanishi dehi ami kambuŋeyi mudi tata yami Davidi. Ami kwami nikanakanyanya hohu, hineluka hela kwidika hela kwipilaku.

⁸Ami kambuŋeyinidi hakachi kawantu eyi iwatondeli, himuza weneni wakadi kwiluka mwavulilawu, hela kuyichinda kutwesha nehi, asweja kuvula.

⁹Anyinki amikambuŋeyi muchima wakwiluka maana akusompeshaŋa antu eyi, kulondana kashinshikaŋa nimwamuwahi nimwatama. Indi iwu muza wambalaweneni akuwutwesha kuwusompeshaŋa kudinyi?

¹⁰Chuma chalombeliyi Solomoni chamutiyishili Yehova kuwaha.

¹¹Nzambi hakumwila nindi, Ichi chiwunalombi chumichi, chiwunabuli kulomba mafuku amavulu, hela kulomba maheta, hela kulomba wumiwawayilumbu jeyi, hiwukulomba maana akwiluka muwupaji,

¹²neli dehi muwunahoshi. Tala, nakwinki dehi muchima wamaana nakashinshi, kulonda wakabuli kweseka nanawa akunyaka, nikumbidi kwakabuli nawakumwekana wacheŋi wudi neyi eyi.

¹³Nakwinki nawa niyiwunabulikulomba, maheta nakulema; hadi anyanta ankanu ejima hihakekala wudineyi eyi mafuku eyi ejimaku.

¹⁴Neyi wukwendaŋi munjila jami, nakuhembayidika yami nimunalejaja, neyi chendelaŋayi tata yeyi Davidi, nakakuvulishilaku nawa nimafuku eyi.

¹⁵Solomoni atona nikutona, komana wadiŋi nakulota. Hakwinza kuYerusalema, hakwimana kumesu achimbaŋu chachitiyaŋenu chaYehova, hakushita nyilambu yakushita, hakulambula ninyilambu yakuwunda, hakuyitelekeshela ambuŋindi ejima chawija.

¹⁶Kudi mwanta hikukwinza ambanda ayedi atubola, hiya kwima nakumesu indi.

¹⁷Mumbanda wumu hakwila nindi, Eyi nkaka, ninaminimumbandiwu twashakama itala detu dimu; ami hinukuvwala mwana, yena tudi nindi mwitala.

¹⁸Chimunahiti mafuku asatu nanaha hinavwalamwanami, iwu mumbanda niyena hakuvwala mwana nawa. Twadiŋihamu, hikwadiŋi muntu wacheŋi hamu nanetu mwitalaku, twadiŋi mwitala etu ayedi hohu.

¹⁹Mwana kaniwu mumbanda hakufwa nawufuku nakumusachila.

²⁰Hakachi kawufuku yena hakunyamuka, hakufumisha mwanami kunyima yami, iku ami kambuŋeyi nidi namutulu, hakumushahantulu yindi, mwanindi wafwa hakumusha hantulu yami.

²¹Chinahinduka budidi nami nimwamwishimwanami, kumutala, wafwa dehi. Nami nimushinshiki nabudidi, kumutala, hidiyi mwanami navwalaku.

²²Owu mumbanda mukwawu nindi, Nehi, wamumi yowu mwanami, wafwa yowu mwaneyi. Iwu nindi, Nehi. Wafwa yowu mwaneyi, wamumiyowu mwanami. Hiyakuhosha kumesu amwanta chochochu.

²³Mwanta hakuhosha nindi, Iwu nindi, Mwanami yowu wamumi, mwaneyi yowu wafwa. Owu nawa nindi, Nehi, mwaneyi yowu wafwa, mwanami yowu wamumi.

²⁴Mwanta nindi, Nletelenu mpoku yakabali. Hiyakuleta mpoku yakabali kumesu amwanta.

²⁵Mwanta nindi, Balulenu mwana wamumi hayedi, mutamba wumu mwinki iwu, mutamba wukwawumwinki owu.

²⁶Mumbanda wukweti mwana wamumi, muchima windiwunayi dehi hadi mwanindi, hakumwila mwanta nindi, Eyi nkaka, mwana wamumi, bayi amujahaku, chinjila. Mukwawu nindi, Bayi ekala hela wami hela weyuku, amubaluli tuhu.

²⁷Mwanta hakwakulanindi, Mwinkenu mwana wamumi, bayi mumujahaku, chinjila. Diyi mamayindi.

²⁸AIsarela ejima atiyili mwaketwiliyi mwanta, hiyakumutiya mwanta woma, muloŋa amweni mudi yena mudi maana aNzambi akuhosha nyiloŋi.