Read MUKANDA WANZAMBI 1 Malena 4 Bible Online

1 Malena 4 - MUKANDA WANZAMBI bible

1 Malena 4

¹Mwanta Solomoni welili mwanta wawaIsarela ejima.

²Tiyenu atulamba adiŋiyi nawu. Kapristu, Azariya mwana kaZadoki.

³Ansoneki, anyana kaShisha aElihorefwi naAhiya. Mukwakusoneka nsaŋu, mwana kaAhiludi Yehoshafwati.

⁴Mukulumpi wanjita, mwana kaYehoya daBenaya. Atupristu, aZadoki naAbiyatari.

⁵Mukulumpi wawatulala, mwana kaNatani Azariya. Ŋambela, mwana kaNatani Zabudi, wadiŋi ibwambu damwanta nawa.

⁶Mukulumpi wawantu akwitala, Ahishari. Mukulumpi wakutala nyilambu, mwana kaAbida Adonirami.

⁷Solomoni wadiŋi nawatulala ikumi nayedi atalilaŋa aIsarela ejima, apompeshelaŋa yakudya yamwanta, niyawakwetala dindi; iwu hakupompesha kudya kwakakweji kamu, chochu hohu wejima wawu.

⁸Tiyenumajinawu. Wakwituŋa daEfweremi damapidi, Benihuri.

⁹WakuMakazi, nakuShayalibimi, nakuBetishemeshi, nikuEloni Betihanani, diyiBenidekeri.

¹⁰Waku Aruboti, Benihesedi; diyi wadiŋi naSoko, niituŋa daHefwenai dejima.

¹¹Mpata yaDori yejima, Beni abinadabi; diyi wasumbwilimwana kaSolomoni Tafwati.

¹²KuTanaki nakuMegido, niBetisheyani wejima wekala kwakwihi naZaretani kwishina daYezereyeli, kufumisha kuBetisheyani kuhita kuAbeli Mehola, nakupandakesha Yokimeyami, diyi mwana kaAhiludi Bayana.

¹³KuRamoti Gileyadi, Beniŋeberi; diyiwadiŋi nanyi kala yamwana kaManase Yayiri, yekala muGileyadi, diyi nawwadiŋi nampata yaAriŋobi yekala muBashani, nanyi kala yayu yamaneniyikweti nimpwembu, ninyikomenu yawuneŋu, makumi atanu nadimu.

¹⁴KuMahanayimi, Ahinadabi.

¹⁵KuNafwatali, Ahimayazi, niyena nawawasumbwili mwana kaSolomoni Basemati.

¹⁶KuAsheri nakuBeyaloti, mwana kaHushayi Bayana.

¹⁷KuIsakari, mwana kaParuwa Yehoshafwati.

¹⁸KuBenjamini, mwana kaEla Shimeyi.

¹⁹Kumpata yaGileyadi ituŋa daSihoni mwanta wawaAmori naOŋi mwanta wakuBashani, diyi mwana kaUri Geberi; diyi wadiŋi kalala kanka windi mwituŋa odu.

²⁰AYuda nawaIsarela avulili, kuvula kudi neyi wusekulula wekalakwakwihi nakaluŋalwiji, hiyakudyapa nakunwa nakuluŋa.

²¹Solomoni welili mwanta wamawanta ejima, kufumisha kuKaŋa nakushika kwituŋada waFwilistinu lusu nikuŋinza yaEjipitu. Hiyakuletaŋa nyilambu, hiyakwikala antu aSolomoni nyaka yadiŋiyi wamumi yejima.

²²Kudya kwadi ilaŋa Solomoni ifuku dimu, ngungungu jawuŋa wakusalulula makumi asatu, ngungungu jawupa watuhu makumi atanu nadimu;

²³aŋombi anuna ikumi, aŋombi adidiilaŋa kwawu makumi ayedi, nyikokunkulakaji, niankayi, niambaala, niatubaji, niyimuna yampuula yatoha nakudiishadiisha.

²⁴Wadiŋi mwanta wamatuŋi ejima eshinadi dinu daKaloŋa, kufumisha kuTifwisa ndo nikuGaza, wadiŋi mwanta wawanyanta ejima eshinadi dinu daKaŋa. Kwamweneni zo-o mbadi jejima.

²⁵AYudana waIsarela ashakamini chakadi kwakama, iwu mwishina damuvinyu windi, iwu mwishina dachikuyu chindi, kufumisha kuDani ndo nikuBerisheba mafuku aSolomoni ejima.

²⁶Solomoni wadiŋi namatala awatuwalu twindinamakálu indi, makombakaji makumi awana, niakwakwendela hatuwalu makombakaji ikumi nayedi.

²⁷Atulala owu hiyakupompeshaŋa yakudya yamwanta Solomoni, niyawantu ejima enjilaŋa kumesa yamwanta Solomoni, iwu nakakweji kindi, iwu nakakweji kindi. Hikwabulili chumaku.

²⁸Antuhiyakuletaŋa kwadiŋuwu atulala nibali nimatahu awatuwalu niawanyama asweja lufuchi, iwu mwamushiikiluwu iwu mwamushiikiluwu.

²⁹Nzambi wamwinkeli Solomoni maana amavulu nankashi nikashinshi kabadika, nimuchima weneni, neyi wusekulula wekala kuchi kumu chakaluŋalwiji.

³⁰Maana aSolomoni abadikili maana awantu ejima akumusela, nima ana akuEjipitu ejima.

³¹Wabadikili antu ejima maana; hela Etaniwa kuEzera, hela Hemani, hela anyana kaMaholi aKalikoli naDalida, wayibadikili. Mpuhu yindi yatiyakeni mwahita nyuza yejima kwi-ndo.

³²Watili yishimu makombakaji asatu. Tumina twindi ikombakaji natumina tutanu.

³³Watenenaŋa nyitondu kufumisha kumusida wekala kuLebanoni ndo nikunamutuntamu wamenenaŋa kumbaŋu yetala. Watenenaŋani anyama, niatujila, niayuma akayilaŋa, nianshi.

³⁴Antu akunyuzayejima akudi anyanta ankanu ejima ahamaseki, atiyilaŋa mpuhu yamaana indi, hiyakwinzaŋa nakutiya maana aSolomoni.