Read MUKANDA WANZAMBI 1 Malena 5 Bible Online

1 Malena 5 - MUKANDA WANZAMBI bible

1 Malena 5

¹Hirami mwanta wakuTira watemesheli ambuŋindi kudi Solomoni, muloŋa watiya dehi nawu, Anamuwayishi dehi wanta wakuswana tatayindi. Muloŋa Hirami wamukepelapa Davidi chanyaka.

²Solomoni hakutemesha mazu kudi Hirami

³akwila nindi, Eyi wuneluki chakaŋenyiyitata yami Davidi kutuŋila ijina daYehova Nzambi yindi itala, namajita adiŋiyi nawu mbadi jejima, ninichi chamukwashiliyi Yehova kuyidata.

⁴Ichi dinu Yehova Nzambi yami nannookeshi dehi mbadi jejima, hikudihela chilumbu hela chuma chatamaku.

⁵Tiya dinu, nidi nakutoŋojoka kutuŋila ijina daYehova Nzambi yami itala, mwomwahosheliyi Yehova natata yami Davidi, nindi, Mwaneyi inukuswanisha hetanda deyi dawanta diyi wakatuŋila ijina dami itala.

⁶Dichi dinu, kaleji antu akantemeni nyisida kuLebanoni. Ambuŋami akekala hamu nawambuŋeyi. Nakakwinkawufwetu wawambuŋeyi mwejima muwakanleja. Muloŋa eyiwuneluki etu hitukweti antu akweti wukalawenu wakupula nyalachi neyichapula ŋawu akwaZidonuku.

⁷Hirami chatiyiliyi mazu aSolomoni hakuzapalala nankashi, nindi, Yehova wenkeli Davidi mwana wukweti maana wakuyula muziwu weneniamukiswili nkisulehi.

⁸Hirami hakumutemeshela Solomoni mazu akwila nindi, Natiyi mazu iwunatumi. Nukwila mwejima muwunakeŋi nimwanyala chiyanyisida, nimwanyalachi yanyinjunŋa.

⁹Ambuŋami akayikunku mwishaha Lebanoni, akayishiko kukaluŋilwiji. Nukuyikasila hamukulonda kuyihitishila mumeji kwonsu kuwakantoŋwela, hiyakayi kasunwina kwenoku, hiwakayitambula. Neyi wakayinka akwetala dami kudya wakelamunakeŋi.

¹⁰Hirami hakumwinkaŋa Solomoni nyalachi yanyisida ninyala chiyanyinjunŋa mwonsu mwakeŋa eleliyi.

¹¹Solomoni hakumwinkaŋa Hirami ngungungu jatidiku makombakaji makumi ayedi jakudyaŋa akwetala dindi, ningungungu jamanji akusohola makombakaji makumi ayedi. Solomoni hakumwinkaŋi Hirami mwenimu hamwaka hamwaka.

¹²Yehova wamwinkeli Solomoni maana mwomwamukanininiyi. AHirami naSolomoni ashakamini zo-o; wenawa ayedi akwatili chitiyaŋenu chawu.

¹³Mwanta Solomoni wakwatili chipalu kudi aIsarela ejima, chipaluchawa mayala makombakaji makumi asatu.

¹⁴Hakuyite meshapa kuLebanoni, kakweji kamu makombakaji ikumi, kakweji kamu makombakaji ikumi, chochu hohu, adikombwelaŋa. Hiyakwilaŋa kakweji kamu ashakama kuLebanoni, tukweji tuyedi kunyikala yawu. Adonirami diyi wadiŋi mukulumpi wanyidimu yachipalu.

¹⁵Solomoni wadiŋi nawakwakusendayiteli makombakaji makumi atanu nayedi, akwakutema nyitondu kumapidima kombakaji makumi atanu nasatu.

¹⁶Kulunjikaku niakulumpi awatulala atalilaŋa mudimu makombakaji asatu namakulakaji asatu, wowu ayulilaŋa antu akoŋelaŋa mudimu.

¹⁷Mwanta wayilejeli hiyakubalula malola amaneni, malola akweti wuseya weneni, kulonda kutuŋa nachu chikuku chakutuŋila itala namalola akusopa chachiwahi.

¹⁸Hiya kuyi soŋasoŋacha chiwahi kudi antuŋi aSolomoni nikudi antuŋi aHirami nikudi aGebali; hiyakuloŋesha ninyalachi nimalola akutupa itala.