Read MUKANDA WANZAMBI 1 Malena 6 Bible Online

1 Malena 6 - MUKANDA WANZAMBI bible

1 Malena 6

¹Chimwelili munahiti dehi nyaka makulakaji awana namakumi atanu nasatu nahafuminuwu anyana kaIsarela mwituŋa daEjipitu, hamwakawa muchiwana weliliyi Solomoni mwanta wawaIsarela, mukakweji kaZivwi, kokakweji kamuchiyedi, hakutachika kutuŋa itala daYehova.

²Itala datuŋililuwu Yehova kudi Solomoni, kuleha kwadu kwashikili munkotweli jachikasa makumi atanu nadimu, kutoha kwadu munkotweli makumi ayedi, mukuleha kwiwulu munkotweli makumi asatu.

³Ikekidakuchisu chakumesu atembeli yetala, mukuleha munkotweli makumi ayedimwomwesekela kutoha kwetala; mukutoha munkotweli ikumi kumesuetala.

⁴Kwitala watuŋililuku njanina jasawanda.

⁵Kwikeki detalawanyepumwishiluku matala akulunjika, akunyeŋumwisha kwikeki detalakwi-ndo, nikutembeli nikuwuhoshelu watuŋililuku jipatu kwi-ndo.

⁶Matala akwishina mukutoha kwawu munkotweli jitanu, matala akuminihewulu dawu mukutoha kwawu munkotweli jitanu nayimu, musululuwamatala wamuchisatu wakumini hewulu chikupu mukutoha kwawumunkotweli jitanu najiyedi. Kumbaŋu yetala hanzi washilashiluku hawushilu wanyalachi, kulonda nyalachi yibuli kukwata chikupu mumbaŋujetala.

⁷Hakutuŋi itala adituŋalaŋa namalola akuloŋesha ŋahu dehi kwoku kunyingochi yakubalwila malola; chadiŋi nakutuŋawu ochu kwitala hikwatiyakeni hela mukumu wahamala, hela wachizembi, hela wachuma chachikuŋuku.

⁸Chisu chajipatu jahakachi chadiŋi hambadi yetala yachidiilu. Akanda mininajikundalu janyepumuka, hiyakuya kupatu jahakachi, hiyakufu makupatu jahakachi hiyakuya kumusululu wamuchisatu wahewulu.

⁹Dichi watuŋili itala, wadimanishili, hakudijika nanyalachi namapalanga anyisida.

¹⁰Oyu nyisululu yajipatu wayituŋalili kwikeki detala dejima, musululuwumu wankotweli jitanu, yejima chochu. Yashindameneni hetala nanyalachi yanyisida.

¹¹Izu daYehova hidikwinza kudi Solomoni,

¹²nindi, Idi itala diwudi nakutuŋa, —neyi wukwenda mwaya yidika yami, nakwila mwaya wuŋaji wami, nakuhemba munalejaŋa mwejima nakwendamu, ami nakakolesha izudami naneyi, dodizu dinahosheli natata yeyi Davidi.

¹³Nakashakama mukachi kawanyana kaIsarela, hinakayumba antu ami aIsarelaku.

¹⁴Dichi Solomoni watuŋili itala, wadimanishili.

¹⁵Mumbaŋu jetalaja mukachi hakuhitishamu mapalanga anyisida, mbaŋu jejima kufumisha kwishina ndo nikukapala wajŋikili namapalanga hohu. Itala dejima hesekiwajikiluhu mapalanga anyinjunŋa.

¹⁶Kunyima yetala hakutuŋilaku mapalanga anyisida amunkotweli makumi ayedi, kufumisha kwishina ndonikumbaŋu; wayituŋalili mukachi kulonda mwikali muwuhoshelu, mwomwa mweni mwajila.

¹⁷Itala dadeni, kafwampi yoyu tembeli yadiŋikumesu, dashikili munkotweli makumi awana.

¹⁸Mukachi ketala mwadiŋikwanyisida yakusoŋa mahumba mahumba ninkenu jakenuka; kwanyisida hohu, malola kumwekana nehi.

¹⁹Mukachi ketala waloŋesheli muwuhoshelu mwakusha chimbapu chachitiyaŋenu chaYehova.

²⁰Mukachika muwuhoshelu mwadiŋi mukuleha munkotweli makumi ayedi, mukuto hamunkotweli makumi ayedi, mukuleha kwiwulu munkotweli makumi ayedi. Walamikiluhu wuru wakoseka. Kameŋa wakajikili nanyisida.

²¹Solomoni hakulamika mwitala dejima mukachi wuru wakoseka. Kumesu akuwuhoshelu hakuhitishaku maleŋi awuru. Hakulamikahu wuru.

²²Itala dejima walamikiluhu wuru hohu, nichamanishiliyi itala dejima. Ni kameŋa kakuwuhoshelu wakalamikili wuru hohu kejima.

²³Muwuhoshelu watuŋililumu akerubi ayedi anyiolive, yiminu yawu wejima wawu ayedi munkotweli ikumi.

²⁴Lupúula lwakerubi lumu munkotwelŋitanu, lupúula lwakerubi lukwawu munkotweli jitanu; kufumishakunsa yalupúula lumu nakushika kunsa yalupúula lukwawu munkotweli ikumi.

²⁵Kerubi mukwawu munkotweli ikumi nawa. Akerubi ejima ayedi eseka hamu, aya mwomumu.

²⁶Chiminu chakerubi wumu munkotweliikumi, nikerubi mukwawu nawa chochu.

²⁷Akerubi wayishilimwitala damukachi. Mpúula jawakerubi jadipi jakutanjika lumu iku, lumu iku, lupúula lwakerubi wumu lukwata kumbaŋu yimu, lupúula lwakerubi mukwawu lukwata nawa kumbapu yi kwawu. Mpúula jawu jahumaŋeneni mukachi ketala.

²⁸Hadi akerubi walamikiluhu wuru.

²⁹Hambapu jetala jejima nimukachi nihanzi wabaziluhu yifwikija yawakerubi nanyikoma nankenu jakenuka, kwi-ndo.

³⁰Hamapalanga amwitala akudyata walamikiluhu wuru nawa, nimukachi nihanzi.

³¹Kuchisu chakuwuhoshelu watuŋililuku yenzelu yamapalanga anyiolive; chipamba chahewulu nayipamba yamumbavu yadiŋi yeseka muchibalu chambaŋu chamuchitanu.

³²Chatuŋiliyi yenzelu yiyedi yamapalanga anyiolive, wabaziluhuni akerubi ninyikoma ninkenu jakenuka, walamikiluhu wuru. Wahitishiliwuru nihadi akerubi nihanyikoma.

³³Kuchisu chatembeli watuŋililuku yishimi yanyiolive yeseka muchibalu chambaŋu chamuchiwana;

³⁴niyenzelu yiyedi yamapalanga anyinjunŋa, chenzelu chimu achivupaŋa hayedi, chenzelu chikwawu nawa achivu papahayedi.

³⁵Wabaziluhu akerubi ninyikoma ninkenu jakenuka wayilamikiliwuru wakwesekela hayuma yakubaza.

³⁶Ibulu damukachi wadituŋali nanyikana yisatu yamalola akusoŋa, nimukana wanyalachi yanyisida.

³⁷Chikuku chakutuŋila itala daYehova achituŋali mumwaka wamuchiwana, mukakweji kaZivwi.

³⁸Mumwaka wekumi nawumu, mukakweji kaBuli, diyi kakweji kamuchitanu nachisatu, itala dimana nikumana mwejima mudahita mwejima mudekalila. Wadituŋali nyaka yitanu nayiyedi.