Read MUKANDA WANZAMBI 1 Malena 7 Bible Online

1 Malena 7 - MUKANDA WANZAMBI bible

1 Malena 7

¹Solomoni watupili itala dindi yomweni nyaka ikumi nayisatu, hakumanisha niitala dindi dejima.

²Muloŋa watupili itala dakwisaŋa daLebanoni. Kuleha kwadu munkotweli jachikasa nkulakaji, kutoha kwadu munkotweli makumi atanu, kuleha kwakwiwulu munkotweli makumi asatu, dakutuŋila hanyikana yiwana yayishimi yanyisida, hayishimi ashahu nyala chiya nyisida.

³Ajikili mapalanga anyisida hanyalachi makumi awana nayitanu, yadiŋi hayishimi; mukana wumu ikumi nayitanu, yejima chochu.

⁴Nyala chiyadiŋi nyi kana yisatu, kwadiŋi njanina jatalaŋana nyikuku yisatu.

⁵Yenzelu yejima niyipamba yayu yamuwundu hohu. Njanina jatala ŋeni nanjaninajikwawu nyikuku yisatu.

⁶Ikeki dakuchisu wadituŋali nayishimi. Kuleha kwadu munkotweli makumi atanu, kutoha kwadu munkotweli makumi asatu, kumbidi yayishimi kwadiŋi niikeki di kwawu. Kumbidi yayishimi kwadiŋi yishimi yikwawuninyamba yamaneni.

⁷Watuŋili niikeki detanda dawanta kulonda kusompeshelaŋaku nyiloŋa, dodikeki dakusompeshela. Adijikili namapalanga anyisida kufumisha kwishina ndo nikwishina detala dahewulu.

⁸Niitala dindi dakushakama, niibulu di kwawu dakumini kunyima yekeki atuŋili mwomumu. Watuŋili nawa niitala damwana kaFwaro asumbwiliyi Solomoni, dadifwana neyi ikeki odu.

⁹Ejimowu adiŋi akutuŋa namalola akweti wuseya weneni, malola akusoŋa, akweseka, akupula nampokuja mazewu nimukachi nihanzi, kufumisha kuchikuku chakutuŋila itala ndonikwakumina iwulu dambaŋu, nihanzi yebulu deneni chochu.

¹⁰Chiku kuchakutuŋa namalola akweti wuseya weneni, malola amaneni, malola amunkotweli ikumi, nimalola amunkotweli jitanu najisatu.

¹¹Nihewulu hadiŋimalola akweti wuseya weneni, wowu malola akusoŋa, akweseka, ninyala china mapalanga anyisida.

¹²Kwibulu deneni kwanyeŋumukili nyi kana yisatuyamalola akusoŋi, nimukana wanyalachi yanyisida, neyi chikwebulu damu kachi dakwitala daYehova, niikeki dakuchisu chetala.

¹³Mwanta Solomoni hakutemesha kuTira mazu akutambika Hirami.

¹⁴Wadiŋi mwana kamumbanda wantuluwa wakumuchidi waNafwatali, tatayindi wadiŋi muntu wakuTira, mukalawenu wawuneŋu, wenzeli nama ananakashinshi niwukalawenu wakukoŋi nyidimu yawuneŋu yejima. Hakwinza kudi mwanta Solomoni, hakumukoŋe lanyidimu yindi.

¹⁵Wawumbili yishimi yawuneŋu yiyedi, kuleha kwayu mwayiyedi wayu munkotweli ikumi najitanu najisatu, akunyeŋu mwisha yejima mwonji wamunkotweli ikumi najiyedi.

¹⁶Watuŋili nyitu yiyedi yawuneŋu wakusuŋununayakusha hewulu dayishimi. Kuzandama kwanamutu wumumunkotweli jitanu, kuzandama kwanamutu wukwawu munkotweli jitanu.

¹⁷Kunyitu yahewulu dayishimi kwadiŋi yuma yamesu mesu yidi neyikaleŋi, nimaleŋi akushinta, kunamutu wumu atanu nayedi, kunamutu wukwawu atanu nayedi.

¹⁸Dimu mwatuŋililiyi yishimi. Hayuma yidi neyi kaleŋi hanyeŋumukili nyi kana yiyedi yamabula, kulonda kujika nyitu yahewuluda yishimi. Dimu mweliliyi ninamutu wukwawu nawa.

¹⁹Oyu nyituyahewulu dayishimi yakwikeki dakuchisu yadiŋi yakusha wuluya wakubaza munkotweli jiwana.

²⁰Nyitu yadiŋi hewulu dayishimi yiyedi kwakwihi nevumu dadiŋi kukaleŋi. Mabula ashikili mumakulakaji ayedi, anyeŋumukili namutu wukwawu nyi kana nyi kana.

²¹Oyu yishimi wayi imikilikwikeki dakuchisu chatembeli. Wemi kili chishimi chakuchidiilu, hakuchitumba ijina dachu nindi, Yakini. Wemi kili chishimi chakuchimunswa, hakuchitumba ijina dachu, nindi Bowazi.

²²Hewulu dayishimi hadiŋi wuluya wakubaza. Mudimu wakutuŋa yishimi wumananikumana.

²³Weli liliya dakusuŋununa dakufumisha kunsa yimu nakushika kunsa yikwawu munkotweli ikumi, dawujiya, kuzandama kwadu munkotweli jitanu; dakunye ŋumwisha mwonji wamunkotweli makumi asatu.

²⁴Kwishina danyivumbu anyeŋumwishiluku mahumba kwi-ndo, ikumi dimu munkotweli, ikumi dimu munkotweli, akunyeŋumwisha ŋiya kwi-ndo; mahumba adiŋi nyi kana yiyedi, akusuŋunwina kumu nejiya.

²⁵Demeni haŋombi ikumi nayedi, asatu atala kukabeta kakuchimunswa, asatu atala kumujika, asatu atala kukabeta kakuchidiilu, asatu atala kumusela. Ijiya adinaŋikili hewulu dawu, chanyendu yawu wejima wawu chadiŋi chatalamukachi.

²⁶Mudita wadu wachikasa chakusamanesha, nyivumbu yaduyakubaza neyi nyivumbu yalupasa, abazaku wudi neyi wuluya; mwakuyanswaha jeneni makombakaji ayedi.

²⁷Welili matentaminu awuneŋu ikumi. Itentaminu dimu kuleha kwadu munkotweli jiwana, kutoha kwadu munkotweli jiwana, kuzandama kwadu munkotweli jisatu.

²⁸Tiyenu mwatuŋililuwu matentaminu. Adiŋi nanyowelu; nyowelu yadiŋi hakachi kahamanuŋilu.

²⁹Hanyowelu yadiŋihakachi kamanuŋilu hadiŋi nyitupa, ni aŋombi, niakerubi. Hewulu damanuŋilu hasompokeli chuma chidi neyi mesa yawujiya. Mwishina danyi tupana ŋombi mwakukudika kudika yuma yidi neyi maleŋi.

³⁰Matentaminu ejima adiŋi natufumbu twawuneŋu tuwana, nyisumali yatu yawuneŋu. Kunyendu yatu yiwana kwadiŋi mawombu. Mwishina dejiya asuŋunwininumu mawombu hamu nayuma yawu, yidi neyi maleŋi kumbadi yayu.

³¹Kanwa kadu mukachi kanamutu nihewulu kashikili munkotweli yimu. Kanwa kadu kadiŋi kawujiya kakutuŋa neyi mesa yawujiya, kamunkotweli yimu nachiketu. Hakanwa kadu nawa abaziluhu, nyowelu yaku yiwana yadiŋi yamuwundu, hiyadiŋi yawujiyaku.

³²Tufumbu tuwana twadiŋi mwishina danyowelu. Nyisumali yatufumbu yakunuŋila mwitentaminu. Kuzandama kwakafumbu kamu munkotweli yimu nachiketu.

³³Tufumbu atutuŋili neyi chatuŋiŋwu kafumbu kekalu. Ninyisumali yatu nimahabuatu ninsambu jatu nitufumbu twatweni, yakusuŋununa hohu yejima.

³⁴Kunsa jiwana jetentaminu dimu kwadiŋi mawombu awana; mawombuadu adiŋi chuma chochimu netentaminu dadeni.

³⁵Hewulu detentaminu hadiŋi chuma chawujiya, kuzandama kwachu munkotweli yachiketu, atuŋilaku ninyendu yasompoka sompokaku ninyowelu yachuma chochimu.

³⁶Hanyendu yadu hesekana nihanyowelu yadu wabaziluhu niakerubi, ninyitupa, ninyikoma, hohaya nakushalashala hatooka, niyuma yakushinta yidi neyi maleŋi.

³⁷Mwenimu dimu mwatuŋililiyi matentaminu ikumi. Ejimawu muwusuŋunwinu wawu mwomumu, eseka hamu, ayamwomumu.

³⁸Watuŋili mbashila jawuneŋu ikumi, mumbashila yimu mwakuya nswaha jeneni makumi awana; mbashila jejima jamunkotweli jiwana; hamatentaminu ejima ikumi hadiŋi mbashila yimu yimu.

³⁹Owu matentaminuwashili atanu kumbadi yetala yachidiilu, atanu kumbadi yetalaya chimunswa. Ijiya wadishili kumbadi yetala yachidiilu kumujika, kwatalakukabeta kakuchidiilu.

⁴⁰Hirami watuŋili nimbashila, ni mafwosholu, niyeŋi. Hirami amanisha nimudimu wejima wetala daYehova wakoŋeleliyi mwanta Solomoni.

⁴¹Yoyishimi yiyedi, nihananina nyitu yiyedi yahewulu dayishimi; nitunyungulu tuyedi twafwana neyi kaleŋi twakuji kaŋi hananina nyitu yiyedi yadiŋi hewulu dayishimi;

⁴²nimabula makulakaji awana akutunyungulu; yoyi nyi kana yamabula yiyedi yakukanyungulu kamu, tunyungulu twejima tuyedi, twakujikaŋi hananina nyitu yiyedi yadiŋihewulu dayishimi;

⁴³nimatentaminu ikumi, nimbashila ikumi jahamatentaminu;

⁴⁴niŋiya dimu, ni aŋombi ikumi nayedi amwishina dejiya;

⁴⁵nimanuŋu, ni mafwosholu; yuma yejimiyi yatuŋililuwu mwanta Solomoni kudi Hirami yamwitala daYehova yadiŋi yawuneŋu wakukejimisha.

⁴⁶Mwanta wayisuŋunwinini mumaseki ewumba adini mukachi kaSukoti naZaretani.

⁴⁷Solomoni washiyili yuma yejima chakadi kupezelesha, muloŋa yaswejelikuvula nankashi. Pezu yawuneŋu kutwesha kuyiluka nehi.

⁴⁸Solomoni welili yuma yejima yadiŋi mwitala daYehova; nikameŋkawuru, nimesa yawuru, hadiŋi mankendi akutenteka kumesu aNzambi;

⁴⁹nimanoŋu, atanu kumbadi yachidiilu, atanu kumbadi yachimunswa, awuru wakoseka, akumesu akuwuhoshelu; ninkenu, nitumanoŋu, ninzamba, yawuru hohu;

⁵⁰nimpasa, nituzamba twakujimaŋa nachu, nimbashila, nitutuwa, niyeŋi yakusendela insensi, yawuru wakoseka, ninyonji yakuyenzelu yetala damukachi mwamweni mwajila, niyakuyenzelu yetala datembeli, yawuru hohu.

⁵¹Mudimu wejima wakoŋeliyi mwanta Solomonimwitala daYehova wumana nikumana. Solomoni weŋŋili yuma yajilikiliyi tata yindi Davidi, yoyi siliva, nawuru, nayuma yamwitala, hakuyisweka kuwuswekelu wayumayalema yakwitala daYehova.