Read MUKANDA WANZAMBI 1 Malena 8 Bible Online

1 Malena 8 - MUKANDA WANZAMBI bible

1 Malena 8

¹Solomoni hakupompesha awakulumpi awaIsarela, niejima alemamunyi chidi, niatulamba akumavumu awankakulula jawanyana kaIsarela enzi kuYerusalema kudi mwanta Solomoni, kulonda afumishi chimbaŋu chachitiyaŋenu chaYehova mumukala waDavidi, wowu waZiyona.

²Amayala ejima akuIsarela apompeli kudi mwanta Solomoni hachawija, hakakweji kaEtanimi, kokakweji kamuchitanu nachiyedi.

³Akulumpi a waIsarela ejima enjili, atupristu hiyakunyamuna chimbaŋu.

⁴Hiyakuleta chimbapu chaYehova, niitenti dakubulakena, niyuma yamwitenti yajilayejima; yumiyi atupristu nawaLevi hiyakuyileta.

⁵Mwanta Solomoni nachipompelu chawaIsarela chejima chapompelikudi yena, adiŋi nindi kumesu achimbaŋu nakuketula nyikoku naŋombi asweja kuvula, kutwesha kuyichinda hela kuyiluka nehi.

⁶Atupristu hiya kwipŋi chimbaŋu chachitiyaŋenu chaYehova mwachu, mwomuwuhoshelu wamwitala, mwomwamweni mwajila, mwomwishina dampuula ja wakerubi.

⁷Muloŋa kerubi atanjikili mpuula jawu hekala chimbaŋu, akerubi hiyakujika hewulu dachimbaŋu nihanyikambu yachu.

⁸Nyikambu hiya kuyi kokamu, kulonda insa janyikambu jimwekanaŋa kwajila kumbidiya kuwuhoshelu; ilaŋa hanzi kumwekanaŋi nehi. Kwoku yidi nikulelu.

⁹Muchimbapu himwadiŋi chumaku, chiŋa wowu malola awubasa ayedi ashilewumu kudi Mosi kuHorebi, hatiyaŋeniyi Yehova chitiyaŋenu nawanyana kaIsarela, hafuminuwu mwituŋa daEjipitu.

¹⁰Cheliluwu atupristu anafumi dehi mwajila, ivu hidikwinzala mwitala daYehova,

¹¹niatupristukutwesha kwimana nakukalakala nehi muloŋa wevu; muloŋa kulema kwaYehova kwenzeli mwitala daYehova.

¹²Solomoni hakuhosha nindi, Yehova nahoshi dehi nindi, Nukushakam amumwidima washishita.

¹³Chalala nakutuŋili itala dakushakama, mweyi mwakushakama haya nyaka.

¹⁴Mwanta hakushetumuna mesu indi, hakukiswila chipompelu chawaIsarela chejima nkisu. Chipompelu chawaIsarela chejima hichikwimana.

¹⁵Nindi, Kisu kisu, Yehova Nzambi yaIsarela, wahosheli natata yami Davidi nakanwa kindi, nakoŋumu nawa nachikasa chindi,

¹⁶mweliliyi nindi, Kufumisha hefuku dinafumishili antu ami aIsarela muEjipitu, munyichidi yawaIsarela yejima hinatondelumu mukala wakutuŋila italadakwikala ijina damuku. Ilaŋa natondeli Davidi kwikala mwanta wawantu ami aIsarela.

¹⁷Kumuchima watata yami Davidi kwadiŋi jakutuŋila ijina daYehova Nzambi yawaIsarela itala.

¹⁸Ilaŋa Yehova wamwilili tatayami Davidi nindi, Kumuchima weyi chikwadiŋi jakutuŋila ijina dami italachachiwahi, chawaha chiwachifuukula kumuchima weyi.

¹⁹Hela chochu, hiyeyi wakatuŋi italaku, mwaneyi wakafuma munkuma yeyi diyi wakatupila ijina dami itala.

²⁰Yehova nakoleshi dehi izu dindi dahosheliyi, nanichichinahiŋi dehi mwadiŋi tata yami Davidi, chinashakami dehi hetandada waIsarela dawanta, mwomwakaniniyi Yehova, ami natuŋili dehi ijina daYehova Nzambi yaIsarela itala.

²¹Neli dehi nimwakusha chimbaŋu chikweti chitiyaŋenu chaYehova chatiyaŋeniyi nawankakulula jetu, hayifumishiliyi mwituŋa daEjipitu.

²²Solomoni hakwimana kumbidi yakameŋi kaYehova kumesu achipompelu cha waIsarela chejima, hakwolola makasindi kwiwulu,

²³hakwila nindi, Eyi Yehova, Nzambi yaIsarela, hikudi Nzambi wakufwana eyuku, hela mumawulu adi mwiwulu, hela hamaseki adi munu mwishina; wahembaŋa nimuwatiyaŋana nimuwayitiyilaŋa luwi ambuŋeyi endaŋa kumesueyi nanyichima yawu yejima.

²⁴Wunahembi nimuwakarini kambuŋeyitata yami Davidi; mwalala wahosheli nakanwa keyi, wunakoŋumu nachikasa cheyi, mwonamutunamoni lelu.

²⁵Dichi dinu, eyi Yehova Nzambi yaIsarela, kakelaku muwamukanini kambuŋeyi tata yami Davidi, neyi, Eyi hiwakabulahu iyala kumesu ami wakushakama hetanda dawaIsarela dawantaku; chiŋa dinu anyaneyi akababalaŋa mwakuyawu nakwenda kumesu ami neyi chiwunendeyi kumesuami.

²⁶Dichi dinu, eyi Nzambi yaIsarela, izu deyi diwahosheli nakambuŋeyitata yami Davidi diikali dalala mwani.

²⁷Mwalala kwaamu, Nzambi ashakami heseki? Tala, chikaŋa iwulu, niiwulu damawulu kukuwanineyi nehi, winzi wumoni italidi dinakutuŋili?

²⁸Hela chochu, shaku muchima kukulomba kwamami kambuŋeyi, nikukulembelelakwami, eyi Yehova Nzambi yami, wutiyilili nikudila nikulomba kunukulomba ami kambuŋeyi kumesu eyi lelu;

²⁹kulonda mesu eyi atoneni italidi niwufuku nimwaana, wutoneni chipela chiwelili neyi, Kwoku kwakekalaŋ ina dami; kulonda wakatiyilili kulomba kwakalombaŋayi kambuŋeyi nakutalisha kuchipelichi.

³⁰Wakatiyililaŋa nimwakale mbelelaŋayi kambuŋeyi nimwakalembelela ŋawu antu eyi aIsarela, chakalombaŋawu nakutalisha kuchipelichi. Mwalala wakatiyaŋi mwiwulu muwashakama, chiwakatiyaŋa wakayanakenaŋa.

³¹Neyi muntu wakavulumuna mukwawu, neyi akamukakeja nawu, Sanyikaku, sanyikaku; yena hakenza nakusanyikila kukameŋa keyi mwitalidi;

³²wakatiyaŋi mwiwulu, wakakwataŋaku, wakasompeshaŋa ambuŋeyi, wakahishaŋa watama nakumushikŋila hanamutu windi mwaneliyi; wakayiŋishaŋa waloŋa nakumwinka yineseki nakuloŋa kwindi.

³³Neyi antu eyi aIsarela akayitapa kudi ayilumbu jawu nanochu chanakuvulumunuwu dehi, neyi akabalumuka cheŋi kudeyi nakwitu ijina deyi, nakulombela, nakukulembelela mwitalidi;

³⁴wakatiyaŋa mwiwulu, wakaanakenaŋa antu eyi aIsarela nshidi yawu, wakayifuntishaŋi cheŋi mwituŋa diwenkeli ankakulula jawu.

³⁵Neyi mwiwulu mwakajika, nvula nehi, nanochu chanakuvulumunuwu; chiwakayi babesha, neyi akalomba nakutalisha kuchipelichi, nakwitu ijina deyi, nakubalumuka nakuleka nshidi yawu;

³⁶wakatiyaŋi mwiwulu, waka anakenaŋi ambuŋeyi nshidi yawu niantu eyi aIsarela, chiwakayi lejanjila yayiwahi yakwenda; wakayitemeshela nvula hetuŋi deyi diwenkeliantu eyi kudiswana.

³⁷Neyi mwituŋa mwakaholoka nzala, hela neyi mwakaholoka chipupu, hela neyi mwakenza kuuma kwakuuma yuma yejima chau, hela mbuwa, hela tubola, hela mahashi; hela neyi chilumbu chawu wakayikuchika munyikala yawu mwituŋa; chipupu chonsu chakamonawu, hela yikatuyonsu yakamonawu;

³⁸mwonsu mwakalomba, mwonsu mwakalembelelamuntu himuntu mwahitila antu eyi aIsarela ejima, mwakelukilawu yipupuya munyichima yawu wejima wawu, hiyakolola makasawu nakutalisha kwitalidi;

³⁹wakatiyaŋ mwiwulu muwashakama, wakayanakenaŋa, wakakwataŋaku, wakayilaŋa antu ejima, iwu mwaneliyi, iwu mwaneliyi, yeyi welukanyichima yawu—muloŋa eyi, yeyi hohu, weluka nyichima yawanyana kawantu ejima—

⁴⁰kulonda akakutiyaŋa woma mafuku ejima akasha kamawu mwituŋa diwenkeli ankakulula jetu.

⁴¹Hela mwenyi wákubula kwikala muntu weyi kaIsarela, neyi wakafumakwituŋa dakwakulehi nansaŋu yejina deyi;

⁴²muloŋa wena akatiya ijina deyi deneni, nichikasa cheyi chaŋovu, chakwolola; chakenzayi nakulomba nakutalisha kwitalidi;

⁴³eyi omu mwiwulu muwashakama wakatiyaŋa, wakelaŋa yejima yakakutambikilayi mwenyi; kulonda nyuza yahamaseki yejima yakeluki ijina deyi, akakutiyi woma, neyi chatiyaŋawu antu eyi aIsarela, kulonda akeluki nawu, italidi dinatuŋi anaditeneni ijina deyi.

⁴⁴Neyi antu eyi akaya nakudasa njita nawayilumbu jawu, njila yonsuyiwakayituma yoyu, neyi akalomba kudi Yehova nakutalisha kumukalawunatondi, kwitala dinaturiili ijina deyi,

⁴⁵wakatiyaŋa mwiwulu nimwanalombuwu, nimwanalembeleluwu, wakayikwashaŋaku nansaŋu yawu.

⁴⁶Neyi akakuvulumuna, —ochu kudi muntu wabulaŋa kuvulumuna? —nineyi hiwakazuwa nawu, hiwakayihana kudi ayilumbu jawu, hiyakayitwalamunyonji mwituŋa dawayilumbu jawu, hela kwakulehi hela kwakwihi;

⁴⁷mwituŋa dakayitwalawu muwukoli neyi akaanakana nakufutumuka cheŋi, hiyakakulembelela omu mwituŋa dayitweluwu muwukoli, nawu, Tunavulumuni dehi, tunatamishi dehi, tunakoŋi chatama;

⁴⁸neyi akafunta kudeyina nyichima yawu yejima, nawumi wawu wejima, omu mwituŋa dawayilumbu jawu ayitweli munyonji, neyi akalomba kudeyi nakutalisha kwituŋa dawudiwenkeli ankakulula jawu, kumukala wunatondi, kwitala dinatuŋili ijina deyi;

⁴⁹eyi omu mwiwulu muwashakama wakatiyaŋa nimwakalombawunimwakalembelelawu, wakayikwashaŋaku nansaŋu yawu,

⁵⁰wakayanakenaŋa antu eyi anakuvulumuni, ninyiloŋa yawu yaneluwu yakumotoka izudeyi, wakayitiyishaŋa wushona awa ayitweli munyonji, kulonda akayitiyilaŋa wushona.

⁵¹Muloŋa wena hiyantu eyi, hiwuswana weyi wafumishili muEjipitu mukachi kalutepi lwachikuŋu.

⁵²Mesu eyi akatoneni kulembelelakunu kulembelela ami kambuŋeyi, nikwakalembelelawu antu eyi aIsarela, wakayitiyililaŋa mwakakudililawu mwejima.

⁵³Muloŋa wayambwili dehi mukachi kanyuza yejima yahamaseki, kulonda akekali wuswanaweyi, mwomuwahosheli kukanwa kakambuŋeyi Mosi, hiwafumishili ankakululajetu muEjipitu, eyi Mwanta Yehova.

⁵⁴Chelili Solomoni nakumishi dehi kulomba kwejimiku nikumulembelela Yehova, hakunyamuka kumesu akameŋa kaYehova kwadiro kwafukamayi hamanuŋu indi, iku wolola makasindi kwiwulu.

⁵⁵Hakwimana, hakukiswila chipompelu chawaIsarela chejima nkisu nezu daŊovu,

⁵⁶nindi, Kisu kisu, Yehova nanookeshi dehi antu indi aIsarela mwakaniniyi mwejima. Chikaninu chindi chachiwahi chejima chakaniniyi kukanwa kakambu ŋindi Mosi hikunakaŋanyi hoku izu nidimuku.

⁵⁷Yehova Nzambi yetu ekalinanetu neyi chadiŋiyi nawankakulula jetu; bayi akatushiya hela kutúumbaku;

⁵⁸atepeleki nyichima yetu kudi yena, twendi munjila jindi jejima, tuhembi nimwaleja ŋayi, niyidika yindi, niwuŋaji windi walejeliyi ankakulula jetu.

⁵⁹Awa mazu ami inukulembelela kumesu aYehova, ekali kwakwihi naYehova Nzambi yetu nimwaana niwufuku, kulonda akakwashaŋaku ami kambuŋindi nansaŋu yami, akakwashaŋaku niantu indi aIsarela nansaŋu jawu, ninsaŋuyefuku idi, ninsaŋu yefuku idi.

⁶⁰Kulonda nyuza yejima yahamaseki yakeluki nawu, Yehova diyi Nzambi, hikudi wacheŋuku.

⁶¹Kulonda nyichima yenu yakayaŋa chikupu kudi Yehova Nzambi yetu, mwakendaŋi muyidika yindi, mwakahembaŋi mwalejaŋayi, neyi chimukwila lelu.

⁶²Mwanta niaIsarela ejima hamu hiyakumuketwila Yehova yimuna.

⁶³Solomoni hakulambula Yehova yimuna yakuwunda, yamuketwililiyi, aŋombi makombakaji makumi ayedi namakombakaji ayedi, nyikoku makombakaji nkulakaji namakombakaji makumi ayedi. Dimu mwajilikililuwu itala daYehova kudi mwanta nawanyana kaIsarela ejima.

⁶⁴Dena ifuku odumwanta hakujilika hakachi kebulu dadiŋi kumesu etala daYehova; muloŋa adiku kwalambwililiyi himulambu wakushita, nihimulambu wawupa, nimanjia nyilambu yakuwunda; muloŋa kameŋa kawuneŋu kadiŋi kumesu aYehova kakeheli, kutwesha kuwanina nihimulambu wakushita, nihimulambu wawuŋa, nimanji anyilambu yakuwunda nehi.

⁶⁵Henohu Solomoni watelekesheli chawija hamu nawaIsarela ejima; kwadiŋi chipompelu cheneni chawantu akufuma kuwiŋililu wakuHamati ndonikukaloŋa kaEjipitu, kumesu aYehova Nzambi yetu, mafuku atanu nayedi, mafuku atanu nayedi; mafuku ikumi nawana.

⁶⁶Ifuku damu chitanuna chisatu hakuyimwapa antu. Hiyakumukiswila mwanta nkisu, hiyakuyakunyikala yawu nakuzaŋiala, nakutiya kuwaha munyichima yawu, nakuwa hakwejima kwanamwiluwu kambuŋindi Davidi, niantu indi aIsarela kudi Yehova.