Read MUKANDA WANZAMBI 1 Malena 9 Bible Online

1 Malena 9 - MUKANDA WANZAMBI bible

1 Malena 9

¹Chelili Solomoni namanishi dehi kutuŋa itala daYehova, niitaladamwanta, niyatiyiliyi Solomoni kuwaha yejima,

²Yehova hakudimwekeshakudi Solomoni kamuchiyedi, neyi chamwekeniyi kudi yena kuGibeyoni.

³Yehova hakumwila nindi, Natiyi nimuwunalombi nimuwunalembelelikumesu ami. Itala diwunatuŋili kusha ijina dami hayanyaka nadijiliki. Nimesu ami, nimuchima wami wakekalaku mafuku ejima.

⁴Hakwila eyi, neyi eyi wukwendaŋi kumesu ami neyi mwendeliyi tata yeyi Davidi, namuchima wawuwahi, nakwoloka, nakwila munakulejeli mwejima; neyi wukuhembaŋi yidika yami nawuŋi wami,

⁵ami nakakolesha itandadawanta weyi wawaIsarela haya nyaka; mwomunamukanini tata yeyi Davidi, nami, Hiwakabula iyala hetanda dawaIsarela dawantaku.

⁶Kwinzaneyi mwakabalumuka nakuleka kunlonda, hela enu hela anyanenu, neyimwakabula kuhemba munalejaŋa niyidika yami yinayishili kumesu enu, himwakaya nakupesha akishi nakudifukula kudi wena,

⁷ami nakayifumisha aIsarela mwituŋa dinayinkeli; niitalidi dinajilikili ijina dami nakadinatila kwakulehi nanami; aIsarela akashala neyi kaanu, akekala akwakufwŋewa mukachi kanyuza yejima.

⁸Hela kuleha kunalehi idi itala dinalehi tuhu, antu ejima akahitaku akahayama, akayiŋila, akahosha nawu, Yehova nakoŋelidi ituŋidi niitalidi chochichi?

⁹Akaakula nawu, Chinafumi hakuleka Yehova Nzambi yawu wafumishili ankakulula jawu mwituŋa daEjipitu, hiyakukwata akishi, hiyakudifukula kudi wena nakuyipesha; dihu hanafumi kuyiletela kutama kwejimiku kudi Yehova.

¹⁰Chiyamanini nyaka makumi ayedi yatuŋiliyi Solomoni matala ayedi, niitala daYehova, niitala damwanta,

¹¹mwenomu Hirami mwanta wakuTira wamwinkelaŋa Solomoni nyisida, nanyinjunŋa, nawuru, mwonsu mwakeŋeliyi, mwanta Solomoni hakumwinka Hirami nyikala yamaneni yamu Ŋaliliya makumi ayedi.

¹²Hirami hakufuma kuTira, hakwinza nakutalanyikala yanamwinkiyi Solomoni; hayitiyili kwindi kuwahaku.

¹³Welilinindi, Yeniyi nyikala yiwunanyinki hinyikalanyi, mana kwami? Hakuyitumbanindi, Ituŋi daKabuli, nilelu.

¹⁴Hirami wamutemesheleli mwantantalenta jawuru nkulakaji namakumi ayedi.

¹⁵Tiyenu hafumini chipalu chakwatiliyi mwanta Solomoni. Walondeli kutuŋa itala daYehova, niitala dindi yomweni, niMilo, nimpwembu yaYerusalema, niHazori, niMeGido, niGezeri.

¹⁶Henohu Fwaro mwantawa kuEjipitu wayaku dehi, walukuka dehi Gezeri, wawocha dehi nakesi, wajahamu dehi aKenani ashakamini mumukala, wawinka dehi mwanindiwa mumbanda iŋoda Solomoni chamukunkulu chindi chakusumbuka nachu.

¹⁷Solomoni hakutuŋi Gezeri, ni Betihoroni wamunkulu,

¹⁸niBayalati, niTamari mwisaŋa, mwituŋa,

¹⁹ninyikala yejima yadiŋiyi nayu Solomoni yakuswekela yuma, ninyikala yakusha makálu indi, ninyikala yakusha antu indi akwatuwalu, niyatiyiliyi Solomoni kuwaha kudituŋala muYerusalema, nikuLebanoni, nimwituŋa damu wanta windi dejima.

²⁰Amori, niaHiti, ni aPerizi, niaHivi, niaYebusi, antu awu ejima asheluhu, abulili kwikala anyana kaIsarela,

²¹anyana kanawa ahitili nakushalashala mwituŋa, akaŋenyi kujilumunawu kudi anyana kaIsarela chikupu, diwu akwatiliyi Solomoni chipalu chawuduŋu, nilelu.

²²Hakwila anyana kaIsarela Solomoni hayikwatili wuduŋuku; wena kwawu diwu akwanjita, niawambuŋindi, niatulamba twindi, niakulumpi indi akunjita, niakulumpi amakálu indi, niantu indi akwatuwalu.

²³Diwu awakulumpi awatulala atalilaŋa nyidimu yaSolomoni, makulakaji atanu namakumi atanu, ayulilaŋa antu akoŋelaŋa nyidimu.

²⁴Mwana kaFwaro wakandukili mumukala waDavidi, hakwijila mwitala dindi damutuŋililuwu. Henohu dihu hatuŋiliyi Milo.

²⁵Solomoni washitilaŋa nyilambu yakushita walambwilaŋa, ninyilambuya kuwunda mwaka wumu kasatu hakameŋa katuŋililiyi Yehova, hakwochela kumu niinsensi, hohakameŋa kadiŋi kumesu aYehova. Hakumanishani itala.

²⁶Solomoni watuŋili chendu chamaatu amaneni kuEziyoni Geberiwekala kwakwihi naEloti, kuchi kumu chaKaluŋalwiji Kachinana, mwituŋa daEdomi.

²⁷Hirami watemesheli mumaatu ambuŋindi akwakwendela mumaatu eluka dehi maana ahakaluŋilwŋi, hiyakuya hamu nawambuŋa-Solomoni.

²⁸Ashikili kuOfwiri, hiyakufumishaku wuru ntalenta makulakajiawana namakumi ayedi, hiyakuleta kudi mwanta Solomoni.