Read MUKANDA WANZAMBI 2 Malena 1 Bible Online

2 Malena 1 - MUKANDA WANZAMBI bible

2 Malena 1

¹Helili Ahabi nafwi dehi, aMowabi adikaŋili nawaIsarela.

²Ahaziya waholokeli munjanina yamwitala dahewulu dadiro muSamariya, hakukata. Hakutemesha atuŋanda, hakuyila nindi, Yenu mwakehuli kudi mukishi wakuEkeroni, Bajali Zebubi, nitiyi neyi musoŋujwu wukunfuma.

³Ilaŋa kaŋelu kaYehova hakumwila Elija wakuTishebi, nindi, Nyamukaku, wuyi nákubulakana natuŋinda twamwanta wakuSamariya, wakayilineyi, Ochu chimukuya nakwihula kudi mukishi wakuEkeroni Bayali Zebubi, chochimunabuli Nzambi muIsarela, tahindi?

⁴Dichi dinu Yehova nahoshinindi, Eyi hiwakafuma hakadidi kuwunakamuku, wakafwa hohu chalala. Elija hakudiyila.

⁵Atuŋinda hiyakufunta kudi yena mwanta, hakuyila nindi, Munafuntilidi?

⁶Hiyakumwila nawu, Kwenza muntu nakutubulakana, hakutwilanindi, Funtenu kudi mwanta wenu wayitemesha, mwakamwili nenu, Yehova nahoshi nindi, Ochu chiwukutemesha nakwihula kudi mukishiwa kuEkeroni Bayali Zebubi, chochimunabuli Nzambi muIsarela, tahindi? Dichi dinu eyi hiwakafuma hakadidi kuwunakamuku, wakafwa hohuchalala.

⁷Hakuyila nindi, Muntu wenza nakuyibulakana, wayileja mazuawa, wadiŋi ŋihi?

⁸Hiyakunwakula nawu, Wadiŋi muntu waswejawuvuji, wavwala mukwatu wachikaba mumaya. Nindi, Komana yowu Elija wakuTishebi.

⁹Dichi mwanta hakutemeshaku mukulumpi wawantumakumi atanu, hamu nawantu indi makumi atanu. Hakuya kudi yenaElija, kumuwana nashakami hewulu dakapidi. Hakuhosha nindi, nindi, Eyi muntu waNzambi, mwanta nindi, Kunkumukaku.

¹⁰Elija hakwakula, hakumwila mukulumpi wawantu makumi atanu, nindi, Neyi nimuntulo waNzambi, kesi kaholoki mwiwulu, kakunoŋeshi nineyi niantu eyi makumi atanu. Kesi hikakuholoka mwiwulu, hikakumunoŋesha niyena niantu indimakumi atanu.

¹¹Mwanta hakutemeshaku cheŋi mukulumpi mukwawu wama kumi atanu, hamu nawantu indi makumi atanu. Nivena hakumwila nindi, Eyi muntu waNzambi, mwanta nahoshi nindi, Kunkumukaku swayi.

¹²Elija hakuyakula, hakuyila nindi, Neyi nimuntu waNzambi, kesi kaNzambi kaholoki mwiwulu, kakunoŋeshi nineyi niantu eyi makumi atanu. Kesi kaNzambi hikakuholoka mwiwulu, hikakumunoŋesha niyena niantu indimakumi atanu.

¹³Hakutemesha cheŋi mukulumpi wamuchisatu wamakumi atanu hamunawantu indi makumi atanu. Mukulumpi wamuchisatu wawantu makumi atanu hakukandama, hakwinza nakufukama kumesu aElija, hakulembanindi, Eyi muntu waNzambi mwani, wumi wami niwumi wawambuŋeyi, awa makumi atanu, wulemi kumesu eyi.

¹⁴Kesi kaholoka mwiwulu kanoŋesha awakulumpi akusambila ayedi awantu makumi atanu, nawantu awumakumi atanu; ichi dinu wumi wami wulemi kumesu eyi.

¹⁵Kaŋelu kaYehova hakumwila Elija, nindi, Kunkumukaku nindi; bayi wumuti yawomaku. Hakunyamuka, hakukunkumuka nindi, hakuya kudi mwanta.

¹⁶Hakumwila nindi, Yehova nahoshi nindi, Ochu chiwunatemeshi atuŋindanakwihula kudi mukishi wakuEkeroni Bayali Zebubi, chochimunabuli Nzambi muIsarela wakwihula izu dindi, tahindi? Dichi dinu eyi hiwakafuma hakadidi kuwunakamuku, wakafwa hohu chalala.

¹⁷Nochu wafwili mwomwizu daYehova dahosheli Elija. Yorami hakumuswana mumwaka wamuchiyedi waYehorami mwana kaYehoshafwati mwanta wawaYuda; muloŋa Ahaziya hadiŋi namwanaku.

¹⁸Nsaŋu jaAhaziya jinashaluku jayuma yeliliyi, hiyanajisoneki mumukanda wawanyanta awaIsarela wakushindululaku?