Read MUKANDA WANZAMBI 2 Malena 10 Bible Online

2 Malena 10 - MUKANDA WANZAMBI bible

2 Malena 10

¹Ahabi wadiŋi nawanyana amayala makumi atanu nayedi muSamariya. Yehu wasonekeli nyikanda, wayitemesheli kuSamariya kudianyuli amuYezereyeli, wowu awakulumpi, ninawa alelelaŋa anyana kaAhabi,

²nindi, Chiwukushika mukandiwu kudenu, enu mukweti anyana kamwantawenu, enu mukweti makálu natuwalu, nimukala wampwembu, niyitwa;

³mwakatalaŋa mwana kamwanta wenu wasweja kuwaha, wasweja kulumbuluka, mwakamushakamishi hetanda datata yindi dawanta, mwakalwilimutaŋa wamwanta wenu.

⁴Ilaŋa wena hiyakutiya woma nankashi, nawu, Chikaŋa anyanta ankanu ayedi kutwesha kudikapa nindi nehi, etu tutweshikudikapa nindi?

⁵Wadiŋi mukulumpi wetala, niwadiŋi mukulumpi wamukala, niakulumpi nawa, niakwakulela anyana, hiyakutemesha mazukudi Yehu, nawu, Etu tudi ambuŋeyi, tukwila mwejima muwukutuleja. Hitukuswanisha mwantaku. Ilaku mwonsu muwunamoni kuwaha.

⁶Hakuyisonekela mukanda kamuchiyedi, nindi, Neyi muyantu ami, neyimunakeŋi kutiyilila mwizu dami, nonenu nyitu yanowu amayala anyanakamwanta wenu, mwakenzi kunu kuYezereyeli kudami kumadiki, hanuhanashiki itaŋwa hanu. Wenowu anyana kamwanta adiŋi antu makumi atanu nayedi, adiŋi kudi antu ahamukala alema, ayilelelaŋa.

⁷Mukandachiwunashiki kudi wena, hiyakukwata anyana kamwanta, hiyakuyŋha, wowu makumi atanu nayedi awantu, hiyakuloŋaeja nyitu yawu munyitoŋ, hiyakumutemeshela Yehu kuYezereyeli.

⁸Hikukwinza ntemesha nakumulejanindi, Analeti dehi nyitu yawanyana kamwanta. Yena nindi, Yilumbikenu nyilumba yiyedi kuwiŋililu wakuchisu champwembu, twakayiwananabudidi.

⁹Chikuneli budidi, hakwidika, hakwimana, hakuyilaantu ejima nindi, Enu mwaŋa. Ami namukwatila mwanta wami chikuchi, namujaha, indi awa ejima anayijahi kudinyi?

¹⁰Dichi ilukenu kwenu nenu, Kwosi chuma chakwizu daYehova dahosheliyi Yehova dakutena mutaŋa waAhabi chakaya mwamukunkulwayuku. Muloŋa Yehova nakoŋi mwomwahosheliyi kukanwa kakambuŋindi Elija.

¹¹Dichi Yehu hakujaha akwamutaŋa waAhabi asheli muYezereyeli ejima, niantu indi alema ejima, niamabwambu jindi, niatupristu twindi, hashiyili hoku niwumuku.

¹²Hakunyamuka, hakuyila munjila, hakuya kuSamariya. Chashikiliyi kwitala damunjila datewililaŋawu atubiŋa nyikoku,

¹³Yehu hakuwana ana kwaAhaziya mwanta wawaYuda, hakuyihula nindi, Yenu anyi? Nawu, Tuyana kwaAhaziya, tudi nakuya nakwimwisha anyana kamwanta nianyanakamwadi.

¹⁴Nindi, Yikwatenu chakukwata hohu. Hiyakuyikwata amomi, hiyakuyihila kuwina wakwitala dakutewila nyikoku, amayala makumi awana namayala ayedi, hashiyili hoku niwumuku.

¹⁵Chafuminiyi kwenoku hakumuwana mwana kaRekabi Yehonadabi, wudi nakwinza nakumukinkilila. Hakumwimwisha, hakumwila nindi, Kumuchima weyi kutooka, neyi chinakutookelami kumuchima wami? Yehonadabi nindi, Kutooka. Yehu nindi, Neyi chochu, nyinki chikasacheyi. Hakumwinka chikasa chindi, hakumukandamisha mwikalu.

¹⁶Nindi, Tuyi neyi, wakatali iyena dami dinamutatilaŋa Yehova. Hiyakumwende shamwikalu dindi.

¹⁷Chashikiliyi kuSamariya, hakujaha akwaAhabi asheli muSamariya ejima, jahe-e, nichayijilu mwiniyi to-o, mwomwizu daYehova dahosheliyi kudi Elija.

¹⁸Yehu hakupompesha antu ejima hamu, hakuyila nindi, Ahabi wamupesheli Bayali chantesha, hakwila Yehu wukusweja kumupesha.

¹⁹Dichidinu ntambikilenu tuprofwetu twaBayali twejima, niamupeshaŋ ejima, nitupristu twindi twejima; bayi hashala muntuku, muŋa ami nakeŋiku muketwila Bayali yimuna yayivulu. Yowu wakabulahu hakahandaku. Komana Yehu kwindi wachilili muma ana kulonda akajilumuni akwakupesha Bayali.

²⁰Yehu hakwila nindi, Kwikali kukumaŋana kwakudihudi kakwaku mujilila Bayali. Hiyakuchibideka.

²¹Yehu hakutemesha antumwahita mpata yawaIsarela yejima; akwakupesha Bayali ejima hiyakwinza, hikwasheli muntu niwumu wabulili kwinzaku. Hiyakwijila mwitala daBayali, itala daBayali diinzala ni-to, kufuma kunsa yimu ndo nikunsa yikwawu.

²²Hakunwila wahembelaŋa yuma yakuvwala, nindi, Yiidishilia kwakupesha Bayali yuma yawu yakuvwala. Hakuyiidishila yuma yakuvwala.

²³Yehu hakuya mwitala daBayali hamu namwana kaRekabi Yehonadabi. Hakuyila akwakupesha Bayali nindi, Shinshikenu mutali chachiwahi, wamba kela mudi akwakumukalakela Yehova, chipa mwikala akwakumupesha Bayali hohu.

²⁴Hiyakwijila nakulambula yimuna yakuketula, ninyilambu yakushita. Henohu Yehu washa dehi amayala makumi atanu nasatu hanzi, nindi, Muntu wukupulwisha antu awa nukushikŋa kudenu wumi wanowu akupulwishayi, wukuwufuta nawumi windi.

²⁵Cheliliyi nakumishi dehi kulambula mulambu wakushita, Yehu hakuyila atulama nawawakulumpi, nindi, Iŋilenu mwakayihi. Bayi mwidika muntuku. Hiyakuyitapa nawumwemuwa mpoku yakabali. Atulama nawawakulumpi hiyakuyinata hanzi, hiyakuya nikumukala wetala daBayali.

²⁶Hiyakwidisha tuposhi twakupeshela twadiŋi mwitala daBayali, hiyakutwocha.

²⁷Hiyakuhumuna nikaposhikakupeshela Bayali, hiyakuhumuna niitala daBayali yemweni, hiyakudi balumunadi ikali itala dakusukwila nswadi nilelu.

²⁸Yehu yojilumunani Bayali muIsarela ji-i.

²⁹Hela chochu, nshidi jamwana kaNebati Yerobowami javulumwishiliyi nachu aIsarela, jawanyana kawaŋombi awuru adiŋi muBeteli nimuDani, Yehu kulekamu kwindi nehi.

³⁰Yehova hakumwila Yehu, nindi, Ochuchi wuna koŋi chachiwahi chiwuna koŋi mwaloŋa kumesu ami, chiwuna koŋi mutaŋi waAhabi mwejima mwaya muchima wami, anyaneyi akwikiŋu damu chiwana akashakama hetanda daIsarela dawanta.

³¹Ilaŋa Yehuhashili muchima windi wejima kukwenda munshimbi jaYehova Nzambi yaIsarelaku, muloŋa halekeli munshidi jaYerobowami javulumwishiliyi nachu aIsarelaku.

³²Hamafuku owu Yehova watachikili kusembula mpata yaIsarela. Hazayeli wayitapili kuŋinza jawaIsarela jejima,

³³kufumisha kuYodana nakutwala kumusela, ituŋa daGilevadi dejima, niaGadi, niaRubeni, niaManase, kufumisha kuArowenai wekala kwakwihi nachinekineki chaArinoni, kafwampi yowu Gileyadi naBashani.

³⁴Nsaŋu jaYehu jinashalukuni yuma yejima yeliliyi, niŋovu jindi jejima, hiyanajisoneki mumukanda wa wanyanta awaIsarela wakushindululaku?

³⁵Yehu wakamini hamunawanka kulula jindi. Amujiikili muSamariya. Mwanindi Yehowahazi hakumuswana.

³⁶Mafuku ayuliliyi Yehu aIsarela muSamariya ashikilimunyaka makumi ayedi nanyaka yitanu nayisatu.