Read MUKANDA WANZAMBI 2 Malena 12 Bible Online

2 Malena 12 - MUKANDA WANZAMBI bible

2 Malena 12

¹Mumwaka waYehu wamu chitanu nachiyedi Yowashi watachikili kuyula, wayulili muYerusalema nyaka makumi awana. Mamayindi ijina dindi Zibiya wakuBerisheba.

²Yowashi welili chaŋakumesu aYehova mafuku indi ejima adiŋi nakumule jawu kudi kapristu Yehoyada.

³Hela chochu, yinaŋanaŋa hiyayifumishiluku. Antu saŋa aketwilawu yimuna, saŋa ochelawu insensi hayinaŋanaŋa.

⁴Yowashi wayilili atupristu nindi, Mali ejima ayuma yakujilika aleteluwu mwitala daYehova, wowu mali amwituŋa, wowu mali ayesekeleluwu antu kulonda ahani hamuntu hamuntu, nimali ejima akudanukila antu chakunyichima yawu, nawu atwali mwitala daYehova,

⁵atupristu ejima akatambuli kudi akwawu adilukawu nawu; akaloŋeshi nachu itala hanahumoki, kwonsu kwanamonuwu kunahumoki.

⁶Ilaŋa kushika hamwaka wamwanta Yowashi wamakumi ayedi nanyaka yisatu, atupristu adiŋi kanda aloŋeshi itala hidahumokeli.

⁷Mwanta Yowashi hakutambika kapristu Yehoyada, niatupristu amakwawu, hakuyila nindi, Munabulilidi kulopesha itala hidahumoka? Dichi dinu bayi mwakatambula cheŋi mali kudi akwenu mwadiluka nawuku, awa mwatambula dehi chiŋa muyihana akuloŋesha nachu itala hidahumoka.

⁸Atupristu etŋili kuleka kutambula cheŋi mali kudi antu, hela kuleka kuloŋesha itala hidahumokeli.

⁹Ilaŋa kapristu Yehoyada wanoneni chikasha, walokweli kamutetaha chiku, wachishili kumbadi yakameŋa, kumbadi yachidiilu hakwijila mwitala daYehova. Atupristu ahembelaŋa kuchisu hiyakushapamu mali ejima aletelaŋawu antu mwitala daYehova.

¹⁰Hiyakwilaŋa neyi anamoni mali anavuli dehi muchikasha, nsoneki yamwanta nikapristu munenihiya kwinza, hiyakuchinda mali awenuwu mwitala daYehova, hiyakuloŋaeja mujinjeki.

¹¹Mali apezelesheluwu hiyakuyinka adiŋi nakwila mudimu, atalilaŋa itala daYehova. Wena hiyakuyifwetapa akwakusoŋa nyitondu, niakwakutuŋa, akoŋelaŋa mudimu wetala daYehova,

¹²niakwakutuŋa namalola niakwakusoŋa malola, akulanda nachu ninyitondu, nimalola akusoŋa, akulopesha nachu itala daYehova hidahumokeli, niakufwetafwetaŋa nachu yuma yejima yakuloŋesha nachu itala.

¹³Ilaŋa mali aleteluwu mwitala daYehova hiyayichilili mpasa jasiliva, hela yuma yakujima nachumanoŋu, hela mbashila, hela mpùŋa, hela yuma yawuru, hela yumayasiliva, jetala daYehovaku.

¹⁴Ilaŋa yinkeli elilaŋa mudimu, hiyakuloŋesha nachu itala daYehova.

¹⁵Cheŋi nawa ana antu enkelaŋawu mali akufweta elilaŋa mudimu, hiyayinkelaŋa mali akuchindaku, muloŋa adiŋi nakwila mwakashinshi.

¹⁶Mali anyilambu yakutanya, nimali anyilambu yahanshidi hiyayileteli mwitala daYehovaku, awatupristu kwawu.

¹⁷Hamafuku wenana, mwanta wakuSiriya Hazayeli hakuya nakulwana mukala waGati, hakuwutambula. Hazayeli hakutalisha mesu indi kuYerusalema nindi ayuku.

¹⁸Mwanta wawaYuda Yowashi hakunonayuma yajila yejima yajilikiluwu ankakulula jindi, anyanta awaYuda aYehoshafwati na Yehorami naAhaziya, niyuma yajilikiliyi yomwenindi, niwuru wejima wawenuwu muyuma yalema yamwitala daYehova, niyamwitala damwanta, hakuyitemesha kudi mwanta wakuSiriya Hazayeli. Hazayeli afuma nikuYerusalema hakuya.

¹⁹Nsaŋu jaYowashi jinashaluku, niyuma yeliliyi yejima, hiyanaji sonekimu mukanda wawanyanta awaYuda wakushindululaku?

²⁰Ambuŋindi hiyakunyamuka, hiyakumukwatila chikuchi, hiyakumutapila Yowashi kwitala daMilo, munjila yaya kuSila.

²¹Muloŋa mbuŋindi, amwana kaShimeyati Yozakari, namwana kaShomeri Yehozabadi, amutapili, hakufwa; hiyakumujiika hamu nawankakulula jindi mumukala waDavidi. Mwanindi Amaziya hakumuswana.