Read MUKANDA WANZAMBI 2 Malena 13 Bible Online

2 Malena 13 - MUKANDA WANZAMBI bible

2 Malena 13

¹Mumwaka wamakumi ayedi nakasatu waYowashi mwana kaAhaziya mwanta wawaYuda, mwana kaYehu Yehowahazi hakutachikakuyula aIsarela muSamariya, wayulili nyaka ikumi nayitanu nayiyedi.

²Welili chatama kumesu aYehova, walondeli munshidi jaYerobowami mwana kaNebati javulumwishiliyi nachu aIsarela; halekeli mwokuku.

³Yehova hakuzuwa nawaIsarela, hakuyihana kudi mwanta wakuSiriya Hazayeli, nikudi mwana kaHazayeli Benihadadi, mafuku ejima.

⁴Yehowahazi hakumulembelela Yehova, Yehova hakumutiyilila, muloŋa wamweni ikabisha dawaIsarela dayikabishiluwu kudi mwanta wakuSiriya.

⁵Yehova hakuyinka aIsarela chamwinu kulonda akapuluki kudi aSiriya. Anyana kaIsarela hiyakushakama cheŋi munyikala yawu neyi cheliluwu hakusambila.

⁶Hela chochu, hiyalekeli munshidi jamutaŋi waYerobowami javulumwishiliyi nachu aIsarelaku, endeli mwenomu hohu, nimuyombusaŋa wekalila muSamariya.

⁷Muloŋa yena hamushiyilili Yehowahazi antuku, chiŋa kwiji wowu akwatuwalu makumuni atanu, namakálu ikumi, nawakwakwenda hamaseki makombakaji ikumi hohu. Muloŋa mwantawa kuSiriya wayijilumwini, wayibalumwini kwikala neyi lunkupu lwahawuhulilu.

⁸Nsaŋu jaYehowahazi jinashaluku, niyuma yeliliyi yejima, niŋovu jindi, hiyanajisoneki mumukanda wawanyanta awaIsarela wakushindululaku?

⁹Yehowahazi wakamini hamu nawankakulula jindi. Amujiikili muSamariya. Mwanindi Yehowashi hakumuswana.

¹⁰Mumwaka wamakumi asatu nakatanu nakayedi wamwanta wawaYuda Yowashi, mwana kaYehowahazi Yehowashi hakutachika kuyula aIsarela muSamariya, wayulili nyaka ikumi nayitanu nawumu.

¹¹Welili chatama kumesu aYehova; halekeli munshidi jejima jamwana kaNebati Yerobowami jivulu mwishiliyi nachu aIsarelaku, wendeli mwenomu hohu.

¹²Nsaŋu jaYehowashi jinashaluku, niyuma yeliliyi yejima, niŋovu jindi jalwiliyi nachuna mwanta wawaYuda Amaziya, hiyanajisoneki mumukanda wawanyanta awaIsarela wakushindululaku?

¹³Yehowashi wakamini hamu nawankakulula jindi, Yerobowami hakushakama hetanda dindi dawanta. Yehowashi amujiikili muSamariya hamu nawanyanta awaIsarela.

¹⁴Elisha hakutachika kukata yikatu yafwiliyi. Mwanta wawaIsarela Yehowashi hakuya kudi yena, hakudilila hamujimba windi, nindi, Tata yami, tata yami, makálu aIsarela nawakwatuwalu twawu!

¹⁵Elisha hakumwila nindi, Nonaku wuta ninsewu. Hakunona wuta ninsewu.

¹⁶Hakumwila mwanta wawaIsarela, nindi, Evulaku wuta. Hakwevula. Elisha hakunaŋika makasindi hamakasa amwanta.

¹⁷Nindi, Enzululaku njanina yatalakumusela. Hakuyenzulula. Elisha nindi, Asaku. Hakwasa. Nindi, Diyinsewu yamushindu waYehova, yoyi nsewu yakuyiimika nachu aSiriya mushindu; muloŋa eyi wakatapa aSiriya kuAfweki nichiwakayinoŋesha.

¹⁸Nindi, Nonaku nsewu. Hakujinona. Hakumwila mwanta wawaIsarela, nindi, Etaku heseki. Hakwetahu kasatu, hakuleka.

¹⁹Muntuwa Nzambi hakumuzuwila, nindi, Chiŋi neyi weta katanu, indi kwiji katanunakamu, mutenowu wunataŋi aSiriya nichiwadi kuyinoŋesha to-o! Ichi wakayitapa aSiriya kasatu hohu.

²⁰Elisha wafwili, amujiikili. Hamwaka walondelumu yendu yawaMowabi hiyikulukuka ituŋa.

²¹Chadiŋi nakujiikawu muntu, kutalachendu chimu hichikwinza; hiyakumúumbila muntu mwŋimu daElisha. Muntu chanakunkiyi kumafwaha aElisha ahizumuka nikuhizumuka emananiki-ta.

²²Mwanta wakuSiriya Hazayeli wakabishili aIsarela mafuku aYehowahazi ejima.

²³Ilaŋa Yehova wayitoŋeli, wayitiyilili wushona, hakuyisha kumuchima nachitiyaŋenu chatiyaŋeniyi naAbarahama, naIsaka, naYakoba, hakeŋeli kwindi kuyijilumunaku, nikulelu hanayinati chakuyifumisha kumesu induku.

²⁴Mwanta wakuSiriya Hazayeli wafwili. Mwanindi Benihadadi hakumuswana.

²⁵Mwana kaYehowahazi Yehowashi watambwili cheŋi kudi mwana kaHazayeli Benihadadi nyikala yatambwiliyi kudi tata yindi Yehowahazi nanjita. Yehowashi wamutapili kasatu, hakutambula cheŋi nyikalaya waIsarela.