Read MUKANDA WANZAMBI 2 Malena 15 Bible Online

2 Malena 15 - MUKANDA WANZAMBI bible

2 Malena 15

¹Mumwaka wamakumi ayedi nakatanu nakayedi wamwanta wawaIsarela Yerobowami, Azariya mwana kaAmaziya mwanta wawa-Yuda watachikili kuyula.

²Hatachikiliyi kuyula wadiŋi wanyaka ikumi nayi tanu nawumu. Wayulili muYerusalema nyaka makumi atanu nanyakayi yedi. Mama yindi ijina dindi Yekoliya wakuYerusalema.

³Welilichaloŋa kumesu aYehova, mwejima mweliliyi tata yindi Amaziya.

⁴Helachochu, yinaŋanaŋa hiyayifumishiluku. Antu saŋa aketwilawu yimuna, saŋa ochelawu insensi hayinaŋanaŋa.

⁵Yehova wamweteli mwanta, ekali mukwambumba nikwifuku dafwiliyi, washakaminaŋa mwitala dakumbadi. Mwana kamwanta Yotami diyi watalilaŋa akwetala, nikusompesha antu amwituŋa.

⁶Nsaŋu jaAzariya jinashaluku, niyuma yeliliyi yejima, hiyanaji soneki mumukanda wawanyanta awaYuda wakushindululaku?

⁷Azari yawakamini hamu nawankakulula jindi. Amujiikili hamu nawankakulula jindi mumukala waDavidi. Mwanindi Yotami hakumuswana.

⁸Mumwaka wamakumi asatu nakatanu nakasatu wamwanta wawaYuda Azariya, mwana kaYerobowami Zekariya wayulili aIsarela muSamariya tukweji tutanu nakamu.

⁹Welili chatama kumesu aYehova neyi cheliluwu ankakulula jindi; halekeli munshidi jamwana kaNebati Yerobowami jivulumwishiliyi nachu aIsarelaku.

¹⁰Mwana kaYabeshi Shalumi wamukwatilili chikuchi, hakumutapila kumesu awantu, hakumujaha, hakumuswana.

¹¹Nsaŋu jaZekariya jinashaluku, talenu, anajisoneki mumukanda wawanyanta awaIsarela wakushindulula.

¹²Didizu daYehova damwililiyi Yehu, nindi, Anyaneyi akashakama hetanda daIsarela dawanta kushikani kwikiŋu damu chiwana. Ninochu dimu chelili.

¹³Mwana kaYabeshi Shalumi watachikili kuyula mumwaka wamwantawa waYuda Uziya wamakumi asatu nakatanu nakawana. Wayulili muSamariya kakweji kamu.

¹⁴Mwana kaGadi Menahemi hakufuma kuTiriza, hakwinza kuSamariya, hakutapa mwana kaYabeshi Shalumi muSamariya, hakumujaha, hakumuswana.

¹⁵Nsaŋu jaShalumi jinashaluku nichi kuchichindi chakwatiliyi, talenu, anajisoneki mumukanda wawanyanta awaIsarela wakushindulula.

¹⁶Henohu Menahemi hakutapa Tifwisa, niantu ejima adiŋumu, niŋinza jawu kufumisha kuTiriza. Wawutapili nanochu chabulilu wukumwenzulwila. Niambanda ejima adiŋumu adiŋi namavumu, wayibuzili.

¹⁷Mumwaka wamwanta wawaYuda Azariya wamakumi asatu nakatanunakawana, mwana kaGadi Menahemi watachikili kuyula aIsarela, wayulili muSamariya nyaka ikumi.

¹⁸Welili chatama kumesu aYehova. Mafuku indi ejima halekeli munshidi jamwana kaNebati Yerobowami javulumwishiliyi nachu aIsarelaku.

¹⁹Mwanta wakuAshuri Puli wenjili nakwasa ituiŋanjita. Menahemi hakumwinka Puli ntalenta jasiliva ikombakaji kulonda adibombi nindi amukolesheli wanta.

²⁰Menahemi watambwili mali owukudi aIsarela, kudi aweni aheta nankashi, muntu wumu jishekeli jasiliva makumi atanu, muntu wumu jishekeli makumi atanu, kulonda kumwinka mwanta wakuAshuri. Mwanta wakuAshuri hakufuntamu, kushakama mwenomu mwituŋa nehi.

²¹Nsaŋu jaMenahemi jinashaluku, niyumayeliliyi yejima hiyanajisoneki mumukanda wawanyanta awaIsarela wakushindululaku?

²²Menahemi wakamini hamu nawankakulula jindi. Mwanindi Pekahiya hakumuswana.

²³Mumwaka wamakumi atanu wamwanta wawaYuda Azariya, mwana kaMenahemi Pekahiya watachikili kuyula aIsarela muSamariya, wayulilinyaka yiyedi.

²⁴Welili chatama kumesu aYehova, halekeli munshidiŋi mwana kaNebati Yerobowami javulumwishiliyi nachu aIsarelaku.

²⁵Mukulumpi wakunjita yindi mwana kaRemaliya Peka wamukwatilili chikuchi, hakumutapila muSamariya muchipaŋu chakwitala damwanta, hamu naArigobi naAriye. Wadiŋi nawantu akuGileyadi makumi atanu. Hakumujaha, hakumuswana.

²⁶Nsaŋu jaPekahiya jinashaluku, niyumayeliliyi yejima, talenu anajisoneki mumukanda wawanyanta awaIsarela wakushindulula.

²⁷Mumwaka wamwanta wawaYuda Azariya wamakumi atanu nakayedi, mwana kaRemaliya Peka watachikili kuyula aIsarela muSamariya, wayulilinyaka makumi ayedi.

²⁸Welili chatama kumesu aYehova; halekeli munshidi jamwana kaNebati Yerobowami javulumwishiliyi nachu aIsarelaku.

²⁹Mumafuku amwanta wawaIsarela Peka, mwanta wakuAshuri Tigilati Pileseri wenjili nakutambula Iyoni, niAbeli Betimayaka, niYanowa, niKedeshi, niHazori, niGileyadi, niŊaliliya, niituŋa daNafwatali dejima, hakuyitwala kuAshuri muwukoli.

³⁰Mwana kaEla Hosheya wamukwatilili mwana kaRemaliya Peka chikuchi, hakumutaŋa, hakumujaha, hakumuswanamumwaka wamwana kaUziya Yotami wamakumi ayedi.

³¹Nsaŋu jaPekaji nashaluku, niyuma yeliliyi yejima, talenu, anajisoneki mumukanda wawanyanta awaIsarela wakushindulula.

³²Mumwaka wamuchiyedi waPeka mwana kaRemaliya mwanta wawaIsarela, Yotami mwana kaUziya mwanta wawaYuda watachikili kuyula.

³³Hatachikiliyi kuyula wadiŋi wanyaka makumi ayedi nayitanu. Wayulili muYerusalema nyaka ikumi nayitanu nawumu. Mama yindi ijina dindi Yerusha mwana kaZadoki.

³⁴Welili chaloŋa kumesu aYehova. Welilimwejima mwcliliyi tata yindi Uziya.

³⁵Hela chochu, yinaŋanaŋa hiyayifumishiluku; antu saŋi aketwilawu yimuna, saŋa ochelawu insensi hayinaŋanaŋa. Diyi watuŋili chisu chakwiwulu chakuchipaŋu chetala daYehova.

³⁶Nsaŋu jaYotami jinashaluku, niyuma yejima yeliliyi, hiyanajisoneki mumukanda wawanyanta awaYuda wakushindululaku?

³⁷Hamafuku owu Yehova watachikili kutemesha mwanta wakuSiriya Rezini, ni mwana kaRemaliya Peka, akadasi njita nawaYuda.

³⁸Yotamiwakamini hamu nawankakulula jindi, amujiikili hamu nawankakulula jindi mumukala wankakulula yindi Davidi. Mwanindi Ahazi hakumuswana.