Read MUKANDA WANZAMBI 2 Malena 17 Bible Online

2 Malena 17 - MUKANDA WANZAMBI bible

2 Malena 17

¹Mumwaka wekumi nakayedi wamwanta wawaYuda Ahazi, mwana kaEla Hosheya watachikili kuyula aIsarela muSamariya, wayulilinyaka yitanu nayiwana.

²Welili chatama kumesu aYehova; hela chochu, helili neyi cheliluwu anyanta awaIsarela asambililuku.

³Mwanta waku-Ashuri Shalimanesa hakwinza nakudasa nindi njita; Hosheya hakwikala kambuŋindi, hakuhimulambu laŋa.

⁴Mwanta wakuAshuri wamutiyili Hosheya nawu namukwatili dehi chikuchi; muloŋa yena watemesheli atuŋanda kudi mwanta wakuEjipitu So, nikuhimulambu laŋa nawa mwantawa kuAshuri neyi chamulambwilaŋayi hamwaka hamwaka nehi. Dichi mwanta wakuAshuri hakumukwata, hakumukasila mukaleya.

⁵Mwantawa kuAshuri hakuya mwahita ituŋa dejima, hakuya nikuSamariya, hakuwukuchika nyaka yisatu.

⁶Mumwaka waHosheya wamu chitanu nachiwana, mwanta wakuAshuri watambwili Samariya, wafumishiluku aIsarela hakuyitwala muAshuri, hakuyishakamisha muHala namuHabori kukaloŋa kaku-Gozani, nimunyikala yawaMediya.

⁷Anyana kaIsarela chamwenuwu ochu, chafumini hakuvulumuna kwavulumwinuwu kumesu aYehova Nzambi yawu, wayifumishili mwituŋa daEjipitu, nikudi mwanta wakuEjipitu Fwaro, hiyakwakama akishi,

⁸hiyakwenda mwaya nshimbi janyuza yatemwiniyi Yehova kumesu awanyana kaIsarela, nŋelilaŋawu anyanta awaIsarela.

⁹Anyana kaIsarela hiyakumukopa Yehova Nzambi yawu yuma yákubula kuloŋa kumbadi, hiyakutuŋa yinaŋanaŋa yawu munyikala yawu yejima, hela kukaposhi kamukwakutalatala, hela kumukala wampwembu kutuŋa hohu.

¹⁰Hiyakwimika tuposhi iotwawu twakupeshela, hiyakushimika ninyiyombu yawu hampidi jajile hŋejima, nimumashina anyitondu yituuta yejima;

¹¹hiyakwocha insensi nayinaŋanaŋa yejima, neyi chelilaŋa nyuza yafumishiliyi Yehova kumesu, hiyakwila yuma yatama avuloki Yehova azuwi.

¹²Hiyakupeshaakishi akutuŋa akweti ayilejeliyi Yehova nindi, Enu kwila chumichi chinjila.

¹³Kutoŋa Yehova wayilejeli aIsarela nawaYuda kutunwa twawatuprofwetu ejima, nitwawakwa kumona ejima, nindi, Balumukenu mufumi munjila jenu jatama, muhembi munayileja niyidika yami, mwaya nshimbŋejima nalejeli ankakulula jenu, jinayitemesheleli kutunwa twawambuŋami atuprofwetu.

¹⁴Hela chochu, wena kutiya nehi, kwakuchinchika hohu neyi chachinchikiluwu ankakulula jawu abulili kumwitiya Yehova Nzambi yawu.

¹⁵Hiyakulekayidika yindi, nichitiyaŋenu chindi chatiyaŋeniyi nawankakulula jawu, niwunsahu windi wayilejalejeliyi. Hiyakulondela chuma chakuhemesha, hiyakwikala akuhemesha, hiyakuya mwaya nyuza yadiŋi kwakwihinawena, yayilejeliyi Yehova nindi, Kwila mwelanawu wena chinjila.

¹⁶Hiyakushiya mwejima mwayilejeliyi Yehova Nzambi yawu, hiyakusupununa akishi awu, wowu anyana kaŋombi ayedi, hiyakushimika muyombu, hiyakufukamina yileŋaleŋa yamwiwulu yejima, hiyakupesha Bayali.

¹⁷Hiyakwochela akishi awu anyanawu amayala nawambanda mukesi, hiyakuhopa jiŋombu, hiyakusansa nyisepu, hiyakudilanda mukwila chatama kumesu aYehova kulonda amuvuloki azuwi.

¹⁸Dichi Yehova hakuswejakuzuwa nawaIsarela, hakuyifumisha kumesu indi; hikwasheli niwumuku, chipa muchidi waYuda hohu.

¹⁹Hela aYuda nawa hiyahembeli mwayilejeliyi Yehova Nzambi yawuku, endeli mwomuyidika yelilaŋawu aIsarela.

²⁰Yehova hakuleka anyana kaIsarela ejima, hakuyikabisha, hakuyihana kudi akwakuyipupa, nichayifumishiliyikumesu indi.

²¹Muloŋa Yehova watabwili aIsarela kumutaŋa waDavidi bwe-chi, hiyakudiisha mwana kaNebati Yerobowami wanta, Yerobowami hakuhaŋa aIsarela kulonda abuli kulondela Yehova, hakuyivulumwisha nshidi yeneni.

²²Anyana kaIsarela hiyakwenda munshidi javulumwinaŋayi Yerobowami jejima, kulekamu kwawu nehi,

²³nichayifumishiliyi Yehova aIsarela kumesuindi, mwomwahosheliyi kutunwa twawambuŋindi ejima wowu atuprofwetu. Dichi aIsarela hiyakuyifumisha mwituŋa dawu, hiyakuyitwala kuAshurini kulelu.

²⁴Mwanta wakuAshuri hakufumisha antu kuBabiloni, nikuKuta, nikuAva, nikuHamati, nikuSefwavwayimi, hakuyishakamisha munyikala yakuSamariya ahiŋi mwadiŋi anyana kaIsarela. Hiyakuheta Samariya, hiyakushakama munyikala yakwenoku.

²⁵Hatachikiluwu kushakama kwenokuhi yamutiyili Yehova womaku, dichi Yehova hakutemesha nyitupa mukachikawu, hiyikujaha antu amakwawu.

²⁶Dichi hiyakumuleja mwanta waku-Ashuri nawu, Nyuza yiwatweli nakushakamisha munyikala yakuSamariya, kwiluka mwaya chaaku chaNzambi yamwituŋa nehi, dichi yena nayitemesheli dehi nyitupa mukachi kawu, hiyikuyijiha, nanochu chabula kwilukawumwaya chaaku chaNzambi yamwituŋa.

²⁷Mwanta wakuAshuri hakuyileja nindi, Twalenuku kapristu imwafumishili kwenoku. Antu akayi akashakami kwenoku, yena akayilejaŋa mwaya chaaku chaNzambi yamwituŋa.

²⁸Dichi kapristu wumu, wukweti afumishiluwu muSamariya, hakwinza nakushakama muBeteli, hakuyilejapa mwakumutiyila Yehova woma.

²⁹Hela chochu, nyuza yejima hiyakudilila akishi awu, hiyakuyishamu matala ahayinaŋanaŋa yatupiluwu aSamariya, munyikala mwashakaminuwu, muza iwu nayawu, muza iwu nayawu.

³⁰AkwaBabiloni hiyakwila Sukoti Benoti, akwaKuti hiyakwila Nerigali, akwaHamati hiyakwila Ashima,

³¹aAvi hiyakwila Nibihazi naTarataka, aSefwavwayimi hiyakwochela akishi akuSefwavwayimi, Adaremeleki naAnameleki, anyanawu mukesi.

³²Dichi iku hiyakumutiyapa Yehova woma, iku hiyakudilila ayikombeji ahayinaŋanaŋa akudikwatila mulwawu, akuyiketwilaŋa yimuna mumatala ahayinaŋaŋa.

³³Iku hiyakumutiyaŋa Yehova woma, iku hiyakupeshaakishi awu awenawu, mwomwelilaŋa nyuza yakwenoku kwayifumishiluwu.

³⁴Nilelu saŋa elilawu mwomwa-mwaka; kumutiyapa Yehova woma nehi, hela kwila mwaya yidika yawu, hela mwaya wuŋaji wawu nehi, hela kwilamwaya nshimbi, namwaya kuleja kwalejeliyi Yehova anyana kaYakoba, atumbiliyi ijina nindi Isarela, nehi.

³⁵Wowu atiyapeniyi nawu Yehova chitiyaŋenu, wayishiikili, nindi, Enu kutiyaŋa akishi woma, hela kuyifukamina, hela kuyipesha, hela kuyiketwila yimuna, chinjila.

³⁶Yehova wayifumishili mwituŋa daEjipitu naŋovu yeneni nachikasa chakwolola, diyimwakatiyapa woma, kudi yena diku mwakadifukulaŋa, diyi mwakaketwilaŋa yimuna.

³⁷Niyidika, niwupaji, ninshimbi, nikuleja, yumoyu yayisonekeleliyi, yoyi mwakashaŋa muchima wakwilamu haya nyaka; kutiyapa akishiwoma chinjila.

³⁸Bayi mwakavulamena chitiyaŋenu chinatiyaŋeni nenukuhela kutiyaŋ akishi woma nehi.

³⁹Yehova Nzambi yenu diyi mwakatiyaŋawoma, niyena wakayamwina kudi ayilumbu jenu ejima.

⁴⁰Wena kutiyakwawu nehi, hiyakwila mwomwawu mwa-mwaka.

⁴¹Dichi nyuziyi iku hiyakumutiyapa Yehova woma, iku hiyakupeshaakishi awu akusopa; ni anyanawu chochu, niezukulu awu; mwelilaŋa ankakulula jawu dimu mwadi nakwilawu nikulelu.