Read MUKANDA WANZAMBI 2 Malena 18 Bible Online

2 Malena 18 - MUKANDA WANZAMBI bible

2 Malena 18

¹Mumwaka wamuchisatu waHosheya mwana kaEla mwanta wawaIsarela, Hezekiya mwana kaAhazi mwanta wawaYuda watachikilikuyula.

²Hatachikiliyi kuyula wadiŋi wanyaka makumi ayedi nayitanu, wayulili muYerusalema nyaka makumi ayedi nayitanu nayiwana. Mama yindi ijina dindi Abi mwana kaZekariya.

³Welili chaloŋa kumesu aYehova mwomwelilaŋayi nkakulula yindi Davidi mwejima.

⁴Wafumishiliyinaŋanaŋa, wahumwini tuposhi twakupeshela, watemeni nyiyombu, waketoleli kapela kawuneŋu keliliyi Mosi; muloŋ anyana kaIsarela adiŋi nakwochelaku insensi kushika nikumafuku owu; hakukatumba ijina, nindi, Nehushitani.

⁵Wakuhweleleli Yehova Nzambi yaIsarela, hikwadiŋiwudi neyi yenaku, hela hadi anyanta awaYuda ejima ahiŋili munyima yindi, hela tuhu hadi ásambilili.

⁶Muloŋa yena wamulamatili Yehova, helakubalumuka aleki kumulonda nehi, saŋa ahembelayi kuleja kwamulejelu wuMosi kudi Yehova.

⁷Yehova wadiŋi hamu nayena, kwonsu kwayilaŋayihakumonaŋa kuwaha hohu; hakudikaŋa namwanta wakuAshuri, kumukala kelaŋanawa nehi.

⁸Hakutapa aFwilistinu ndo nikuGaza nikuŋinzajawu, hela kukaposhi kamukwakutalatala hela kumukala wampwembukuyitapa hohu.

⁹Hamwaka wamwanta Hezekiya wamuchiwana, wowadiŋi mwaka wamuchitanu nachiyedi waHosheya mwana kaEla mwanta wawaIsarela, mwanta wakuAshuri Shalimanesa wenjili nakwasa Samariya, hakuwukuchika.

¹⁰Chamanini nyaka yisatu hiyakuwutambula. Mwomumwaka waHezekiya wamu chitanu nachimu, wadiŋi mwaka wamwanta wawaIsarela Hosheya wamu chitanu nachiwana, dimu mwatambwililuwu Samariya.

¹¹Mwanta wakuAshuri wafumishilumu aIsarela hakuyitwala muAshuri, hakuyisha muHala namuHabori kukaloŋa kakuGozani, nimunyikala yawaMediya,

¹²nanochu chabulili kwovwahilawu izu daYehova Nzambi yawu, hiyakumotoka chitiyaŋenu chindi, mwejima mwamulejeluwu kambuŋa-Yehova Mosi, kwonti kwawu kutiyamu hela kwilamu.

¹³Mumwaka wamwanta Hezekiya wekumi nakawana mwanta wakuAshuri Senakeribi wenjili nakwasa nyikala yawaYuda yamapwembu yejima, nakuyitambula.

¹⁴Mwanta wawaYuda Hezekiya hakutemesha mazu kudi mwantawaku Ashuri kuLakishi, nindi, Naluwi dehi; funtakumu; mwonsu muwakantoŋwelanakafuta. Mwanta wakuAshuri wamutoŋweleli mwantawa waYuda Hezekiya kufuta ntalenta jasiliva makulakaji asatu, ninta lenta jawuru makumi asatu.

¹⁵Hezekiya wamwinkeli siliva yejima yadiŋimwitala daYehova, niyadiŋi muyuma yalema yakwitala damwanta.

¹⁶Henohu dihu halamwiniyi wuru wakuyenzelu yakutembeli yaYehova, nikuyishimi yalamikiliyi mwanta wawaYuda Hezekiya, wenkeli mwantawa kuAshuri.

¹⁷Mwanta wakuAshuri hakutemesha Taritani naRabisarisi naRabishake, hiyakufuma kuLakishi, hiyakuya kudi mwanta Hezekiya kuYerusalema nanjita yeneni. Hiyakuyaku, hiyakushika kuYerusalema. Chana shikuwu hiyakuya nakwimana kukapila kakwijiya dakundundamu dekala kumukwa kwawakwiha damukwakukosa mahina.

¹⁸Chamu tambikiluwu mwanta, hikukwinza mwana kaHilikiya Eliyakimi, wadiŋi mukulumpi wawakwetala, ninsoneki Shebina, ni mwana kaAsafwi Yowa mukwakusoneka nsaŋu.

¹⁹Rabishake hakuyila nindi, Kamwilenu dinu Hezekiya nenu, Mwantamuneni, mwanta wakuAshuri nahoshi nindi, Wunaditembi chumanyi?

²⁰Wudi nakuhosha neyi, Tunakwati dehi mpùŋa, niŋovu yakwasa njitatudi nayu. Ilaŋa mazu amukanwa hohu. Wunakuhwelelinyi mwakawudikaŋi nanami?

²¹Komana wunakuhweleli aEjipitu adi neyi mbwechiyeteti dachikeka dehi, yakwila muntu wukwila nindi ashilamenuhu hiyikwinila muchikasa chindi, hiyikumulemeka? Dichi chelaŋayi mwantawa kuEjipitu Fwaro nawantu ejima amukuhwelelaŋa.

²²Neyi mukuŋilanenu, Tunakuhweleli Yehova Nzambi yetu, hidiyi wukweti yinaŋanaŋa nitumeŋa twanafumishiyi Hezekiya, hakuyila aYuda nawakwaYerusalema nindi, Chiŋa mwakadifukula kudi yena kumesu akameŋaka kamuYerusalema ku?

²³Dichi dinu mwani, mwinkenu nkaka yami mwanta wakuAshuri kapopu, ami nakakwinki tuwalu makombakaji ayedi, neyi eyi wunatweshi kushahu akwakwendelahu.

²⁴Eyi wukukaŋanya kutemuna nikachilolukamu kawambuŋankaka yami akehelamu, yeyi kwaamu wukukuhwelela aEjipitu, neyi akwinki makálu nawakwatuwalu?

²⁵Chinenzi nakujilumuna mukaliwu, komana nenzi kanka wami chakadi Yehova? Yehova diyinaŋili nindi, Yaku wakaasi ituŋidi wakadijilumuni.

²⁶Mwana kaHilikiya Eliyakimi, niShebina, niYowa, hiyakumwila Rabishake, nawu, Atuhoshi mwani, etu ambuŋeyi mwidimi daSiriya, muŋatwadiluka. Bayi atuhosha mwidimi dawaYudeya kumatu awantu adi hampwembuku.

²⁷Rabishake hakuyila nindi, Komana mwanta waminantemeshi nihoshi mazu awa namwanta weyi hela naneyi hohu? Hanantemeshi kudi antu ashakama hampwembu kulonda akadyi tuji twawu, akanwimasu awu hamu naneyuku?

²⁸Rabishake hakwimana, hakubilela nezu daŊovu mwidimi dawaYudeya, hakwila nindi, Tiyenu izu damwanta muneni, mwanta wakuAshuri.

²⁹Mwanta nindi, Bayi ayidimba kudi Hezekiyaku; muŋa yena hakatweshakuyipulwisha kudi yenaku.

³⁰Hezekiya bayi ayileja kukuhwelela Yehovaku, nindi, Yehova chalala wukutupulwisha, hela nimukaliwu hiyakawuhanakudi mwanta wakuAshuruku.

³¹Bayi mutiyiliia Hezekiyaku, muloŋa mwanta wakuAshuri nindi, Tutiyaŋanenu, mwidiki mwinzi kudami; mwakadyaŋa nyivinyu yenu wejima wenu, mwaka dyaŋa niyikuyu yenu wejima wenu, mwakanwapa wejima wenu meji akumashimenu;

³²nichina kenza nakuyifumishamu, nakayitwali kwituŋa dafwana neyi ituŋa denwenu aweni, ituŋa datidiku navinyu, ituŋa dayakudya namatempa anyivinyu, ituŋa damanji aolive nawuchi, mwakahandaŋa mwakabuli kufwa. Bayi mumutiyilila chakuyidimbekayi Hezekiya nindi, Yehova wukutupulwishaku.

³³Kuduhu nyuza yikweti akishi awu anapulwishi matuŋawu kudi mwanta wakuAshuri?

³⁴Akishi akuHamati nakuAripadi adi kudihi? Akishia waSefwavwayimi, niakuHena niakulvwa adi kudihi? Anayipulwishi aSamariya kudami, tahindi?

³⁵Hadi akishi ejima amumatuŋa hanamwekani mukishinyi napulwishi ituŋa dawu kudami, mwaka Yehova akapulwishi Yerusalema kudami?

³⁶Ilaŋa ntu adimweneneni zo-o, kumwakula izu nidimu nehi, muŋamwanta wayileja dehi nindi, Bayi mumwakulaku.

³⁷Mwana kaHilikiya Eliyakimi wadiŋi mukulumpi wawakwetala, ninsoneki Shebina, nimwana kaAsafwi Yowa mukwakusoneka nsaŋu, hiyakuya kudi Hezekiya namahinawu akutabola dehi, hiyakumuleja mazu aRabishake.