Read MUKANDA WANZAMBI 2 Malena 19 Bible Online

2 Malena 19 - MUKANDA WANZAMBI bible

2 Malena 19

¹Chachitiyiliyi mwanta Hezekiya, hakutabola mahinindi, hakudi kumbakesha chikeleyi, hakwijila mwitala daYehova.

²Hakutesamesha Eliya kimi, wadiŋi mukulumpi wawakwetala, ninsoneki Shebina, niakulumpi awatupristu, kudi kaprofwetu Isaya mwana kaAmozi, anadi kumbakeshiyikeleyi.

³Hiyakumwila nawu, Hezekiya nindi, Lelu hiifukudayihuŋu, dakutuhoshola, dakututuka; anyana anashiki hakuvwalika, Ŋovu jakuyivwala kwosi.

⁴Wamba kela Yehova Nzambi yeyi wukutiya mazuejima aRabishake, ona anatemeshuwu kudi nkaka yindi mwanta wakuAshuri kulonda amuhoshi Nzambi wamumi chatama; wakabayisha mazu anatiyiyi Yehova Nzambi yeyi. Dichi dinu akanjiki kulomba kwakulombela chibalu chawantu chinashaluku.

⁵Ambuŋa mwanta Hezekiya hiyakwinza kudi Isaya.

⁶Isaya hakuyila nindi, Kamwilenu mwanta wenu nenu, Yehova nahoshi nindi, Bayi wutiya woma wamazu iwunatiyi anantukuwu kudi ambuŋa mwanta wakuAshuruku.

⁷Tiyenu, mudi yena nakashamu spiritu yakwila chakatiyayi nsaŋu yaná wunáwu, hakafunta mwituŋa dindi, dimuna kamudi mbwishila nampoku yakabali.

⁸Rabishake hakufunta, hakuwana mwanta wakuAshuri wudi nakulwa naLibina, muloŋa natiyi nawu nafumi dehi kuLakishi.

⁹Chatiyiliyi hiyakumutena mwanta wakuEtiyopiya Tirihaka, nawu, Tiya, yena nenzinakulwa naneyi; hakutemesha atuŋanda kudi Hezekiya

¹⁰nindi, Kahoshenuna mwanta wawaYuda Hezekiya, nenu, Bayi witeja Nzambi yeyi wakuhwelelaŋa kukudimba, nindi, Yerusalema hiyakawuhana kudi mwantawa kuAshuruku.

¹¹Wunatiyi dehi chanakoŋuwu matuŋi ejima kudianyanta akuAshuri, chanayijilu munuwu chikupu; ochu eyi yeyi wakapuluka?

¹²AGozani naHarana naRezefwi, nianyana kaEdeni adiŋi muTelasari, nyuza yajilumwinuwu ankakulula jami, akishi awu ayipulwishili?

¹³Hela mwanta wakuHamati, nimwanta wakuAripadi, nimwanta wakumukala waSefwavwayimi, niwaHena, niwalvwa, adi kudihi?

¹⁴Hezekiya watambwili mukanda kumakasa awatuŋanda, hakuwutaŋa, Hezekiya hakuya kwitala daYehova, hakuwuta ndumuna kumesu aYehova.

¹⁵Hezekiya hakulomba kumesu aYehova, nindi, Eyi Yehova Nzambi yaIsarela, washakama hadi akerubi, eyi yeyi Nzambi kanka weyi hohu wamawanta ejima ahamaseki; yeyi waleŋeli iwulu nimaseki.

¹⁶Teŋelekakuitu deyi, eyi Yehova, wutiyi. Tonaku, eyi Yehova, wumoni. Tiyakumazu aSenakeribi anatemeshiyi akumuhosha Nzambi wamumi chatama.

¹⁷Chalala eyi Yehova, anyanta akuAshuri anakisaŋani nyuza nimatupawu,

¹⁸ananati niakishi awu mukesi, muloŋa hiyadiŋi Nzambuku, adiŋi nyidimu yakumakasa awantu, adiŋi nyitondu namalola, dichi chayikisaŋenenuwu

¹⁹Ichi dinu, eyi Yehova Nzambi yetu, nalembi, atwamwini kudi yena, kulonda mawanta ejima ahamaseki akeluki nawu eyi yeyi Yehova Nzambikanka weyi hohu.

²⁰Mwana kaAmozi Isaya hakutemesha mazu kudi Hezekiya, nindi, Yehova Nzambi yaIsarela nahoshi nindi, Chiwunalombeli kudami nakutena mwanta wakuAshuri Senakeribi nachitiyi.

²¹Tiya izu danahoshiyi Yehova dakutena Senakeribi, nindi, Mujiki wamuZiyona nakudiwuli, nakusehi. Mwana wamumbanda wamuYerusalema nakulembuli nanamutu.

²²Wunahoshinyi chatama? Wunatukinyi? Wunahoshi nanyi izu dankalu? Wunaza mwininyi mesu? Hiyowu Wajila waIsarelaku?

²³Wunamuhoshi Mwanta chatama natuŋinda tweyi; wuneli neyi, Nenzi dehi nanyikankayami yamakálu hewulu damapidi amaneni, nimukachi kaLebanoni lwe. Nukutema nyisida yayilehi yiduku, ninyinjunŋa yayiwahi yiduku. Helakwashakamayi kwakumina masaŋa aweni ajika nukwiŋila, hela mwisapadakwiha dindi dasweja kusoŋa.

²⁴Napundi mashima amwacheŋi namwacheŋi nakunwamu meji. Nakomisha tuloŋ twamu Ejipitu twejima namadachilu ami.

²⁵Chinafuukwili yumiyi hanyaka nichinayitoŋwelikushankulu eyi kuchitiya nehi? Ichi chiwunamoni kusanda nyikala yamapwembu hiyikwikala nyilumba yanswadi, yami nachikoŋi.

²⁶Dichi chabuliluwu enimbu Ŋovu, dichi chafwililuwu mutentu, hiyakubaya. Dichi cheliluwu neyi matahu amumpata, neyi munyenvu, neyi matahu amenaŋa hamawulu amatala, neyi tidiku yinomi chakadi nikukula.

²⁷Nimuwashakaminaŋa, nimuwedikilaŋa, nimuweŋililaŋa, nimuwanzu wilaŋa, ami neluki.

²⁸Nanochu chiwanzuwilaŋa, nanochu chineli kudisama kuwadisamaŋakunashiki kumatu ami, nukukoba ilonda dami mumazulu eyi, nukusha chikuŋu chami mukanwa keyi, nukukubalumuna wufunti njilayiwenjili.

²⁹Tiya chinjikijilu chiwakamona, makonu mwakadya yakudisoŋela, hamwaka wamuchiyedi mwakadya yachinkulu, mwaka wamuchisatu mwakadima, mwakadya, mwakatumba matempa anyivinyu, wakadya nyikabuyawu.

³⁰Akumutaŋa waYuda anashali, anapuluki, akashimata cheŋi nyiji hamaseki, akasoŋa nyikabu kwiwulu.

³¹Akashalaku akafuma muYerusalema, akapuluka akafuma kumpidi yaZiyona; iyena dakumuchima waYehova dodakakoŋa chumichi.

³²Dichi Yehova nahoshi nakutena mwanta wakuAshuri, nindi, Hakenza kumukala wunuku, hakaasaku nsewuku, hakenza kwoku nankebuku, hela kudi minaku mpwembu nehi.

³³Njila yenjiliyi diyi yakafuntayi, hakenza kumukala wunuku, dichi chanahoshiyi Yehova.

³⁴Muloŋa mukali wunu kuwuhemba kulonda kuwamwina, hamujimba wamami aweni, nihamujimbawa kambuŋami Davidi.

³⁵Hawufuku owu kaŋelu kaYehova hakwidika, hakutapa antu makombakaji nkulakaji, namakombakaji makumi atanu nasatu, namakombakaji atanu muchilombu chawaAshuri. Chahindukiluwu budidi yayeni, kutala, hiyadikwawafu hohu.

³⁶Mwanta wakuAshuri Senakeribi hakufumaku, hakufunta, hakuya nakushakama kuNineve.

³⁷Chadiŋi nakudifukulayi mwitala damukishi windi Nisiroki, anyanindi Adaremeleki naShareza hiyakumutaŋa nampoku yakabali; hiyakutemukila kwituŋa dakuArarati. Mwanindi Esahadoni hakumuswana.