Read MUKANDA WANZAMBI 2 Malena 2 Bible Online

2 Malena 2 - MUKANDA WANZAMBI bible

2 Malena 2

¹Helili Yehova hakukeŋa kumutwala Elija mwiwulu muchinjimbi, Elija hakufuma kuGiligali naElisha.

²Elija hakumwila Elisha nindi, Shalaku mwani kunu, Yehova nantemeshi dehi kuBeteli. Elisha nindi, Chahandayi Yehova kwaamu, chahanda niwumi weyi kwaamu, hinukukushiyaku. Akunkumuka nikuBeteli.

³Anyana kawatuprofwetu adiŋi kuBeteli hiyakwidika, hiyakwinza kudi Elisha, hiyakumwila nawu, Chakukutambulawu mwanta weyi kudi Yehova lelu, wunachiluki, tahindi? Nindi, Eŋi, nachiluki, mwenenu kwenu.

⁴Elija hakumwila nindi, Eyi Elisha, shalaku mwani kunu, Yehova nantemeshi dehi kuYeriku. Yena nindi, Chahandayi Yehova kwaamu, chahandaniwumi weyi kwaamu, hinukukushiyaku. Ashika nikuYeriku.

⁵Anyanaka watuprofwetu adiŋi kuYeriku hiyakukundama kwakwihi naElisha, hiyakumwilanawu, Chakukutambulawu mwanta weyi kudi Yehova lelu, wunachiluki, tahindi? Nindi, Eŋa, nachiluki, mwenenu kwenu.

⁶Elija hakumwila nindi, Shalaku mwani kunu, Yehova nantemeshi dehi kuYodana. Yena nindi, Chahandayi Yehova kwaamu, chahanda niwumiweyi kwaamu, hinukukushiyaku. Hiyakuya kwawu mwayedi wawu.

⁷Antu makumi atanu ahadi anyana kawatuprofwetu hiyakuya nakwimanahahalehi kulonda akatali. Wena ayedi hiyakwimana kuYodana.

⁸Elija hakunona ihina dindi, hakudivuŋavuŋa, hakweta hameji, meji hiyakwambuka hakachi, hiyakuzambuka heseki dawuma wejima wawuayedi.

⁹Cheliluwu anazambuki dehi, Elija hakumwila Elisha, nindi, Lombaku chiwukukeŋi nikwilili hohanu hinichidi kanda anfumishi kudeyi. Elisha nindi, Niikali mwani namaseka aspiritu yeyi ayedi.

¹⁰Yena nindi, Wunalombi chuma chakala; hela chochu, neyi wakanmona hiyakanfumishawu kudeyi, chumochu wakachimona; neyi nehi, hiwakachimonaku.

¹¹Cheliluwu iku adi nakuya nakuhanjika, kukasumuka ikalu dakesinituwalu twakesi hitukuyambula, iwu iku, iwu iku; Elija hakuya mwiwulu muchinjimbi.

¹²Elisha wachimweni, hakubilela nindi, Tata yami, tatayami, ikalu daIsarela niakwatuwalu twadu! Hamumweni nawa cheŋuku. Hakunona mahinindi, hakuyitabula hayedi.

¹³Hakunona ihina daElija daholokeli kumujimba windi, hakufunta nakwimana kuchi kumu chaYodana.

¹⁴Hakunona ihina daElija daholokeli kumujimba windi, hakweta hameji, nindi, Yehova Nzambi yaElija wudi kudihi? Cheteliyi hameji, hiyakwambukaha kachi, Elisha hakuzambuka.

¹⁵Anyana kawatuprofwetu alŋi nakumutala kwemenuwu kuYeriku, chamumwenuwu hiyakwila nawu, Spiritu yaElija yinamuwili dehi Elisha. Hiyakwinza nakumukinkilila, hiya kumubanda mina niheseki.

¹⁶Hiyakumwila nawu, Tiya mwani, etu ambuŋeyi tudi nawamayala ajikisha, makumi atanu; yitŋi ayi mwani nakukeŋakeŋi mwanta weyi. Wambakela neyi Spiritu yaYehova namuhukuli, namunatili dehi hampidi yimu, indi kwiji muchinekineki chimu. Yena nindi, Bayi muyitemeshaku.

¹⁷Hiya kumukanjikŋi kanjikŋe-e, atiya ninsonyi, hakwila nindi, Yitemeshenu. Dichi hiyakutemesha amayala makumi atanu, hiyaku mukeŋi keŋi mafuku asatu kepe-e, kumumona nehi.

¹⁸Hiyakufunta cheŋi kudi yena hachidiŋiyi nakushakama kuYeriku. Hakuyila nindi, Hinayilaku nami, Bayi muya kwokuku?

¹⁹Antu ahamukala hiyakumwila Elisha, nawu, Tala mwani, iwu mukala awutuŋila tuhu hahawahi, neyi chiwunamoni eyi nkaka. Ilaŋa meji atama, niiseki hidikweti wushuku.

²⁰Yena nindi, Nletelenu nsaba yayiha, shenumu nimuŋwa. Hiyakumuletelayi.

²¹Hakuya kukaseloki kameji, hakúumbilamu muŋwa, nindi, Yehova nahoshi nindi, Meji awa ami nayuki dehi. Himwakafuma cheŋi hela kufwa hela kubula kusoŋaku.

²²Meji ayuka nikuyuka nikulelu, mwomwizu dahosheliyi Elisha.

²³Hakufuma kwenoku hakuya kuBeteli. Chadiŋi nakuyayi munjila, anyana amayala hiyakufuma mumukala, hiyakumuseha, hiyakumwila nawu, Yaku mwiwulu, eyi Sebala! Yaku mwiwulu, eyi Sebala!

²⁴Hakubalumuka nakuyitala, hakuyishiŋa mwijina daYehova. Abera ayedi awakaji hiya kufuma mwisaŋa, hiyakuyitabola anyana makumi awana nawanyana ayedi.

²⁵Hakufuma kwenoku hakuya kumpidi yaKarameli, hakufuma kwenoku hakufunta cheŋi kuSamariya.