Read MUKANDA WANZAMBI 2 Malena 20 Bible Online

2 Malena 20 - MUKANDA WANZAMBI bible

2 Malena 20

¹Hamafuku owu Hezekiya wakatili yikatu yakufwa. Kaprofwetu Isaya mwana kaAmozi hakwinza kudi yena, hakumwila nindi, Yehova nahoshi nindi, Kanaku antaŋa jeyi, muŋa eyi wukufwa, hiwukuhandaku.

²Hezekiya hakubalumuka chamesu indi kumbaŋu, hakulombakudi Yehova,

³nindi, Eyi Yehova, nalembi, aanuki mwani chinendelikumesu eyi chakashinshi namuchima walala, chineli niyuma yayiwa hikumesu eyi. Hezekiya hakudila nankashi.

⁴Cheliliyi Isaya kanda ashiki hakachi kamukala, izu daYehova hidikwinzakudi yena,

⁵nindi, Balumukaku, wakamwili nlomboli yawantu amiHezekiya, neyi, Yehova Nzambi yankakulula yeyi Davidi nahoshi nindi, Natiyi kulomba kweyi, namoni madilu eyi. Nukukuuka. Hefuku damuchisatu wakakanduka kwitala daYehova.

⁶Kumafuku eyi nukukushilakunyaka ikumi nayitanu. Nakakupulwisha nimukaliwu kudi mwanta waku-Ashuri. Nakahemba mukaliwu hamujimba wamami aweni, nihamujimbawakambuŋami Davidi.

⁷Isaya nindi, Nonenu dinkendi danyikabu yachikuyu. Hiyakunona, hiyakusha hehuti daHezekiya, akola nikukola.

⁸Hezekiya hakumwila Isaya, nindi, Chinjikijilu chanka chinakeluka nachu nami Yehova wukupuka, nami nakakanduka kwitala daYehova ifuku damu chisatu?

⁹Isaya nindi, Tiya chinjikijilu chakakulejayi Yehova, kulonda wakeluki neyi Yehova wakakopa chuma chanahoshiyi; mwevulu wetaŋwa wuswili kumbi diyi maŋu ikumi, tahindi wufunti hanyima yimaŋu ikumi?

¹⁰Hezekiyanindi, Chaswayi mwevulu kukunkumuka yimaŋu ikumi. Nehi, mwevulu chiŋa wufunti hanyima yimaŋu ikumi.

¹¹Kaprofwetu Isaya hakubilela kudi Yehova. Yehova hakufuntisha mwevulu hanyima yimaŋu ikumi muwakunkumuka dehi kuyimaŋu yaAhazi.

¹²Hamafuku owu Berodaki Baladani, mwana kaBaladani, mwantawa kuBabiloni, hakutemesha nyikanda nichamukunkulu kudi Hezekiya, muloŋa watiyili nawu Hezekiya wadini nakukata.

¹³Hezekiya wayitambwilichachiwahi, hakuyileja itala dayuma yindi yalema dejima, nisiliva, niwuru, ninyiseki, nimanji alema, niitala dayitwa yindi yanjita, niyuma yejima yadiŋi kuyuma yindi yalema. Kwosi chuma chadinimwitala dindihela chamuwanta windi wejima chabulili kuyilejayi Hezekiyaku.

¹⁴Kaprofwetu Isaya hakwinza kudi mwanta Hezekiya, hakumwihula nindi, Awaantu anahoshi nawudi? Chanenzuwu kudeyi anafumi kudihi? Hezekiyanindi, Anafumi kumpata yayilehi, kuBabiloni.

¹⁵Yena nindi, Yumani yanamonuwu mwitala deyi? Hezekiya nindi, Anamoni yuma yejima yidimwitala dami, kwosi chuma chamuyuma yami yalema chinabuli kuyilejaku.

¹⁶Isaya hakumwila Hezekiya, nindi, Tiya izu daYehova.

¹⁷Yehova nindi, Tiya, mafuku akenza, yuma yejima yidi mwitala deyi, niyuma yaswekeluwu ankakulula jeyi yinashi ki nikwifuku dalelu, akayisenda, akayitwala kuBabiloni, kwosi chakashalaku.

¹⁸Anyaneyi akafuma kumujimba weyi, iwakasema, akayifumisha, akekala tulala mwitala damwanta wakuBabiloni.

¹⁹Hezekiya hakumwila Isaya, nindi, Izu daYehova diwunahoshi dadiwahi. Nindi, Chakala kumafuku ami kukwikala kumwena, nansaŋu yalala.

²⁰Nsaŋu jaHezekiya jinashaluku, niŋovu jindi jejima, nichatuŋiliyi ŋiyanikapila, hakuleta meji mumukala, hiyanajisoneki mumukanda wawanyanta awaYuda wakushindululaku?

²¹Hezekiya wakamini hamu nawankakulula jindi. Mwanindi Manase hakumuswana.