Read MUKANDA WANZAMBI 2 Malena 21 Bible Online

2 Malena 21 - MUKANDA WANZAMBI bible

2 Malena 21

¹Hatachikili kuyulayi Manase, wadiŋi wanyaka ikumi nayiyedi. Wayulili muYerusalema nyaka makumi atanu nanyaka yitanu. Mama yindi ijina dindi Hefwiziba.

²Welilaŋa chatama kumesu aYehovaneyi mwaya yishimashima yanyuza yatemwiniyi Yehova kumesu awanyana kaIsarela.

³Muloŋa yena watupili cheŋi yinaŋanaŋa yakisapeniyi tatayindi Hezekiya. Wanamutuŋilili Bayali tumepa, washimikili muyombu, neyicheliliyi mwanta wawaIsarela Ahabi; wafukaminini yileŋaleŋa yamwiwulu yejima hakuyipesha.

⁴Watuŋili tumeŋa mwitala daYehova dateneni Yehova nindi, MuYerusalema dimu nukusha ijina dami.

⁵Yileŋaleŋa yamwiwulu yejima wayituŋalili tumeŋa muyipapu yiyedi yakwitala daYehova.

⁶Wocheli mwanindi mukesi, wahoŋelaŋa natutumbwa, wasansilaŋanyisepu, wahanjikilaŋa nawakwakuzakuka akishi, nawatutepa. Welilichatama nankashi kumesu aYehova, nakumuvuloka azuwi.

⁷Mukishiwakusoŋa wakumuyombu watupiliyi, wamushili mwitala dateneniyi Yehova kudi Davidi nikudi mwanindi Solomoni, nindi, Nukusha ijina dami hayanyaka mwitalidi, nimuYerusalema munatondi mukachi kanyuza yejima yawaIsarela.

⁸Nindi, Neyi akusha muchima wakwila mwejima munayilejeli, mwejima mwaya nshimbi jayilejeliyi kambuŋami Mosi, hinukuyipwapwishacheŋi aIsarela mwituŋa dinayinkeli ankakulula jawuku.

⁹Ilaŋa wena kutiya kwawu nehi. Manase wayiluwishili, mwaka eli chatama chakubadika nyuza yajilumwiniyi Yehova kumesu awanyana kaIsarela.

¹⁰Yehova hakuhosha kutunwa twawambuŋindi atuprofwetu,

¹¹nindi, Muloŋa mwanta wawaYuda Manase neli dehi yumiyi yakushimana, neli dehi chatama chakubadika mwejima mwakoŋeluwu aAmori ásambilili, navulumwishi dehi aYuda nawa nawakishi indi akutupa;

¹²dichi Yehova, Nzambi yaIsarela, nahoshi nindi, Tiya, ami nukuletela Yerusalema nawaYuda katama, kakwila yowu wakachitiya matu indi onsu ayedi akashoma.

¹³Ha Yerusalema nukutanjikahu mwonji wakuSamariya, nukuweseka nalevo yakwitala daAhabi. Nukukombola Yerusalema neyi chakombolapawu cheŋa, hiyakuchikombola nakuchikuvumika.

¹⁴Akuwuswana wami anashaluku nukuyumba kwami, nukuyihana kudi ayilumbu jawu. Akayikwata nakuyipupa kudi ayilumbu jawu ejima.

¹⁵Muloŋa chochafuminuwu ankakulula jawu muEjipitu kwakukopa chatama hohu kumesu ami, kwakunvuloka nizuwi hohu, nikulelu.

¹⁶Manase nawa wapwekesheli mashi awantu amavulu nankashi akadinyiloŋa, wenzesheli Yerusalema to-o namashi, kufumisha kunsa yimu ndonikunsa yi kwawu; hakulunjikaku nshidi yindi yavulumwishiliyi nachuaYuda, chakoŋeliyi chatama kumesu aYehova.

¹⁷Nsapu jaManase jinashaluku, niyuma yejima yeliliyi, ninshidi yindiyavulumwiniyi, hiyanajisoneki mumukanda wawanyanta awaYuda wakushindululaku?

¹⁸Manase wakamini hamu nawankakulula jindi, amujiikili mwitempa dakwitala dindi yomweni mwitempa daUza. Mwanindi Amoni hakumuswana.

¹⁹Hatachikili kuyulayi, Amoni wadiŋi wanyaka makumi ayedi nayiyedi. Wayulili muYerusalema nyaka yiyedi. Mama yindi ijina dindi Meshulemeti, mwana kaHaruzi wakuYotiba.

²⁰Welili chatama kumesu aYehova neyi cheliliyi tata yindi Manase.

²¹Wendeli munjila yejima yendeli tata yindi, wapesheli akishi akutuŋa apesheliyi tata yindi, hakudifukula kudi wena.

²²Walekeli Yehova Nzambi yawankakulula jindi, hendeli cheŋi munjila yaYehovaku.

²³AmbuŋaAmoni amukwatilili chikuchi, hiyakumujahila mwanta mwitala dindi yomweni.

²⁴Ilaŋa ntu amwituŋa ajahili antu ejima amukwatililimwanta Amoni chikuchi. Antu amwituŋa hiyakuswanishamu mwanindi Yosiya.

²⁵Nsaŋu jaAmoni jinashaluku jeliliyi, hiyanajisoneki mumukanda wawanyanta awaYuda wakushindululaku?

²⁶Amujiikili mwŋimu dindimwitempa daUza. Mwanindi Yosiya hakumuswana.