Read MUKANDA WANZAMBI 2 Malena 23 Bible Online

2 Malena 23 - MUKANDA WANZAMBI bible

2 Malena 23

¹Mwanta watemesheli antu nakupompesha kudi yena awakulumpi waYuda niamuYerusalema ejima.

²Mwanta hakukanda makwitala daYehova, hamu namayala akuYuda ejima, hamu nawantu ashakama muYerusalema ejima, niatupristu, niatuprofwetu, niantu ejima, hela alemahela akadi kulema. Hakuyitaŋila mazu ejima amumukanda wachitiyaŋenu wawenuwu mwitala daYehova, wejima wawu achitiyaŋa.

³Mwanta hakwimana kuchishimi, hakutiyaŋana chitiyaŋenu kumesu aYehova, chakwenda nakulondela Yehova, chakuhemba mwayilejeliyi, niwunsahuwindi, niyidika yindi, namuchima windi wejima, nawumi windi wejima, kulonda kukolesha mazu achitiyaŋenu ochu asonekeluwu mumukandowu. Antu ejima hiyakwimana nakwitŋi nawu, Tukuhemba chitiyaŋenu ichi.

⁴Mwanta hakuleja kapristu muneni Hilikiya niatupristu akunamutundu wamuchiyedi, niakwakuhemba kuchisu, nindi, Fumishenu mutembeli yaYehova yuma yejima yatuŋililuwu Bayali, niyatuŋililuwu muyombu, niyatuŋililuwu yileŋaleŋa yamwiwulu yejima. Hakuyifumisha muYerusalema, hakuyochela mumaha akuKidironi, hakutwala mawuti ayu kuBeteli.

⁵Hakufumishaku ayikombeji enkeluwu anyanta awaYuda mudimu wakwocha insensi hayinaŋanaŋa yamunyikala yawaYuda, nihayinaŋanaŋayadiŋi kwakwihi naYerusalema kwi-ndo; niochelelaŋa Bayali, netaŋwa, nakakweji, natutumbwa twamaneni, nayileŋalepa yamwiwulu yejima insensi.

⁶Hakufumisha muyombu mwitala daYehova, hakuwufumisha muYerusalema, hakuwutwala kukakaloŋa Kidironi, hakuwochela kukakaŋa Kidironi, hakuwitwa puchi puchi hiwukwikala wupa hohu, hakunatawuŋowu hamajamu awantu amukunkulu.

⁷Hakuhumuna matala awayivumbi adiŋi mwitala daYehova, kwatuŋilaŋawu ambanda mahina akukudikila kumuyombu.

⁸Hakufumisha atupristu ejima munyikala yawaYuda, hakujilola yinaŋanaŋayo chelelaŋawu atupristu insensi, kufumisha kuGeba ndo niku-Berisheba. Wahumwini yinaŋanaŋa yakuyisu yampwembu yadiŋi kuwiŋililu wakuchisu chaYoshuwa mukwakuyula mukala, yadiŋi hachikasacha chimunswa chiwukuya nakwijila kuchisu chamukala.

⁹Hela chochu, atupristu ahayinaŋanaŋa hiyenjili kukamepa kaYehova kamuYerusalemaku, ilaŋa adiili mankendi akadi iluŋi mukachi kawana kwawu.

¹⁰Hakujilola Tofweti yekala muchinekineki chawanyana kaHinomi, kulonda habulikumwekena muntu wukutwesha kwochela Moleki mwanindi weyala helamwanindi wamumbanda mukesi.

¹¹Hakufumishaku tuwalu twahenuwu anyanta awaYuda kudi itaŋwa, twadiŋi kuwipililu wakwitala daYehova, kwakwihi netala dakalala Natali Meleki dadiŋi kunsa; hakwocha nimakálu etaŋwa mukesi.

¹²Tumeŋa twatuŋiluwu anyanta awaYuda twadiŋihewulu detala daAhazi dakwiwulu, nitumepa twatuŋili Manase twamuyipapuyi yedi yakwitala daYehova, mwanta watuhumwini, hakutufumpola kwenoku, hakunata wuŋa wawu mukakaŋa Kidironi.

¹³Hakujilola yinaŋanaŋa yadiŋi yatalaŋana naYerusalema, yadiŋi mutamba wachidi iluwampidi yakutoka, yatuŋiliyi mwanta wawaIsarela Solomoni, yakutuŋila Ashitoreti chishimashima chawaZidoni, naKemoshi chishimashima chawaMowabi, naMilikomi chishimashima chawanyana kaAmoni.

¹⁴Haku fumpolatuposhi twakupeshela, hakutema ninyiyombu, hakulumbekaku mafwaha awantu.

¹⁵Wahumoneni nikameŋa kadiŋi kuBeteli, nichinaŋanaŋa chatupiliyi mwana kaNebati Yerobowami wavulumwishili aIsarela, nikameŋa, nichinaŋanaŋa. Hakwocha chinaŋanaŋa, hakuchitwa hichikwikala neyi wuŋa, hakwocha nimuyombu.

¹⁶Yosiya cheliliyi nindi abalumuki, hakumona majamu adiŋi kwenoku kumpidi. Hakutemeshaku antu nakunona mafwaha mumajamu owu, hakuyocha hakameŋa, hakukajilola, mwomwizu daYehova dabidikiliyi muntu waNzambi wabidikili yumiyi.

¹⁷Mwanta hakwihula nindi, Iyi nsona yinamoni hinsonanyi? Antu ahamukala hiyakumulejanawu, Hiijamu damuntu waNzambi wafumini kuYuda, wabidikili yumiyi yiwuneli kameŋa kakuBeteli.

¹⁸Nindi, Mulekenu kwindi, bayi mufumisha mafwahinduku. Dichi alekeli mafwahindi hamu namafwaha akaprofwetu wafumini kuSamariya.

¹⁹Yosiya wafumishili matala ejima ahayinaŋanaŋa yadiŋi munyikalaya muSamariya, yatupiluwu anyanta awaIsarela yakuvuloka Yehova azuwi, wayilili mwejima neyi cheliliyi muBeteli.

²⁰Atupristu ejima ahayinaŋanaŋa adiŋi kwenoku wayijihilili hatumeŋa, hakwochahu nimafwaha awantu; yofunta nikuYerusalema.

²¹Mwanta walejeli antu ejima, nindi, Mudiilenu Yehova Nzambi yenu paseka, neyi chanasonekuwu mumukandiwu wachitiyaŋenu.

²²Mwalala, kanda adyaŋahu dehi paseka yidi neyi oyu, kufumisha hamafuku awansompeshi asompeshelaŋawu aIsarela, hela hamafuku ejima awanyanta awaIsarela, hela awanyanta awaYudaku;

²³wowena mwaka wamwanta Yosiya wekumi nakatanu nakasatu wowu amudiililuwu Yehova paseka iyi muYerusalema.

²⁴Yosiya wafumishili nawa niazakukilaŋa akishi, niatutepa, ninkishijakupanda, niakishi akutuŋi, niyishimashima yejima yamwenuwu mwituŋa daYuda nimuYerusalema, kulonda kukolesha mazu anshimbi asonekeluwu mumukanda waweniyi kapristu Hilikiya mwitala daYehova.

²⁵Kanda kwikalapahu dehi mwanta wacheŋi wakumufwana yena, wabalumukili nakutala kudi Yehova namuchima windi wejima, nawumi windi wejima, naŋovu jindi jejima, mwaya nshimbi jaMosi jejimaku; hikwamulondeliwacheŋi wudi neyi yenaku.

²⁶Hela chochu, Yehova habalumukili aleka ndombu yindi yasweja yatata shaniniyi, yazuwiliyi nawaYuda, yansaŋu yejima yamuzuwishiluwu kudi Manaseku.

²⁷Yehova hakwila nindi, AYuda nukuyifumisha niwena nawa kumesu ami, neyi chinafumishili aIsarela, niniwu mukala Yerusalema natondeli, niitala dinelili nami, Nukushaku ijina dami, nukuyileka.

²⁸Nsaŋu jaYosiya jinashaluku, niyuma yejima yeliliyi, hiyanajisoneki mumukanda wawanyanta awaYuda wakushindululaku?

²⁹Hamafuku indi mwanta wakuEjipitu Fwaro Neko wayili nakwasa njita namwanta waku-Ashuri kukaloŋa Yufurati. Mwanta Yosiya hakuya nakudasa nindi. Chamumweniyi kuMegido amujaha nikumujaha.

³⁰Ambupindi hiyakumusenda mwitemba wafwa dehi, amufumishili kuMegido amutweli kuYerusalema, amujiikili mwŋimu dindi yomweni. Antu amwituŋa hiyakukwata mwana kaYosiya Yehowahazi, hiyakumuwayisha manji, hiyakumuswanisha mwadiŋi tata yindi.

³¹Hatachikili kuyulayi Yehowahazi, wadiŋi wanyaka makumi ayedina yiyedi. Wayulili muYerusalema tukweji tusatu. Mama yindi ijina dindi Hamutali, mwana kaYeremiya wakuLibina.

³²Welili chatama kumesu aYehova, mwomwelilaŋa ankakulula jindi mwejima.

³³Hiyakumukasa kudi Fwaro Neko kuRibila mwituŋa daHamati, kulonda akabulikuyula muYerusalema. Hakwinka ituŋa muloŋa wakufuta ntalenta jasilivankulakaji, nintalenta yawuru yimu.

³⁴Fwaro Neko hakuswanisha mwana kaYosiya Eliya kimi mwadiŋi tata yindi Yosiya, ijina dindi hakudibalumuna, nindi diyi Yehova kimi. Hakumufumisha kuYehowahazi, hakwinza kuEjipitu, hakufwilaku.

³⁵Yehova kimi hakumwinka Fwaro nisiliva niwuru. Ilaŋa yena wasonkesheli antu amwituŋa kulonda ahani mali ayilejeluwu kudi Fwaro.

³⁶Wafutishili antu amwituŋa nisiliva niwuru, mwashikila musonkuwa muntu namuntu, kulonda kumwinka Fwarowe Hatachikili kuyulayi Yehova kimi, wadiŋi wanyaka makumi ayedi nayitanu. Wayulili muYerusalema nyaka ikumi nawumu. Mama yindi ijina dindi Zebida, mwana kaPedaya wakuRuma.

³⁷Welili chatama kumesu aYehova, mwomwelilaŋa ankakulula jindi mwejima.