Read MUKANDA WANZAMBI 2 Malena 24 Bible Online

2 Malena 24 - MUKANDA WANZAMBI bible

2 Malena 24

¹Hamafuku indi dihu henjili mwanta wakuBabiloni Nebukaneza, Yehova kimi hakwikala kambuŋindi nyaka yisatu. Nkumini nakuhakubalu muka, hakudikaŋa nindi.

²Yehova hakumutemeshela yendu yawa Kaladeya, niyendu yawaSiriya, niyendu yawaMowabi, niyendu yawa nyana kaAmoni, hakuyitemesha nakwasa aYuda, akayijilumuni, mwomwizu daYehova dahosheliyi kutunwa twawambu ŋindi atuprofwetu.

³Mwalala, chumichi chenjili kudi aYuda chakutuma kudi Yehova, kulonda kuyifumisha kumesu indi nansaŋu yanshidi jaManase, niyuma yeliliyi yejima;

⁴namashi awantu akadi nyiloŋa apwekesheliyi nawa; muloŋa yena wenzesheli Yerusalemato namashi awantu akadi nyiloŋa; chumochu Yehova kwonti kwindi kumwanakena.

⁵Nsaŋu jaYehova kimi jinashaluku, niyuma yeliliyi yejima, hiyanajisoneki mumukanda wawanyanta awaYuda wakushindululaku?

⁶Yehova kimiwakamini hamu nawankakulula jindi; mwanindi Yehoyakini hakumuswana.

⁷Mwanta wakuEjipitu hafumini nawa cheŋi mwituŋa dinduku, muloŋa henohu mwanta wakuBabiloni natambuli dehi matuŋa ejima adiŋi amwantawa kuEjipitu, kufumisha kukaŋa kaEjipitu ndo nikukaŋa Yufurati.

⁸Hatachikili kusha Itamayi Yehoyakini muwanta, wadiŋi wanyaka ikuminayitanu nayisatu. Washakamini muwanta muYerusalema tukweji tusatu. Mama yindi ijina dindi Nehushita mwana kaElinatani wakuYerusalema.

⁹Welili chatama kumesu aYehova, mwomwelilaŋa tata yindi mwejima.

¹⁰Hamafuku owu ambuŋa mwanta wakuBabiloni Nebukaneza, enjili kuYerusalema, akuchika nimukala.

¹¹Mwanta wakuBabiloni Nebukaneza wenjili kumukala hohachidipi ambuŋindi kuwukuchika.

¹²Mwanta wa waYuda Yehoyakini wedi kili, hakuya nakudilubula kudi mwanta wakuBabiloni, niyena, nimama yindi, ni ambuŋindi, niatulamba twindi, niatulalatwindi. Mwanta wakuBabiloni wamukwatili mumwaka wamuchitanuna chisatu wamuwanta windi.

¹³Hakufumishaku yuma yalema yakwitala daYehova yejima, niyuma yalema yakwitala damwanta yejima, hakuketolani yuma yaturu yatupiliyi mwanta wawaIsarela Solomoni mutembeli yaYehova, mwahosheli Yehova.

¹⁴Hakusenda akwaYerusalema ejima, niatulamba ejima, niayilobu akwaŋovu ejima, ankoli makombakaji ikumi, niakwawukalawenu ejima, niachi; hosi washeluku, chiŋa wowu atuzwepi amwituŋa hohu.

¹⁵Hakutwala Yehoyakini kuBabiloni; nimama yamwanta, ni aŋodi jamwanta, niatulala twindi, niantu alema mwituŋa, wayifumishili kuYerusalema hakuyitwala kuBabiloni muwukoli.

¹⁶Akwaŋovu ejima, makombakaji atanu nayedi, niakwawu kala wenu niachi ikombakaji, wejimawawu wowu ayilobu akweti nima ana akwasa njita, diwu atweliyi mwantawa kuBabiloni muwukoli kuBabiloni.

¹⁷Mwadiŋi Yehoyakini, mwanta wa kuBabiloni hakuswanishamu Mataniya mana kwatata yindi, ijina dindihakudibalu muna nindi diyi Zedekiya.

¹⁸Hatachikili kushakamayi Zedekiya muwanta, wadiŋi wanyaka makumi ayedi namwaka wumu. Washakamini muwanta muYerusalema nyaka ikuminawumu. Mama yindi ijina dindi Hamutali mwana kaYeremiya waku-Libina.

¹⁹Welili chatama kumesu aYehova, mwomwelilaŋa Yehova kimimwejima.

²⁰Nakuzuwa kwaYehova kwakwila zuwe-e kwakuyifumisha nikumesu indi, hiyakuchimona muYerusalema namuYuda, Zedekiya hakudi kaŋana mwanta wakuBabiloni.