Read MUKANDA WANZAMBI 2 Malena 25 Bible Online

2 Malena 25 - MUKANDA WANZAMBI bible

2 Malena 25

¹Mumwaka wamu chitanu nachiwana wamuwanta windi, mukakwejikekumi, mwifuku dakakweji dekumi, mwanta wakuBabiloni Nebukaneza hakwinza nakudasa naYerusalema, niyena ninjita yindi yejima, hiyakuwutuŋila chilombu, mukala hiyakuwutuŋila mpwembu jakuhatakwi-ndo.

²Hiyakukuchika mukala kuchike-e, nikumwaka wamwanta Zedekiya wekumi nakamu.

³Mwifuku dakakweji damu chitanu nachiwana nzalayisweja nimumukala, himwadiŋi nawa yakudya yawantu amwituŋaku.

⁴Alokola nimpwembu yamukala, amayala akwanjita ejima hiyakutemukana wufuku, hiyakuya njila yachisu chamukachi kampwembu jiyedi, chadiŋi kwakwihi netempa damwanta. Henohu aKaladeya saŋa akuchikilawu mukala kwi-ndo. Mwanta hakuyila njila yachana.

⁵Njita yawaKaladeya hiyakumuhaŋa mwanta, hiyakumuwana muyana yakuYeriku, njita yindiyejima yimumwaŋala nikumumwaŋala ndu-ndu.

⁶Hiyakumukwata mwanta, hiyakumutwala kudi mwanta wakuBabiloni kuRibila. Hiyakumusompesha.

⁷Anyana kaZedekiya amayala hiyakuyijihila kumesu indi, hiyakumulokola Zedekiya mesu, hiyakumukasa namalepi, hiyakumutwala kuBabiloni.

⁸Mukakweji kamuchitanu, hefuku dakakweji damuchiitanu nachiyedi, hamwaka wekumi nakatanu nakawana wamwanta Nebukaneza mwantawa kuBabiloni, mukulumpi wawatulama Nebuzaradani, kambuŋa mwantawa kuBabiloni, hakwinza kuYerusalema;

⁹hakwocha itala daYehova, niitala damwanta; matala amuYerusalema ejima, wowu matala amaneni ejima, wayocheli nakesi.

¹⁰Njita yawaKaladeya yejima yadiŋi namukulumpi wawatulama, ahumuna nimpwembu jaYerusalema kwi-ndo.

¹¹Antu asheluhu, asheli mumukala, alembeli, alembeli kudi mwanta wakuBabiloni, niakwizaza asheluhu, mukulumpi wawatulama Nebuzaradani wayitwelimuwukoli.

¹²Ilaŋa mukulumpi wawatulama washiyiluhu atuzweŋi amwituŋa kulonda ekali akwakuloŋesha nyivinyu, niakwakudima.

¹³Yishimi yawuneyu yadiŋi mwitala daYehova, nimatentaminu, niŋiyadawuneriu yadiŋi mwitala daYehova, aKaladeya aketoleli, hiyakutwalawuneŋu wayumoyu kuBabiloni.

¹⁴Manuŋu namafwosholu nayumayakujima nachu manoŋu, nitutuwa, niyuma yawunepu yadiŋi nakukalakalawu nachu, ayitweli.

¹⁵Niyifoyu yakesi nimbashila; yawuru yawuru, yasiliva yasiliva; mukulumpi wawatulama wayitweli.

¹⁶Niyishimi yiyedi, niŋiya dimu, nimatentaminu, yoyuma yatuŋililiyi Solomoni itala daYehova wunepu wayuma yejimiyi wadiŋi wakadi kutwesha kuwupezelesha.

¹⁷Kuleha kwachishimi chimu kwashi kili munkotweli jachikasa ikumi najitanu najisatu, hewulu dadu hadiŋi namutu wawuneŋu; kuleha kwanamutukwashikili munkotweli jisatu; niyuma yidi neyi kaleŋi, nimabula adiŋi kunamutu kwi-ndo, yejima yawuneŋu hohu; chishimi chamu chiyedi nichinanawa chadiŋi nayuma yidi neyi iyi, hamu nayuma yidi neyi kaleŋi.

¹⁸Mukulumpi wawatulama hakukwata kapristu muneni Seraya, nikapristu wamuchiyedi Zefwaniya, niakwakuhemba kuchisu mwasatu wawu;

¹⁹mumukala hakukwatamu kalala enkeluwu wuawakulumpi wawakwanjita; niantu atanu adiŋi nakudimona namwanta kumesu, awenuwu mumukala; ninsoneki mukulumpi wanjita, wapompeshelaŋa antu amwituŋa; niamayalamakumi atanu nadimu ahadi antu amwituŋa, awenuwu mumukala.

²⁰Mukulumpi wawatulama Nebuzaradani hakuyikwata, hakuyitwala kudi mwanta wakuBabiloni kuRibila.

²¹Mwanta wakuBabiloni hakuyitapa, hakuyila kuRibila mwituŋa dakuHamati. Dimu mwayifumishililuwu aYuda mwituŋa, nakuyitwala muwukoli.

²²Kwinza antu asheli mwituŋa daYuda, ashiyiluwu kudi mwanta wakuBabiloni Nebukaneza, wayikunjikili Gedaliya mwana kaAhikami, Ahikami mwana kaShafwani, ekali nguvulu yawu.

²³Akulumpi ayendu yamajita ejima, niwena niantu awu, chatiyiluwunawu mwanta wakuBabiloni namukunjiki dehi Gedaliya kwikala nguvulu, hiyakwinza kudi Gedaliya kuMizipa, wowu aIshimeli mwana kaNetaniya, naYohanani mwana kaKareya, naSeraya mwana kaTahumeti wakuNetofwati, naYazaniya mwana kaMayakati, niwena niantu awu.

²⁴Gedaliya hakusanyika kumesu awu ni kumesu awantu awu, hakuyila nindi, Bayi mutiyawoma wakwikala ambuŋa waKaladeyaku. Shakamenu mwituŋa nakumukalakela mwanta wakuBabiloni, mukumona kuwaha.

²⁵Mukakweji kamuchitanu nachiyedi Ishimeli mwana kaNetaniya, Netaniya mwana kaElishama, wasemuka kuwanta, hakwinza nawantu indiikumi, hakutapa Gedaliya, hakufwa, niaYudeya niaKaladeya adiŋiyi nawukuMizipa.

²⁶Antu ejima, nialema niabula kulema, niakulumpi ayendu yamajita hiyakunyamuka, hiyakwinza kuEjipitu anatiyi dehi woma wawa-Kaladeya.

²⁷Mumwaka wawukoli wamwanta wawaYuda Yehoyakini wamakumi asatu nakatanu nakayedi, mukakweji kekumi nakayedi, hefuku dakakweji damakumi ayedi nakatanu nakayedi, mwanta wakuBabiloni Evilimerodaki, wamutiyilili mwanta wawaYuda Yehoyakini luwi, hakumwidisha mukaleya mumwaka watachikiliyi kushakama muwanta;

²⁸hakuhosha nindi mazu amawahi, itanda dindi dawanta hakudibadisha itanda dawanyanta adiŋiyi nawu kuBabiloni.

²⁹Hakuvúula yuma yindi yamukaleya, niyena hakudyaŋa namwanta hefuku hefuku mafuku ejima nichafwiliyi.

³⁰Nsaŋu yakudya kwindi kwamwesekelelaŋawu, amwesekelelaŋa kudi mwanta kudya kwindi kwamwifuku mwifuku, mafuku indi ejima nichafwiliyi.