Read MUKANDA WANZAMBI 2 Malena 3 Bible Online

2 Malena 3 - MUKANDA WANZAMBI bible

2 Malena 3

¹Mumwaka wamwanta wawaYuda Yehoshafwati wekumi nakatanunakasatu, mwana kaAhabi Yorami watachikili kuyula aIsarela muSamariya; wayulili nyaka ikumi nayiyedi.

²Yehova wamumweninindi nakoŋi chatama; kukoŋa neyi chakoŋeli tata yindi namama yindi dinunehi, muloŋa yena wafumishilumu kaposhi kakupeshela Bayali kelili tatayindi.

³Hela chochu, walamatili munshidi jamwana kaNebati Yerobowami vulumwishiliyi nachu aIsarela, kulekamu kwindi nehi.

⁴Mwanta wakuMowabi Mesha wadiŋi muntu wanyikoku, wamulambwilaŋa mwanta wawaIsarela mavuji awanyana kanyikoku nkulakaji yamakombakaji, niawayizamba yanyikoku nkulakaji yamakombakaji.

⁵Chelili Ahabi nafwi dehi, mwanta wakuMowabi hakudikaŋi namwanta wawaIsarela.

⁶Hamafuku owu mwanta Yorami hakufuma muSamariya, hakufumba aIsarela ejima.

⁷Hakuya nakutemesha antu kudi mwanta wawaYuda Yehoshafwati, nindi, Mwanta wakuMowabi nadikapi dehi nanami; tukuya neyi twakadasi nawaMowabi njita, tahindi? Nindi, Tukuya. Mwamami mwomweyeyi, antu ami hiyantu eyi, tuwalu twamihituwalu tweyi.

⁸Nindi, Tukuya njila yidihi? Yena wa akwili nindi, Njila yesaŋa daEdomi.

⁹Dichi mwanta wawaIsarela hakuya, nimwanta wawaYuda, nimwantawa kuEdomi; hivakunyeŋumuka njila yamafuku atanu nayedi; hikwadiŋi meji akunwa akwanjita hela anyama ayiluwu nawuku.

¹⁰Mwanta wawaIsarela hakwila nindi, Yayo! Yehova apompeshi anyanta asatu awa kulondaayihani tuhu kwindi kudi aMowabi!

¹¹Yehoshafwati hakwila nindi, Kunu kwosi kaprofwetu kaYehova kulonda twihwiluku Yehova? Muntuwumu wahadi ambuŋamwanta wawaIsarela hakwakula nindi, Elishamwana kaShafwati, wechililaŋa meji kumakasa aElija, wudi kunu.

¹²Yehoshafwati nindi, Izu daYehova wudi nadu. Mwanta wawaIsarela niYehoshafwatini mwanta wakuEdomi hiyakukunkumuka kwadiŋi yi yena.

¹³Elisha hakumwila mwanta wawaIsarela nindi, Nidi neyi nansaŋu? Yaŋa kweyi kudi atuprofwetu twatata yeyi, nikudi atuprofwetu twamamayeyi. Mwanta wawaIsarela hakumwila nindi, Nehi. Muloŋa Yehova napompeshi dehi anyanta asatu awa kulonda ayihani tuhu kwindi kudi aMowabi.

¹⁴Elisha nindi, Chahandayi Yehova wamazaza inemanaŋa kumesu indi kwaamu, chalala neyi nabula kumwakama mwanta wawaYuda Yehoshafwati nemani kunu, mutenowu hinadi kukutala nidisuku.

¹⁵Ichidinu nleteli mukwakwimba chisanji. Chelili mukwakwimba chinjihakwimba, chikasa chaYehova hichikwinza hadi yena.

¹⁶Hakwila nindi, Yehova nahoshi nindi, Chinekineki ichi chipundenu tupila hohu chejima.

¹⁷Muloŋa Yehova nahoshi nindi, Himwakamona mpepela, hela nvulaku; hela chochu, chinekineki chakenzala meji to-o, mwakanwa ninenu, niyimunayenu, nianyama jenu.

¹⁸Yehova namoni nindi chumichi chaswayituhu, wakayihana nawa niaMowabi kudenu.

¹⁹Mwakatapa yipaka yawu mwadikaŋila ŋawu, ninyikala yayiwahi yejima, mwakatema ninyitonduyayiwahi yejima, mwakashikila nimashima ameji ejima, mwakakisaŋana maha amawahi ejima namalola.

²⁰Chi kwelili budidi, kafwampi hohalazo mbwilaŋawu himulambu waNzambi, kutala meji awa akwinzawa njila yaEdomi, ituŋa hidikwinzala nameji to-o.

²¹AMowabi ejima chatiyiluwu nawu anyanta anenzi nakulwa nawu, hiyakudipompesha hamu wejima wawu adiŋi naŋovu jakumanyeka, ninawa abadikilumu Ŋovu, hiyakwimana kupinza.

²²Hiyakumeneka budidi yayeni, mwaana hiwukukwata hameji, aMowabi hiyakumona meji oku kwakutalishawu anachinani nŋe neyi mashi.

²³Nawu, Himashi. Anyanta chalala anadijilumuni dehi, anatapaŋani dehi. Mayalenu aMowabi, tuyenu twakayipupi.

²⁴Chashikiluwu kuchilombu chawaIsarela, aIsarela hiyakunya mukana kuyitapa aMowabi, aMowabi hiyakuyitemuka; aIsarela hiyakuya nakwijila mwituŋa dawaMowabi nakuyitapa ho-o.

²⁵Ahumwini nyikala; hamaha amawahi ejima anatililuhu malola, muntu nakunatilahu ilola dindi, muntu nakunatilahu ilola dindi, enzeli to-o; ashikilili mashima ameji ejima; atemeni nyitondu yayiwahi yejima; muKirihareseti mwasheli kwamalolahohu, muŋa akwakwasa malola nanyonji diwu awunyeŋumukili nakuwutapa.

²⁶Mwanta wakuMowabi chamweniyi njita yinamukalili dehi, hakusenda amayala makulakaji atanu nayedi, alwilaŋa nampoku jatubali, nindi ahanuki, ashiki kudi mwanta wakuEdomi, ilaŋa hiyatwesheluku.

²⁷Hakukwata mwanindi wawedi, yowu wakeŋa eli kumuswana, hakumwochela hampwembuhi himulambu wakushita. Kwadiŋi nikuzuwa nanltashi kwakuyizuwila aIsarela; hiyakufuma kudi yena hiyakufunta nikwituŋa dawu.