Read MUKANDA WANZAMBI 2 Malena 4 Bible Online

2 Malena 4 - MUKANDA WANZAMBI bible

2 Malena 4

¹Mumbanda wahadi apodi jawanyana kawatuprofwetu wayili nakumudili laElisha, nindi, Kambuŋeyi nfumwami wafwa dehi. Wunelukituhu kambuŋeyi wamutiyilaŋa Yehova woma. Mukwayuma yindi yitwadiilinenzi dehi nakutambula anyanami ayedi ekali anduŋu jindi.

²Elisha hakumwila nindi, Wunakepi nikwilili chumanyi? Nleji, wukwetidi mwitala? Mumbanda nindi, Ami kambuŋeyi hinikweti chuma mwitalaku, kwijicho chipunda chamanji hohu.

³Elisha nindi, Yaku, wakalombi yumayakukwatila kudi akwenu watupa nawu ejima, chiŋa yuma yamukunkulu; bayi wulomba yanteshaku.

⁴Wakeŋili mwitala, wakadenzelelumu nawanyaneyi amayala, wakahuŋunwini manji muyumoyu yejima. Yakenzala, wakayitenteka hambadi.

⁵Mumbanda wafumini kudi yena, wadenzeleleli mwitala nawanyanindi, hiyakumuletela yuma yakukwatila, yena hakuhuŋunwinamu manji.

⁶Chiyenzeliyu moyu, hakumwila mwanindi wumu nindi, Nleteli chuma chikwawu. Yena hakumwila nindi, Hikudi chuma chikwawu chakukwatilaku. Manjiakuma nikukuma.

⁷Hakuya nakumulejamu muntu waNzambi. Yena nindi, Yaku wakalandishi manji, wakafuti mukudi weyi, owu akushalakuwakadihandishi nachu nawanyaneyi.

⁸Ifuku dimu Elisha wahitili kuShunemi, kwadiŋi mumbanda walema. Yena mumbanda wamukakejeli adiyi nawu. Chahitilaŋayi kweno kuweŋi lilaŋa mwenomu nakudya.

⁹Mumbanda hakumwila nfumwindinindi, Tiya mwani, ami namoni iwu wahitaŋa hefuku hefuku himuntuwajila waNzambi.

¹⁰Twadi kutuŋa mwani, katala kahewulu, tumushilumunikadidi, nimesa, niitanda, niinoŋu. Kulonda chakenzaŋayi kudetu akashikena ŋamu.

¹¹Ifuku dimu hakushika kwenoku, hakushikena mwitalodu hakukamamu.

¹²Hakumwila pamba yindi Gehazi, nindi, Mutambiki iwu mukwaShunemi. Chamutambikiliyi mumbanda, hakwinza nakwimana kumesu indi.

¹³Elisha hakumwila Gehazi nindi, Mwili neyi, Tiya, wunatwakami mwejimimu; tukukwililadi? Wunakeŋi tukuhosheluku kudi mwanta, hela kudi mukulumpi wanjita, tahindi? Mumbanda nindi, Ami nashakama mukachi kawantaŋi jami.

¹⁴Elisha nindi, Indi dinu tukumwililadi? Gehazi nindi, Chalala yena hakweti mwanaku, ninfumwindi wakula dehi.

¹⁵Nindi, Mutambiki. Chamutambikiliyi hakwimana muchisu.

¹⁶Elisha nindi, Hamwaka wukwinza, hohachena chilaaka chinu, wakakwata mwana weyala. Mumbanda nindi, Nehi, nkaka yami, eyi muntu waNzambi, bayi wundimbaami kambuŋeyuku.

¹⁷Mumbanda hakubaaba ivumu; hamwaka walondelumu, hohachilaaka ochu, wavweli mwana weyala mwomwamulejeliyi Elisha.

¹⁸Cheliliyi mwana nakuluku dehi, ifuku dimu hakuya kudi tata yindi, kwadiŋi akwakwaŋula.

¹⁹Hakumwila tata yindi nindi, Nafwi namutu, nafwi namutu! Yena hakumwila ŋimba yindi nindi, Mweleki wumutwali kudi mama yindi.

²⁰Hakumweleka, haitumutwala kudi mama yindi, hakushakama hamanujinindi nichashikili itaŋwa mwiwulu, afwa nikufwa.

²¹Hakukandama nindi hewulu, hakumukamika hakadiai kamuntu waNzambi, hakumwenzelelamu, edika nikwidika.

²²Hakumubidi Itani fumwindi nindi, Antemesheluku mwani ŋimba wumu nichimbulu wumu, kulonda niyi lufuchi kudi muntu waNzambi, ninzi cheŋi.

²³Nindi, Wukuyiladi kudi yena lelu? Hikakweji kakaha hela sabataku. Mumbanda nindi, Chikuwaha tuhu mwani.

²⁴Hakulema sadi hachimbulu, hakumwila ŋamba yindi nindi, Mwendeshi, tuyeŋa, bayi wumwendesha chovu nakwakamamuku, chiŋa ami nikuleja.

²⁵Dichi hakuya, hakushika kudi muntu waNzambi kumpidi yaKarameli. Muntu waNzambi chamumweniyi wuchidi kwakulehi, hakumwila ŋimba yindi Gehazi, nindi, Tala mukwaShunemi ona.

²⁶Yakuku mwani lufuchi, wakamukinkilili, wakamwihuli neyi, Wudi chachiwahi? Ninfumweyi wudi chachi wahi? Ni mwana wudi chachiwahi? Mumbanda nindi, Chachiwahi.

²⁷Chashikiliyi kudi muntu waNzambi kumpidi, hakumu kwataku nyendu. Gehazi hakwinza kwakwihi, nindi amushinjiki amufumishuku, muntu waNzambi hakwila nindi, Muleki tuhu kwindi, kumuchima winaikunamululi, Yehova nanji ndichu, hananleji mwokuku.

²⁸Mumbanda nindi, Eyi nkaka, ami nakulombeli mwana? Hinahosheluku nami, Bayi wundimbaku?

²⁹Hohenohu hakumwila Gehazi nindi, Pimpilaku mahineyi, sendaku mutondu wami muchikasa, wuyi. Neyi wukubulakana namuntu munjila, bayi wumwimwishaku; neyi anakwimwishi kudi muntu, bayi witiyaku. Wakanapiki mutondu wami hamesu amwana.

³⁰Mama yamwana hakwila nindi, Chahandayi Yehova kwaamu, nichaha ndawumi weyi kwaamu, ami kwami kwambuka naneyi nehi. Elisha haku nyamuka, hakumulonda.

³¹Gehazi hakuyaŋahu dehi kumbidi, hakunaŋika mutondu hamesu amwana; mwana saŋa amwenenayi zo-o, nikutiya nehi. Hakufunta nakumukinkilila Elisha, hakumuleja nindi, Mwana kutona nehi.

³²Chashikiliyi Elisha mwitala, kumutala mwana wafwa, anamukamiki hakadidi kindi yena.

³³Hakwipilamu, hakudenzelelamu namwana, hakulombakudi Yehova.

³⁴Hakuya hakadidi, hakukama hadi mwana, hakushakanwa kindi kukanwa kamwana, nimesu indi kumesu amwana, nimaka sindiha makasa amwana; hákubulamana hadi yena, mujimba wamwana wukwataniiyena.

³⁵Hakufumahu, hakwenda mwitala, ayamu enzamu kamu; hakuya cheŋi hakadidi, hákubulamana hadi yena. Mwana hakuchihula mapampa katanu nakayedi, mwana atona nikutona.

³⁶Hakutambi kaGehazi, nindi, Mutambiki iwu mukwaShunemi. Hakumutambika. Cheŋililiyi mwadiŋiyi, hakumwila nindi, Nonaku mwaneyi.

³⁷Cheŋililiyi hakudi mbukila kunyendu yindi, hakubandama niheseki; anona nimwanindi, edika nikwidika.

³⁸Elisha wenjili cheŋi kuGiligali. Kuwana mwituŋa mudi nzala yayeni. Chashakaminuwu anyana kawatuprofwetu kumesu indi, hakumwila ŋambayindi, nindi, Shaku inuŋu yeneni hejiku, wutelekeli anyana kawatuprofwetu madyaji.

³⁹Muntu wumu hakuya nakwanda mafu mumpata, hakuwanamwoli wamumpata, hakukumunaku tutanda twamwisapa ihina to, hakwinzana kutubalolela mwinuŋu yamadyaji, muloŋa wena kutwiluka nehi.

⁴⁰Hiya kuyi sukwila amayala, nawu, Dyenu. Cheliluwu adi nakudya owu madyaji, hiyakukaloka, nawu, Eyi muntu waNzambi, mwinuŋu mudi kufwa. Kutwesha kudyamu nehi.

⁴¹Yena nindi, Komana letenu wuŋa. Haku wulalu mwina mwinuŋu. Nindi, Yisukwili antu adiyi. Mwinuŋu mwadiŋi yafwana, munawahi dehi.

⁴²KuBayali Shalisha kwafumini muntu, hakumuletela muntu waNzambi yakudya yambutu yatachi, mankendi abali makumi ayedi, ninyitu yatidikuyituuta mwisaka dindi. Hakwila nindi, Yinki antu, adiyi.

⁴³Mukwaku mukoŋela nindi, Aka! Yeniyi kwaamu niyitulili nkulakaji yamayala? Ilaŋa Elisha nindi, Yinki antu, adiyi; muloŋa Yehova nahoshi nindi, Akadya, akashiyahu.

⁴⁴Hakuyitulila, hiyakudya, hiyakushiyahu, mwomwahosheliyi Yehova.