Read MUKANDA WANZAMBI 2 Malena 5 Bible Online

2 Malena 5 - MUKANDA WANZAMBI bible

2 Malena 5

¹Nayamani mukulumpi wanjita yamwanta wakuSiriya, amulemesheli nikumutiya kuwaha kudi mwanta windi, muloŋ diyi ahandishiliyi nachu Yehova aSiriya. Wadiŋi chilobu mukwaŋovu, ilaŋa wadiŋi mukwambumba.

²Yendu yawaSiriya chiyapalaŋeneni mwituŋa akwatili nkoli wakansiwamumbanda mwituŋa dawaIsarela. Yena wakalakeleli iŋoda Nayamani.

³Hakumwila nkaka yindi nindi, Nkaka yami neyi wadiŋi kudi kaprofwetu wekala kuSamariya; mutenowu wadi kumúuka musoŋu windi wambumba!

⁴Muntu wumu hakuya nakumuleja nkaka yindi, nindi, Tiya mwanahoshiyiiwu kansi wamumbanda nafumi mwituŋa dawaIsarela.

⁵Mwanta waku-Siriya hakumwila nindi, Yaku, nukukwinka mukanda wutwali kudi mwantawa waIsarela. Hakuya, hakusenda ntalenta jasiliva ikumi, nŋishekeli jawuru makombakaji atanu nadimu, niyikovwelu yakuvwala ikumi.

⁶Hakutwala mukandakudi mwanta wawaIsarela wakwila nindi, Neyi mukandiwu wunashiki dehi kudeyi, ilukaku neyi natumi dehi kambuŋami Nayamani kudeyi wumu ukimusoŋu windi wambumba.

⁷Cheliliyi mwanta wawaIsarela nataŋi dehi mukanda, hakutabola mahinindi, nindi, Ami yami Nzambi, nelaŋa nŋihanihandisha, mwaka iwu muntu akantemesheli muntu, nindi nimúukimusoŋu windi wambumba? Talenu mwani chakukeŋayi hakuzuŋilananami.

⁸Cheliliyi muntu waNzambi Elisha natiyi dehi nawu, Mwanta wawaIsarela nataboli dehi mahinindi, hakutemesha mazu kudi mwanta, nindi, Wunatabwilidi mahineyi? Muleki enzi mwani kudami, akeluki nindikomana muIsarela mudi kaprofwetu.

⁹Nochu Nayamani hakwinzani tuwalu twindi nimakálu indi, hakwimana kuchisu chetala daElisha.

¹⁰Elisha hakumutemeshela ntemesha, nindi, Yaku wakaweli muYodana mapampa katanu nakayedi, mujimba weyi wakekala cheŋi neyi muwadiŋi, wakato-oka.

¹¹Ilaŋa Nayamani wazuwili, hakudiyila kwindi, nindi, Ami nela nami chalala wukwidika, wukwinza kudami, wukwimana nakutambika ijina daYehova, Nzambi yindi, wukuhitisha nichikasa chindi hakata, wukuukamusoŋu wambumba.

¹²Komana tuloŋa twakuDamakasa, Abana naFwarapa, hitwabadika kuwaha meji amuIsarela ejimaku? Nakabulikuwelamu nito-oka? Hakubalumuka, hakudiyila kwindi nakufundumuka.

¹³Ambuŋindi hiyakukundama kwakwihi nayena, hiyakuhosha nindi, nawu, Eyi tata, neyi kaprofwetu wakuleja kwila chuma cheneni, hiwadikuchilaku, tahindi? Winzi wumoni chanakwiliyi nindi, Welaku wutooki?

¹⁴Hakukunkumuka, hakujimina muYodana mapampa katanu nakayedi, mwomwamulejeluwu kudi muntu waNzambi. Mujimba windi wabalumukili cheŋi neyi mujimba wakansi kanyanya, watookeli to-o.

¹⁵Hakufunta kudi muntu waNzambi, niyena nichendu chindi chejima, hakwinza nakwimana kumesu indi. Nindi, Ichi dinu neluki dehi mwani, komana mwahita iseki dejima himwekala Nzambuku, chiŋa muIsarela hohu. Ichi dinu atambuli mwani nkisu kudami kambuŋeyi.

¹⁶Yena nindi, Chahandayi Yehova inemanaŋa kumesu indi kwaamu, hinukutambulachumaku. Wamukakejeli nindi, Tambulaku. Yena kwonti kwindi.

¹⁷Nayamani nindi, Neyi nehi, komana anyinki ami kambuŋeyi yiteliyamaseki yakusenda yinŋonŋavalu yiyedi, muloŋ kufumisha hanu amikambuŋeyi hinakalambula cheŋi nyilambu yakushita hela kuketula yimunakudi akishuku, chiŋa kudi Yehova hohu.

¹⁸Yehova aŋanakeni amikambuŋeyi, nachuma chelaŋayi mwanta wami heŋilaŋayi mwitala daRimoni nakufukami namu, wakwatililaŋa kuchikasa chami, ami hinukubandamina mwitala daRimoni. Chinakabandama mwitala daRimoni Yehova akaŋanakeni mwani, ami kambuŋeyi chumochu.

¹⁹Elisha hakumwila nindi, Endaŋahu chachiwahi. Nayamani hakudiyila kwindi, hakwenda kachintampu kantesha.

²⁰Ilaŋa Gehazi, kambuŋi muntu waNzambi Elisha, welili nindi, Talenu, mwanta wami namuleki tuhu iwu kaSiriya Nayamani chakadi kutambulayuma yenzayi nayu. Chahandayi Yehova kwaamu, nukumulondela lufuchini mutambuluhu yanti.

²¹Gehazi hakumulondela Nayamani. Nayamani chamweniyi muntu wudi nakumulondela lufuchi, hakusuluka mwikalu amukinkilili, nindi, Kwamwena?

²²Yena nindi, Kwamwena mwani. Mwanta wami nantemeshi nindi, Tala, katatakichi kunanwani dehi anyikwenzi ayedi anyana kawatuprofwetu anafumi kwituŋa daEfweremi damapidi. Nindi, Ayinkuhu mwani, ntalenta yasiliva, niyikovwelu yakuvwala yiyedi.

²³Nayamani nindi, Chachiwahi, tambula tuhu hela ntalentajiyedi. Wamukakejeli, hakumukasila ntalenta jasiliva jiyedi munjeki jiyedi, niyikovwelu yakuvwala yiyedi, hakuyitwika ambuŋindi ayedi, hiya kutwamina kunaku musendela.

²⁴Chashikiliyi kumpidi, hakutambula yumoyukuma kasawu, hakuyisha mwitala, hakuyifuntisha amayala, hiyakuya.

²⁵Hakwijila nakwimana kudi mwanta windi. Elisha hakumwila nindi, Eyi Gehazi, wayahi? Yena nindi, Ami kambuŋeyi hinaya kuyumaku.

²⁶Elisha hakumwila nindi, Hana hafumapayi ona muntu kwikalu dindi, nakwinza nakukukinkilila, muchima wami hiwaya naneyuku? Iwu komanahi mwaka wakutambula mali, hela wakutambula mahina, namatempa anyiolive nanyivinyu, nanyikoku, naŋombi, nawanduŋu amayala, nawanduŋu awambanda?

²⁷Mbumba yaNayamani yikulamati eyi nianyaneyi hayanyaka. Yofuma nikufuma kumesu indi, natooki dehi to-o nambumba neyi chikwampeza.