Read MUKANDA WANZAMBI 2 Malena 8 Bible Online

2 Malena 8 - MUKANDA WANZAMBI bible

2 Malena 8

¹Elisha wamulejeli mumbanda wukweti owu mwana ahandishiliyi, nindi, Nyamukaku, wuyi nawakwetala deyi, wakashakami kwonsukuwunashakami kwoku. Muloŋa Yehova natambiki dehi nzala, yakekala mwituŋa nyaka yitanu nayiyedi.

²Mumbanda wanyamukili, welilimwomwizu damuntu waNzambi. Hakuya nakushakama mwituŋa dawaFwilistinu nawakwetala dindi nyaka yitanu nayiyedi.

³Chiya manininyaka yitanu nayiyedi mumbanda hakufuma mwituŋa dawaFwilistinu, hakufunta. Hakuya nakudilila niitala dindi nimpata yindi kudi mwanta.

⁴Henohu mwanta wadiŋi nakuhanjika naGehazi ŋamba yamuntu waNzambi, nindi, Nleji mwani yuma yamaneni yejima yaneliyi Elisha.

⁵Iku wudi nakumuleja mwanta chahandishiliyi Elisha muntu wafwili, kukasumuka mumbanda wukweti mwana ahandishiliyi nenzi dehi, hakudililaniitala dindi nimpata yindi kudi mwanta. Gehazi nindi, Eyi nkakayami mwanta, yeniwu diyi mumbanda, nimwanindi ahandishiliyi Elisha, iwu.

⁶Mwanta hakumwihula mumbanda, niyena hakumulejamu. Dichimwanta wamwinkeli ishidika, nindi, Kamufuntishili yuma yejima yadiŋiyi nayu, niyuma vinasoŋi mumahindi yejima kufumisha kwifuku dafuminiyi mumpata yindi kushika nikwifuku dalelu.

⁷Elisha hakushika kuDamakasa. Mwanta wakuSiriya Benihadadi wadiŋi wakata. Hiyakumuleja nawu, Muntu waNzambi nenzi dehi kunu.

⁸Mwanta hakumwila Hazayeli, nindi, Sendaku chamukunkulu muchi kasacheyi, wuyi nákubulakana namuntu waNzambi, wakehwiluku Yehova, neyi, Nukukola kuyikatu iyi, tahindi?

⁹Hazayeli hakuya nakumubulakana, nasendi chamukunkulu chayuma yayiwahi yejima yamuDamakasa, yiteliyakusenda anŋameli makumi awana, hakwinza nakwimana kumesu indi, nindi, Mwaneyi Benihadadi mwanta wakuSiriya, nantumi kudeyi nindi, Nukukola kuyikatu iyi, tahindi?

¹⁰Elisha hakumwila nindi, Yaku wakamulejineyi, Chalala eyi wakakola; hela chochu, Yehova nanleji dehi nindiyena wakafwa hohu chalala.

¹¹Elisha hakumushinshika swi-i, saŋa amushinshikilayi ho-o, niyena atiya ninsonyi. Muntu waNzambi adilanikudila.

¹²Hazayeli nindi, Nkaka yami wudi nakudiladi? Yena nindi, Muloŋa neluki dehi yatama yiwakayikoŋa anyana kaIsarela. Yipakayawu mwadikaŋilawu wakayocha, anyikwenzi jawu wakayiliha nampokuyakabali, nyikeki yawu wakayichikachika, ambanda adi namavumu wakayibuza.

¹³Hazayeli nindi, Ami kambuŋeyi nikawa hohu kwami, nishikahadihi mwaka nakamoni kwila chuma cheneni chi kuma hichi? Elishanindi, Yehova nanleji dehi nindi, eyi wakekala mwanta wawaSiriya.

¹⁴Hakufuma kudi Elisha, hakushika kudi mwanta windi. Yena hakumwihulanindi, Elisha wakuleja nindidi? Yena nindi, Wanleja nindi, Chalala eyi wakakola.

¹⁵Chikunachi hakunona ihina dahakadidi, hakudombeka mumeji, hakudibuta kumesu amwanta, niyena ofwa nikufwa. Hazayeli hakumuswana.

¹⁶Mumwaka wamu chitanu waYorami mwana kaAhabi mwanta wawaIsarela, hohadiŋiyi mwanta wawaYuda Yehoshafwati, Yehorami mwanakaYehoshafwati mwanta wawaYuda hakutachika kuyula.

¹⁷Hatachikiliyi kuyula wadiŋi wanyaka makumi asatu nanyaka yiyedi. Wayulili muYerusalema nyaka yitanu nayisatu.

¹⁸Wendeli mwendelelaŋa anyanta awaIsarela mwomwelilaŋa akwamutaŋa waAhabi, muloŋi wasumbwili mwana kaAhabi, hakwila nichatama kumesu aYehova.

¹⁹Hela chochu, Yehova walekeli kujilumuna aYuda hamujimba wakambuŋindi Davidi, muloŋa wamukana dehi nindi, Nakakwinka inoŋu dawanya neyi nyakayonsu.

²⁰Hamafuku adiŋiyi Yehorami, aEdomi adikaŋili nawaYuda, ashilumu mwanta wawu awenawu.

²¹Yehorami hakuhita kuZayiri, nimakálu indi ejima hamu, hakunyamuka nawufuku, hakutapa aEdomi amukuchikili, niakulumpi amakálu; antu hiyakutemokela kunyikala yawu.

²²Dichi aEdomi saŋi adikaŋilawu nawaYuda nilelu. Hohadikapiluwu aLibina niwena.

²³Ninsaŋu jaYehorami jinashaluku, niyuma yejima yeliliyi, hiyanajisoneki mumukanda wawanyanta awaYuda wakushindululaku?

²⁴Yehorami wakamini hamu nawankakulula jindi, amujiikili nawa hamu nawankakululajindi mumukala waDavidi. Mwanindi Ahaziya hakumuswana.

²⁵Mumwaka wekumi nakayedi waYorami mwana kaAhabi mwanta wawaIsarela, Ahaziya mwana kaYehorami mwanta wawaYuda hakutachikakuyula.

²⁶Ahaziya hatachikiliyi kuyula wadiŋi wanyaka makumi ayedi nayiyedi, wayulili muYerusalema mwaka wumu. Mama yindi ijina dindiAtaliya, mwizukulu waOmiri mwanta wawaIsarela.

²⁷Niyena wendelimwendelelaŋawu akwamutaŋa waAhabi, welili chatama kumesu aYehova mwomwelilaŋawu akwamutaŋa waAhabi, muloŋ wadiŋi muku wawakwamutaŋa waAhabi.

²⁸Wayili namwana kaAhabi Yorami, nakudasa njita namwanta waku-Siriya Hazayeli kuRamoti Gileyadi. ASiriya hiyakumukatisha Yorami.

²⁹Mwanta Yorami hakufunta, kulonda akamúuki muYezereyeli yituyamukatishiluwu aSiriya kuRama halwiliyi namwanta wakuSiriya Hazayeli. Ahaziya mwana kaYehorami mwanta wawaYuda wayili nakumutala mwanakaAhabi Yorami muYezereyeli, nanochu chamukatishiluwu.