Read MUKANDA WANZAMBI 2 Malena 9 Bible Online

2 Malena 9 - MUKANDA WANZAMBI bible

2 Malena 9

¹Kaprofwetu Elisha watambikili mwana kawatuprofwetu wumu, hakumwila nindi, Pimpilaku mahineyi, wusendi ichi chipunda chamanji muchikasa cheyi, wuyi kuRamoti Gileyadi.

²Chiwakashika kwenokuwakatalatali Yehu mwana kaYehoshafwati, Yehoshafwati mwana kaNimishi, kwenoku; wakeŋa ilumu wakamunyamwishi hadi ana kwindi, wakamutwalimwitala damukachi.

³Wakanoni chipunda chamanji, wakamuhuŋunwini hanamutu windi, neyi, Yehova nahoshi nindi, Ami nakuwayishi dehi manjiwikali mwanta wawaIsarela. Hiwakenzulula chenzelu, hiwakatemuka, kulabajala nehi.

⁴Woho, owu mukwenzi, yowu mukwenzi wakaprofwetu, hakuya kuRamoti Gileyadi.

⁵Chanashikiyi, kuwana awakulumpi anjita anashakami. Nindi, Eyi mukulumpi, nidi nezu dakukuleja. Yehu nindi, Dakuleja wumuwudihi? Nindi, Dakulejeyi mukulumpi.

⁶Hakunyamuka, hakwijila mwitala. Yena hakumuhuŋunwina manji hanamutu windi, hakumwila nindi, Yehova Nzambi yaIsarela nahoshi nindi, Ami nakuwayishi dehi manjiwikali mwanta wawantu aYehova, wowu aIsarela.

⁷Wakatapi mutaŋwamwanta weyi Ahabi, kulonda nakatendi hadi Yezebeli mashi awambuŋami atuprofwetu, nimashi awambuŋa Yehova ejima.

⁸Mutapa waAhabi wakajilumuka wejima; Ahabi nakamwamuka anyana amayala ejima, nianduŋu nianyana ahamukala adi muIsarela.

⁹Mutaŋa waAhabi nakawila wakekalineyi mutaŋ wamwana kaNebati Yerobowami, neyi mutaŋa wamwana kaAhiya Bayasha.

¹⁰Atuwa akamudya Yezebeli mwiseka daYezereyeli, hikwakamwekana wakumujiikaku. Enzulula nichenzelu, atemuka nikutcmuka.

¹¹Yehu hakwidika, hakuya kudi ambuŋankaka yindi. Wumu hakumwihulanindi, Kwamwena? Indi yeniwu muntu wazaluka ncnjilidikudeyi? Hakuyila nindi, Muntu mwamwiluka, nimwanahoshiyi muneluki.

¹²Nawu, Kutwamba; atulejumu mwani. Nindi, Nahoshi nanami ninimuninimu, nindi, Yehova nahoshi nindi, Ami nakuwayishi dehi kwikalamwanta wawaIsarela.

¹³Hiyakunyakala, wejima wawu hiyakunona mahinawu, iwu nadindi, iwu nadindi, hiyakusha hewulu dawukandaminu wetala, hiyakwimanahu, hiyakwimba mpùŋa, nawu, Yehu diyi mwanta.

¹⁴Yehu mwana kaYehoshafwati, Yehoshafwati mwana kaNimishi, hakumukwatila Yorami chikuchi. Yorami wadiŋi nakuhemba Ramoti Gileyadi, niyena niaIsarela ejima, hansaŋu yamwanta wakuSiriya Hazayeli.

¹⁵Ilaŋa henohu mwanta Yorami nafunti dehi, kulonda akamúuki muYezereyeliyitu yamukatishiluwu aSiriya, halwiliyi naHazayeli mwanta wakuSiriya. Yehu nindi, Neyi dimu munayi nyichima yenu, bayi hatemuka muntuafuma munu mumukala aya nakushimuna nsaŋu iyi muYczereyeluku.

¹⁶Dichi Yehu hakuya kuYezereyeli mwikalu, muŋa diku kwakaminiyi Yorami. Henohu mwanta wawaYuda Ahaziya wenza dehi nakumutala Yorami.

¹⁷Mukwa kutalatala wadiŋi wemana hakaposhi kamuYezereyeli, hakumona chendu chidi nakwinza naYehu, nindi, Namoni chendu. Yoraminindi, Tambulaku mukwakawalu, wunamutumi nakuyikinkilila, akehuli nindi, Kwamwena tahindi?

¹⁸Hikukuya muntu hakawalu nakumukinkilila, hakwihula nindi, Mwanta nindi, Kwamwena tahiudi? Yehu nindi, Eyikumwena wudi nindi nansaŋu? Hitaku kunyima yami. Mukwa kutalatala hakushimuna nindi, Kaŋanda nashiki kudi wena, ilaŋa kufunta nehi.

¹⁹Hakutumaku muntu wamuchiyedi hakawalu, yena hakwinza kudi wena, nindi, Mwanta nindi, Kwamwena tahindi? Yehu nindi, Eyi kumwenawudi nindi nansaŋu? Hitaku kunyima yami.

²⁰Mukwakutalatala hakushimuvi anindi, Nashiki kudi wena, ilaŋa kufunta nehi. Kwenda kudi neyikwenda kwamwana kaNimishi Yehu, muloŋa kwenda kwindi neyi kwakuzalukahohu.

²¹Yorami nindi, Lopeshenu ikalu. Hiyakuloŋesha ikalu dindi. Mwantawa waIsarela Yorami, nimwanta wawaYuda Ahaziya, hiyakwidika, iwumwikalu dindi, iwu mwikalu dindi, hiyakuya nakumukinkilila Yehu, hiyakumuwana mwiseka daNaboti wakuYezereyeli.

²²Yorami chamumweniyi Yehu, hakumwihula nindi, Eyi Yehu, kwamwena tahindi? Yena nindi, Kwikala kumwena, chikuneli mawuvumbi amama yeyi Yezebeli niwulojiwindi sapa wavulila?

²³Yorami hakunyepumuna ikalu, hakutemuka, hakumwila Ahaziya, nindi, Eyi Ahaziya, kunu anatukwatili makasu atama.

²⁴Yehu hakwevula wuta windi naŋovu yindi yejima, hakumusowa Yorami hahumapena mafwŋi, nsewu yimuhanuka nihaludupu, niyena kwamulumba mwikalu dindi.

²⁵Yehu hakumwila mukulumpi wekalu dindi Bidikari, nindi, Munoni, wumunatili mwiseka acha daNaboti wakuYezereyeli. Anukaku mwamushi ikiluwu kudi Yehova, hitwendelaŋa ninami nineyimunyima yatata yindi Ahabi,

²⁶heliliyi Yehova nindi, Chalala haloshinamona mashi aNaboti, nimashi awanyanindi; heliliyi Yehova nindi, Nakakwila mwomumu mwisekidi. Dichi dinu munoni, wumunatili mwisekidi, mwomwizu daYehova.

²⁷Ahaziya mwanta wawaYuda chanachimoniyi, hakutemukila njilayetala dakwitempa. Yehu hakumuhaŋa, nindi, Mutapilenu mwikaluni yena nawa. Hiyakumutapila kumukandu wakuGuri wekala kwakwihina bileyami. Hakutemukila kuMegido, hakufwila kwoku.

²⁸Ambuŋindi amusendeli mwikalu, hiyakumutwala kuYerusalema, hiyakumujiika mwŋi muhamu nawankakulula jindi mumukala waDavidi.

²⁹Mumwaka wekumi nakamu wamwana kaAhabi Yorami Ahazi ya watachikili kuyula aYuda.

³⁰Chashikiliyi Yehu kuYezereyeli, Yezebeli wachitiyili; hakudi kwitawulombu kumesu, hakuyindayinda nsuki jindi chachiwahi, hakwimana kunjanina, nakutala hanzi.

³¹Cheliliyi Yehu hakwijila muchisu chachipaŋu, Yezebeli hakumwihula nindi, Eyi Zimiri, mbanji wunajahi nkaka yeyi, kwamwena?

³²Yena hakufumbula mesu indi, hakutala kunjanina, hakwila nindi, Wami hinyi? Hinyi? Atulala kwiji ayedi indi kwiji asatu hiyakutalahanzi.

³³Nindi, Munatenu mwishina. Hiyakumunatila mwishina. Mashi indi amakwawu hiyakusampokela kumbaŋu, nikutuwalu. Hakumudatolana nyendu.

³⁴Dichi Yehu hakwijila mwitala, hakudya nakunwa; hakwila nindi, Yenu mwani, mwakamutali iwu mumbanda washiŋewa, mwakamujiiki, muloŋa yena himwana kamwanta.

³⁵Hiyakuya nawuamujiiki. Hiyakuwana kwachaŋu, namadachilu, namakabu amakasindi hohu.

³⁶Hiyakufunta nakumuleja. Yena nindi, Dodizu daYehova dahosheliyi kukanwa kakambuŋindi Elija wakuTishebi, deliliyi nindi, Atuwa akamudya Yezebeli mwiseka dakuYezereyeli;

³⁷chibimbi chaYezebeli chakekala neyi tuji twakusandila hewulu mwiha damwiseka dakuYezereyeli, kulonda akabuli kwila nawu, Yezebeli iwu.